San Juan 14:20 - DIOSPA QHELQACHISQ

²⁰ Chay p'unchay chayamojtin yachankichej noqaqa Tatayman ujchasqa kasqayta. Ajinata qankunapis noqaman ujchasqa kankichej, imaynatachus noqapis qankunaman ujchasqa kasaj, ajinata.

Qheshwa Biblia DC

²⁰ Chay p'unchaypeqa, Tataypi kasqayta yachankichej, qankunataj noqapi, noqataj qankunapi kasqayta.

DIOSPA QHELQACHISQAN DEUTEROCANONICAL

²⁰ Chay p'unchay chayamojtin yachankichej noqaqa Tatayman ujchasqa kasqayta. Ajinata qankunapis noqaman ujchasqa kankichej, imaynatachus noqapis qankunaman ujchasqa kasaj, ajinata.

Quechua South Bolivia: Dios Parlapawanchej

²⁰ Sumaj p'unchay jamushan. Chay p'unchaypi yachanquichej nokaka Tataywan ujchaska caskayta. Chaypacha kancunapis nokawan ujchaska canquichej, nokataj kancunawan.

San Juan 14:20 Referans Kwoze

San Juan 17:26

Noqaqa paykunaman pichus kasqaykita rejsicherqani. Chantá astawanraj rejsichisajpis, imaynatachus noqata munakuwanki, ajinallatataj paykunapis ujkunata munakunankupaj. Chaypachataj paykuna noqaman ujchasqallapuni kanqanku, nispa. Ajinata Jesús Tata Diosmanta mañakorqa.

Gálatas 2:20

Noqaqa Cristowan khuska chakatasqa karqani, kunantaj manaña ñawpajta jinachu kawsani. Manachayqa noqapi Cristo munayninta ruwaspa kawsan. Chayrayku kunan Diospa Churinpi atinikusqayrayku kawsashani, imaraykuchus paymin munakuwarqa, noqaraykutaj pay kikin wañuchisqa kananpaj jaywaykukorqa.

1 Juan 4:12

Mana pipis jayk'aj Diosta rikorqachu. Noqanchej purajmanta munakunchej chayrí, Dios noqanchejpi tiyakun, munakuynintaj noqanchejpi imachus ruwananta ruwaspa, imatachus tariyta munasqanta junt'an.

San Juan 14:10

Felipe, Tatayqa noqawan ujchasqa kawsan, noqataj payman ujchasqa kawsani. Imatachus willaykichej, chaytaqa mana noqallamantachu parlani. Aswanpis noqawan ujchasqa kawsaj Tata Diosmin imatachus ruwananta noqanejta ruwan.

Romanos 8:1

Chayrayku pikunachus Cristo Jesusman ujchasqa kajkunaqa manaña ni imamanta juchachasqachu kasunchej.

San Juan 10:38

Sichus Tataypa ruwananta ruwani chayrí, amapis noqapi atinikuychejchu. Aswanpis t'ukuna ruwasqallayta cheqapuni kasqanta creeychej. Ajinamanta sut'ita yachankichej Tata Dioswan, chantá noqawan ima ujlla kasqaykuta, nispa.

2 Corintios 13:5

Qankuna kikiykichej qhawarikuychej, cheqatapunichus Cristopi atinikorqankichej manachus, chayta yachanaykichejpaj. Manachu reparankichej Jesucristo qankunapi kasqanta? Manachus jina chayqa, ichapis Cristopi mana atinikorqankichejchu.

Colosenses 1:27

Paykunaman Dios rejsichiyta munarqa, Cristoj qhapaj kasqan, chantá jatun kaynin ima qankuna mana judío kajkunapajpis kasqanta. Chay pakasqa yachayqa kaymin: Cristoqa qankuna ukhupi kashan. Ajina kasqanraykutaj qankuna tukuy sonqo janaj pachaj jatun kayninpa lliphipiyninta jap'iyta suyashankichej.

San Juan 16:26

Chaypachaqa qankunarayku Tataymanta mañapusunay manaña necesariochu kanqa, imajtinchus qankuna kikiykichej Tata Diosmanta mañakunkichej noqata qhatiwajkuna kasqaykichejrayku.

Colosenses 2:9

Cristoj yachachisqanrí aswan allinmin, imajtinchus Cristo runaman tukuspa jamojtin, imaynachus Dios kasqanqa, chay tukuy paypi karqa.

Colosenses 1:19

Chayqa ajina, imaraykuchus Tata Dios munarqa, pay imaynachus kasqan, ajinallataj Churinpis kananta.

San Juan 6:56

Jinallataj pichus ukhuyta mikhoj, yawarniytataj ujyajqa, noqaman ujchasqa kawsan, noqataj payman ujchasqa kawsani.

2 Corintios 5:17

Cristoman ujchasqa kajqa mosoj runaman tukuchisqañamin. Ñawpa kawsaynin tukukapun, mosoj kawsaytaj qallarin.

San Juan 17:11

Noqa manaña kay pachapichu kasaj. Paykunataj kay pachapi qhepakonqanku, noqatajrí qanman jampusaj. May llimphu kaj Tatáy, noqapi atinikojkunata atiyniykiwan waqaychay, paykuna uj sonqolla kanankupaj, imaynatachus qanwan noqawan ujlla kanchej, ajinata.

San Juan 16:23

Chaypacha manaña imatapis tapuwankichejchu. Kayta sut'ita niykichej: Imatachus sutiypi mañakojtiykichejqa, Tatay qosonqachej.

Efesios 2:10

Noqanchejqa Diospa ruwasqanmin kanchej, Jesucristoman ujchasqa kasqanchejraykutaj watej ruwawarqanchej allin kajta ruwananchejpaj. Chaykunata Dios ñawpajmantaña wakicherqa ruwananchejpaj.

1 Corintios 1:30

Chaywanpis kikin Diosmin qankunata Cristo Jesuswan ujchaykorqasunkichej. Cristowan ujchasqa kasqaykichejraykutaj qankuna yachayniyoj kankichej. Jinallataj Cristo Diospa ñawpaqenpi cheqan runapaj qhawasqa kananchejpaj ruwawarqanchej, jinallataj juchamanta t'aqasqa llimphu, chantá juchamanta kacharichisqa kananchejpaj ima.

San Juan 17:7

Kunantaj yachankuña tukuy ima qowasqaykeqa qanmantamin kasqanta.

2 Corintios 12:2

Noqaqa Cristota qhatikoj uj runata rejsini, pichus chunka tawayoj wata pasayta, kinsa kaj janaj pachakama apasqa karqa, chayta. Mana yachanichu ukhuntinchus, chayrí almallanchus apasqa kasqanta. Chayta Dioslla yachan.

2 Corintios 5:19

Kaytaj niyta munan Diosqa Cristonejta tukuy runata paywan allinyachisqanta, juchankuta qonqayman churaspa. Chantá pay kamachiwarqayku Dioswan allinyakunamanta wajkunaman willanaykuta.

Romanos 16:7

Jinataj llajta masiy Andronicota, pananchej Juniastawan ima napaykapullawaychejtaj. Paykuna noqawan khuska carcelpi karqanku, Jesuspa kuraj kachankunaj ukhupitaj respetasqa kanku. Chantapis paykunaqa noqamanta ñawpajta Cristopi atinikorqanku.

San Juan 14:11

Creewaychej noqaqa Tata Dioswan ujlla kasqayta, Tata Diostaj noqawan ujlla kasqanta. Manachayrí, ruwasqayta rikuspalla, noqapi atinikuychej.