San Juan 14:7 - DIOSPA QHELQACHISQ

⁷ Noqatachus rejsiwankichej chayqa, Tataytapis rejsillankichejtaj. Kunanmantapacha payta rejsinkichej, imajtinchus payta rikushankichej, nispa.

Qheshwa Biblia DC

⁷ Noqatachus rejsiwankichejman chayqa, Tataytapis rejsillawajchejtaj. Kunanmantapacha payta rejsinkichej, rikunkichejtaj.

DIOSPA QHELQACHISQAN DEUTEROCANONICAL

⁷ Noqatachus rejsiwankichej chayqa, Tataytapis rejsillankichejtaj. Kunanmantapacha payta rejsinkichej, imajtinchus payta rikushankichej, nispa.

Quechua South Bolivia: Dios Parlapawanchej

⁷ Sichus nokata rejsiwarkanquichej chayka, Tataytapis rejsiwajchej carka. Cunanmantapachataj payta rejsinquichej ricorkanquichejtaj —nispa.

San Juan 14:7 Referans Kwoze

San Juan 8:19

Chantá Jesusta taporqanku: Tatayki maypitaj kashanri? nispa. Jesustaj kuticherqa: Qankunaqa mana noqata rejsiwankichejchu, nitaj Tataytapis. Sichus noqata rejsiwankichejman chayqa, Tataytapis rejsillawajchejtaj, nispa.

San Lucas 10:22

Chantá Jesús chaypi kajkunata nillarqataj: Tatayqa tukuy imata qowan. Mana pipis yachanchu pichus Churi kasqanta. Chaytaqa Tatalla yachan. Nillataj pipis yachanchu pichus Tata kasqanta, manachayqa Churillan yachan, jinallataj pimanchus Churi rejsichiyta munan, chaypis, nispa.

San Juan 17:8

Imatachus willanayta niwasqaykita noqa paykunaman willarqani, paykunataj chayta jap'ikorqanku. Jinallataj paykuna yachanku noqa qanmantapuni jamusqayta, jinataj qan kachamuwasqaykita creenku.

San Juan 17:6

Kay pachamanta qowasqayki runakunaman noqa pichus kasqaykita rejsicherqani. Paykuna qanpatapuni karqanku, qopuwarqankitaj, paykunataj nisqaykita kasorqanku.

1 Juan 2:13

Jesucristota qhatikuypi unayniyojña kajkuna, qankunaman qhelqamuykichej, imaraykuchus qankuna Jesucristota qhatikushankichej, pichus manaraj imapis kashajtin karqañapuni, chayta. Jesucristota qhatikuypi wayna jina kallpanpi kashajkuna, qankunamanpis qhelqamullaykichejtaj, imaraykuchus qankunaqa Kuraj Supayta atipankichejña. Wawakuna, qankunamanpis qhelqamullaykichejtaj, imaraykuchus Tata Dioswan allinpi kawsakushankichej.

San Juan 17:26

Noqaqa paykunaman pichus kasqaykita rejsicherqani. Chantá astawanraj rejsichisajpis, imaynatachus noqata munakuwanki, ajinallatataj paykunapis ujkunata munakunankupaj. Chaypachataj paykuna noqaman ujchasqallapuni kanqanku, nispa. Ajinata Jesús Tata Diosmanta mañakorqa.

San Juan 17:23

Noqaqa paykunaman ujchasqa kashani, qantaj noqaman. Ajinamanta paykuna uj sonqolla kanqanku, tukuy runakuna yachanankupaj qan kachamuwasqaykita. Yachallanqankutaj qan paykunata munakusqaykita, imaynatachus noqatapis munakuwanki, ajinata.

San Juan 17:21

Mañakuyki paykunapura ujchasqallapuni kanankuta. Imaynatachus Tatáy, qanwan, noqawan ujchasqa kanchej, ajinallatataj paykunapis noqanchejman ujchasqapuni kachunku, ajinamanta tukuy runakuna qan kachamuwasqaykita yachanankupaj.

San Juan 16:3

Paykuna ajinata ruwanqanku, imaraykuchus Tata Diosta, chantá noqata ima mana rejsiwaykuchu.

2 Corintios 4:6

Chayqa ajina, imaraykuchus Tata Diosqa kay pachata ruwashaspa, nerqa: Laqhayajpi k'anchay k'anchachun, nispa. Jinallataj pay chay k'anchayta sonqonchejpipis k'ancharichillantaj, Diospa jatun kayninpa lliphipiyninta Jesucristoj uyanpi rejsinanchejpaj.

San Juan 17:3

Paykuna wiñay kawsayman yaykunku, maypachachus qanpi, chantá noqapi atinikunku, chaypachalla. Qanpi atinikunanku tiyan, imajtinchus qan uj k'ata cheqa kaj Dios kanki. Noqapipis atinikunallankutaj tiyan, imajtinchus noqaqa qanpa kachamusqayki Jesucristo kani.

San Juan 15:24

Manachus paykuna ukhupi ni pejpa ruwasqan t'ukunata ruwayman karqa chayqa, mana juchayojchu kankuman karqa. Kunanrí t'ukuna ruwasqayta rikunkuña. Chaywanpis noqata, Tataytapis chejnikuwayku.

San Juan 6:46

Mana pi runapis Tata Diosta rikorqachu, manachayqa Diosmanta jamojlla.

San Juan 1:18

Mana pipis Diosta jayk'ajpis rikorqachu. Chaywanpis uj k'ata Churin, pichus Diosmin, pitajchus Tata Dioswan ujchasqa kawsan, paymin Tata Diosta rejsichiwanchej.

San Mateo 11:27

Chantá Jesús chaypi kajkunata nillarqataj: Tatayqa tukuy imata qowan. Mana pipis yachanchu pichus Churi kasqanta. Chaytaqa Tatalla yachan. Nitaj pipis yachanchu pichus Tata kasqanta, manachayqa Churillan yachan, jinallataj pimanchus Churin rejsichiyta munan, chay.

Hebreos 1:3

Diospa Churenqa Diospa jatun kayninpa lliphipiyninta rikuchin, paypa kaynintaj Tata Diospa kayninta rejsichiwanchej. Payllataj atiyniyoj simi nisqanwan tukuy kaj chhikata maychus kananpi purichin. Chantá juchanchejta pampachaspa llimphuchawarqanchej, jinaspataj, janaj pachapi jatun atiyniyoj Kamachejpa pañanman tiyaykukorqa.