San Juan 15:15 - DIOSPA QHELQACHISQ

¹⁵ Manaña wata runay nisqaykichejchu, imaraykuchus wata runaqa patronnin imatachus ruwasqanta mana yachanchu. Manachayqa kawsaqeykuna nisqaykichej, imaraykuchus Tataypa tukuy ima niwasqanta rejsichiykichej.

Qheshwa Biblia DC

¹⁵ Mana kamachistachu sutichasqaykichej, imaraykuchus kamacheqa mana yachanchu patronnin imatachus ruwasqanta. Noqa kausaqesta sutichaykichej, imaraykuchus Tataypa tukuy ima niwasqanta rejsichiykichej.

DIOSPA QHELQACHISQAN DEUTEROCANONICAL

¹⁵ Manaña wata runay nisqaykichejchu, imaraykuchus wata runaqa patronnin imatachus ruwasqanta mana yachanchu. Manachayqa kawsaqeykuna nisqaykichej, imaraykuchus Tataypa tukuy ima niwasqanta rejsichiykichej.

Quechua South Bolivia: Dios Parlapawanchej

¹⁵ Manaña camachitachu sutichayquichej. Uj camacheka camachejnin imatachus ruwashaskanta mana yachanchu. Tataymanta tucuy uyariskayta willarkayquichej. Chayraycu amigosniyta sutichayquichej.

San Juan 15:15 Referans Kwoze

Salmos 25:14

Tata Dios kawsakun, pikunachus payta may jatun respetowan qhawanku, chaykunawan, tratontapis paykunaman rejsichenqa.

San Mateo 13:11

Jesustaj kuticherqa: Imachus kanqa Dios kamachishajtin, chay pakasqa yachayta pay qankunaman rejsichisunkichej, manataj paykunamanqa.

Santiago 2:23

Ajinamanta Diospa Qhelqachisqanpi imatachus nisqan junt'akorqa: Abrahamqa Diospi atinikuspa nisqanmanta jap'ikorqa, chay jap'ikusqanraykutaj Diosqa Abrahamta cheqan runapaj qhawarqa, nispa. Ajinamanta Diosqa Abrahamta kawsaqenpaj rejsikaporqa.

Colosenses 1:26

Chay willayqa wiñaymantapacha pakasqa karqa. Kunantajrí Diosqa ajllakusqankunaman chayta sut'inchanña.

Apocalipsis 1:1

Kayqa Jesucristoj sut'inchasqan, mayqentachus Dios payman qorqa kamachinkunaman rejsichinanpaj imachus askamalla kananmanta, chay. Jesusqa angelninnejta chaykunata kamachin Juanman rejsicherqa.

Efesios 3:5

Dios chay pakasqa yachayta mana ñawpa runakunaman rejsicherqachu. Kunanrí pay Santo Espiritunnejta chaykunata kuraj kachankunaman, chantá sut'inchajkunaman ima rejsichin.

Efesios 1:9

Munasqanman jina payqa imatachus wakichisqanmanta chay pakasqa yachayta rejsichiwarqanchej, mayqentachus Cristopi junt'ayta munarqa, chayta.

San Juan 20:17

Jesustaj nerqa: Ama jap'iwaychu, imaraykuchus patapi kashaj Tatayman manaraj rinirajchu. Astawanqa wawqeykunaman nimuy: Pay nisunkichej: Tatayman, Tataykichejman, Diosniyman, Diosniykichejmantaj rishani, nispa.

2 Pedro 1:1

Noqa Simón Pedroqa, Jesucristoj wata runan kani, chantá kuraj kachan ima. Kay cartata qankunaman apachimuykichej, pikunachus noqayku jina Jesucristopi atinikorqankichej, chaykunaman. Jesucristopi atinikusqaykichejqa may jina sumajmin. Paypitaj atinikorqankichej Qhespichej Jesucristo Diosninchej cheqan kasqanrayku.

Gálatas 4:6

Wawanña kajtinchejtaj, Diosqa Churinpa Espiritunta noqanchejpi tiyakunanpaj kachamorqa, paytaj Diosta niyta yanapawanchej: Tatáy, Tatitáy, nispa.

