San Juan 15:11 - DIOSPA QHELQACHISQ

¹¹ Chaykunata niykichej noqawan khuska mayta kusikunaykichejpaj, chay kusikuytaj sonqoykichejmanta phullchirenqa.

Qheshwa Biblia DC

¹¹ Kay imasta niykichej, kusikuyniy qankunapi kanampaj, kusikuyniykichejtaj junt'akunampaj.

DIOSPA QHELQACHISQAN DEUTEROCANONICAL

¹¹ Chaykunata niykichej noqawan khuska mayta kusikunaykichejpaj, chay kusikuytaj sonqoykichejmanta phullchirenqa.

Quechua South Bolivia: Dios Parlapawanchej

¹¹ ‘Chay imasta nerkayquichej nokajina cusiskas canayquichejpaj quiquin cusiywan junt'a canayquichejpajtaj.

San Juan 15:11 Referans Kwoze

Romanos 15:13

Qankuna Diospi atinikusqaykichejrayku suyakuyniyoj kankichej. Chayrayku Diosmanta mañakuni tukuy kusiywan, sonqo tiyaykuywan ima sonqoykichejta junt'achinanta. Ajinamanta Santo Espiritunejta Diospi atinikuspa suyakusqaykichejqa astawan astawan kanqa.

San Juan 17:13

Kunantaj, maypichus qan kashanki, chayman kutimpushani. Kay pachapi kashaspa, noqaqa qhatiwajkunaman kaykunata nerqani, paykuna noqa jina manchay kusisqa kanankupaj.

San Juan 16:24

Kunankama mana imatapis sutiypi mañakunkichejrajchu. Mañakuychej ari, jap'inkichejtaj, sonqoykichej kusikuywan junt'asqa kananpaj.

1 Juan 1:4

Kay cartata qhelqaspa, qankunaman apachimuyku noqaykuwan khuska qankuna mayta kusikunaykichejpaj.

1 Pedro 1:8

Qankunaqa Jesucristota mana rikuspalla munakunkichej. Kunanpis mana payta rikuspalla, paypi atinikunkichej, kusikunkichejtaj may jatun mana niy atina kusiywan.

2 Juan 1:12

Qankunaman imatachus ninayqa ashkharaj tiyan. Chaywanpis chaymanta cartallapi qhelqamuyta mana munanichu. Aswanpis noqa kikiy qankunata waturikuyta munani uyapura parlarikunanchejpaj. Chaypacha mayta kusikuspa, sonqo junt'asqa kasunchej.

San Juan 16:33

Kay tukuyta niykichej, noqaman ujchasqa kaspa, sonqoykichej tiyaykusqa kanaykichejpaj. Kay pachapeqa llakiykunata, chantá pisipaj qhawasqa kayta ima ñak'arinkichej. Chaywanpis sonqoykichejpi kallpachakuychej, imaraykuchus noqaqa Diosman mana kutirikojkunaj tukuy yuyasqankuta atipaniña, nispa.

2 Corintios 1:24

Chayta nispaqa, mana munashaykuchu qankuna munasqaykuman jina Diosta qhatikunaykichejta. Manachayqa qankunata yanapayta munayku, ajinamanta qankuna kusisqa kanaykichejpaj, imaraykuchus Cristopi atinikusqaykichejrayku sinch'ita sayashankichejña.

1 Tesalonicenses 5:16

Kusisqallapuni kaychej.

San Lucas 15:32

Chaywanpis raymita ruwaspa, kusikunanchejpuni karqa, imaraykuchus kay wawqeykeqa wañusqa karqa, kawsarimuntaj, chinkasqa kasqanmantataj tarikapunchej, nispa. Ajinata Jesús runakunaman yachacherqa.

San Lucas 15:9

Tariytawantaj kawsaqenkunata, llajta masinkunata ima tantaykuspa, paykunata nin: Noqawan kusikuychej, imaraykuchus chinkachisqay qolqeyta tarikapuni, nispa.

Filipenses 1:25

Ajinaqa, allinta yachani kawsanaytaraj qankunata yanapanaypaj, Diospi atinikusqaykichejmantapis kusikunaykichejpaj.

Efesios 5:18

Ama machakuychejchu, imaraykuchus machanaqa mana ruwanata ruwanaman apasunkichejman. Aswanpis Santo Espíritoj kamachiyninpi sapa p'unchay puriychej.

San Juan 3:29

Noqaqa casarakoj qharejpa kawsaqen jina kani. Casarakupi noviayojqa qharilla jinataj casarakoj qharej kawsaqen paypa parlasqanta uyarispa, paywan khuska kusikun. Ajinata noqapis Jesuspa ruwasqanmanta kusikushani.

San Lucas 15:5

Ovejanta tariytawantaj, michejqa may kusisqa lijrariykukun.

San Lucas 15:23

Chantá wirayachisqa torillota ñak'aychej, imaraykuchus raymita ruwaspa, sumajta mikhusunchej.

Jeremías 32:41

Noqaqa paykunapaj allin kajta ruwaspa, kusikusaj. Chantá tukuy sonqo, tukuy alma paykunata kay suyupi kawsachisaj, nispa.

Isaías 53:11

Maypachachus pay rikonqa chay jina llakiyta ñak'arispa imatachus tarisqanta chaypacha, may sonqo junt'asqa kanqa. Cheqan kamachi chay jina ñak'arisqanwan ashkhata cheqanpaj qhawasqa kanankuta ruwanqa, imaraykuchus paykunaj juchankumanta jasut'isqa kanqa.

Sofonías 3:17

Tata Diosniykeqa qanwan kashan. Payqa may atiyniyojmin, qhespichisonqataj. Tata Diosqa qanwan kusisqapuni kanqa. Munakuyninwan mosoj kawsayta qosonqa, qanmanta kusikuspataj, raymipi jina takirikonqa, nispa.

Jeremías 33:9

Chantá Jerusalén llajta kusikunay llajta kanqa, tukuy suyoj ñawpaqenkupi manchay uyarisqa kanqa. Paykunanejta kay pachapi tukuy suyukunaj ñawpaqenpi yupaychasqa, chantá manchay uyarisqa kasaj. Jinataj sonqo tiyaykuy kawsayta qosqayrayku chantá tukuy imawan junt'achisqayta rikuspa, waj suyukunamanta runakuna kharkatitenqanku, nispa.

Isaías 62:4

Manaña jayk'ajpis “Saqerpayasqa Llajta”, nispa nisonqankuchu, suyuykipis manaña “Ch'in Jallp'a” nisqachu kanqa. Manachayqa Tata Dios “Kusikunay Llajta”, nispa sutichasonqa, jallp'aykitataj “Warmisitáy”, nispa nenqa, imaraykuchus Tata Diosqa qanwan may kusisqa kanqa, paytaj suyuykipaj qosayki jina kanqa.