San Juan 12:26

Qankunamanta pillapis kamachiy kayta munajqa kasunawan tiyan. Pikunachus kamachiy kajkunataj, maypichus noqa kasaj, chayllapitaj kanqanku. Tataytaj tukuy kamachiykunata jatunchanqa, nispa.

San Juan 8:26

Qankunamanta ashkhata parlanay kashan, jinataj juzganay. Chaywanpis noqata Kachamuwajqa cheqanta parlan, noqataj paymanta uyarisqallayta runakunaman willani, nispa.

Amós 3:7

Tata Dios manamin imatapis ruwanchu, manaraj ñawpajta paymanta sut'inchajkunaman willaspaqa.

1 Pedro 1:11

Cristoj Espíritun paykunapi kaspa, ñawpajmantapacha sut'inchasqa Cristo ñak'arinanmanta, chaymantataj jatunchasqa kananmanta ima. Paykunataj mayk'ajchus, chantá imaynamantatajchus chay kananta yachayta munaspa, mayta watorqanku.

Santiago 1:1

Noqa Santiago Diospa wata runan kani, Tukuyta Kamachej Jesucristojtawan. Qankuna Israelpa chunka iskayniyoj ayllunmanta waj suyukunapi ch'eqerasqa kajkunata napaykamuykichej.

Filemón 1:16

Kunantajrí payta manaña wata runata jinachu jap'ikapuy, aswanpis munasqa wawqeykita jina. Noqaqa Onesimota mayta munakuni. Qanpajrí aswan munasqaraj kanqa, mana wata runa jinallachu, manachayqa Tukuyta Kamachej Jesucristoman kutirikusqannejta wawqeyki kasqanrayku.

San Juan 17:26

Noqaqa paykunaman pichus kasqaykita rejsicherqani. Chantá astawanraj rejsichisajpis, imaynatachus noqata munakuwanki, ajinallatataj paykunapis ujkunata munakunankupaj. Chaypachataj paykuna noqaman ujchasqallapuni kanqanku, nispa. Ajinata Jesús Tata Diosmanta mañakorqa.

San Juan 15:20

Imatachus qankunaman nisqayta yuyarikuychej: Wata runaqa patronninmanta mana aswan kurajchu, nispa. Noqatachus qhatiykachawarqanku chayqa, qankunatapis qhatiykachallasonqachejtaj. Nisqaytachus kasorqanku chayrí, qankunaj nisqaykichejtapis kasullanqankutaj.

San Juan 13:16

Kayta sut'ita niykichej: Wata runaqa patronninmanta mana aswanchu, nitaj kachasqapis kachajninmanta aswan kurajchu.

Judas 1:1

Noqa Judas kani, Jesucristoj wata runan, chantá Santiagoj wawqen. Kay cartatataj Tata Diospa wajyasqankunaman apachimuni, pikunatachus Tata Dios munakun, Jesucristotaj waqaychan, chaykunaman.

Hechos 20:27

imaraykuchus mana imata pakaspa, imatachus Dios ruwayta munasqanta qankunaman willarqaykichej.

San Juan 4:19

Warmitaj chayta uyarispa, nerqa: Wiraqochi, qanqa Diosmanta sut'inchajsina kankeqa.

San Lucas 10:23

Wajnejpi sapankupi kashajtinku, Jesús yachachisqankunaman kutirispa, nerqa: Kusikuyniyojmin kankichej imatachus ruwasqayta rikusqaykichejmanta.

Proverbios 18:24

Wakin kawsaqekunaqa mana unaypajchu kanku. Chaywanpis wakin kawsaqekunaqa wawqemantapis astawan munakuyniyoj kanku.

San Juan 16:12

Qankunaman parlanayqa ashkharaj kashan. Chaywanpis kunan chay tukuyta ninayqa qankunapaj anchaña kanman.

Romanos 7:15

Ajinaqa, imatachus ruwasqayta mana yachanichu, imaraykuchus allin kajta ruwayta munaspapis, mana chayta ruwanichu. Aswanpis imatachus chejnini, chayta ruwani.

1 Corintios 2:16

Diospa Qhelqachisqanpi nin: Pitaj Tukuyta Kamachej Diospa yuyasqanta yachanmanri? Chayrí, pitaj Diosta yachachiyta atinmanri? nispa. Chaywanpis noqanchej chay imakunata entiendeyta atinchej, imajtinchus Cristo jina yuyayta atinchej.