San Juan 14:17 - DIOSPA QHELQACHISQ

¹⁷ Santo Espiritoqa imachus cheqa kajta yachachisonqachej. Diosman mana kutirikojkuna mana payta Yanapajninkuta jina jap'iyta atinkuchu, imaraykuchus payta mana rikunkuchu nitaj rejsinkuchu. Qankunatajrí payta rejsinkichejña, imaraykuchus qankunawan kashan, qankunapitaj tiyakonqapuni.

DIOSPA QHELQACHISQAN DEUTEROCANONICAL

¹⁷ Santo Espiritoqa imachus cheqa kajta yachachisonqachej. Diosman mana kutirikojkuna mana payta Yanapajninkuta jina jap'iyta atinkuchu, imaraykuchus payta mana rikunkuchu nitaj rejsinkuchu. Qankunatajrí payta rejsinkichejña, imaraykuchus qankunawan kashan, qankunapitaj tiyakonqapuni.

Quechua South Bolivia: Dios Parlapawanchej

¹⁷ Payka Santo Espiritumin. Paytataj cay pacha runas mana atincuchu ricuyta nitaj rejsiytapis. Chayraycu payta mana jap'iyta atincuchu. Kancunarí payta chekata rejsinquichej kancunawan tiyacushaskanraycu. Paywan ujchaskataj canquichej.

San Juan 14:17 Referans Kwoze

Ezequiel 36:27

Espirituytapis qollasqaykichejtaj, nisqayta, kamachisqaytawan junt'anaykichejpaj.

San Juan 16:13

Jinapis Diosmanta cheqa kajta parlaj Santo Espíritu jamuspa, cheqa kajta yachachisonqachej, imaraykuchus mana paypa sutillanpichu parlanqa, astawanqa Tata Diosmanta tukuy uyarisqanta parlanqa. Qankunamantaj imachus qhepanejman jamunantapis sut'inchasonqachej.

1 Juan 2:27

Qankunamanrí Diosqa Santo Espirituta qosorqachej, paytaj qankunapi tiyakushan. Chayrayku mana pejpa yachachinanrajchu kanaykichej tiyan, manachayqa Santo Espíritu tukuy imata yachachisunkichej. Paypa yachachisqanqa cheqanmin, manataj llullachu. Chayrayku qankunaqa Cristowan allinpipuni kawsakuychej, imaynatachá Santo Espíritu yachachisorqachej, ajinata.

San Juan 15:26

Noqarí qankunaman Sonqochajta kachamusaj, chay Santo Espiritutaj Tataymanta jamuspa, cheqa kajmanta yachachisonqachej. Maypachachus Santo Espíritu Tata Diosmanta jamonqa chaypacha, pay noqamantamin willanqa.

1 Juan 4:6

Noqaykurí Diospata kayku. Pichus Diospata kajkunataj uyariwayku. Pichus mana Diospata kajkunatajrí mana uyariwaykuchu. Chay jinamanta reparayta atinchej pichus cheqa kaj Espirituwan kashasqanta, pitajchus q'otiyaj espirituwan kashasqanta.

1 Corintios 3:16

Manachu yachankichej qankuna tukuyniykichej Diospa templon kasqaykichejta, Diospa Espirituntaj qankunapi tiyakushasqanta?

1 Corintios 2:14

Diosman mana kutirikoj runarí Diospa Espiritunpa yachachisqanta mana jap'ikuyta atinchu, imaraykuchus paypajqa wampoj thawtisqan jinalla. Chayta mana entiendeyta atinchu, imaraykuchus imatachus niyta munasqanta yachananpajqa Santo Espíritoj yanapasqan kanan tiyan.

1 Corintios 6:19

Manachu yachankichej ukhuykichejqa Santo Espíritoj templon kasqanta? Payqa qankunapi tiyakun. Diosmin Santo Espiritunta qosunkichej, chayraykutaj ukhuykichejqa manaña qankunajtachu.

2 Timoteo 1:14

Jinallataj qanman qosqa karqa, chay cheqan yachachiyta allinta qhaway Santo Espíritoj atiyninnejta, pichus noqanchejpi tiyakun, chaynejta.

San Juan 14:16

Noqataj Tata Diosmanta mañasaj waj Sonqochajta kachamunanta, paytaj wiñaypaj qankunawan kanqa.

San Juan 14:23

Jesustaj kuticherqa: Noqata munakuwajqa nisqayta kasonqa, Tataytaj payta munakonqa. Chantá payman jamusqayku, paywantaj tiyakusqayku.

Isaías 57:15

Ajinata patapi kaj wiñaypaj kawsaj Tata Dios nini, May Llimphu Kaj sutiyoj Dios: Noqa patapi tiyakuni, may llimphu cheqapi. Jinallataj llamp'u sonqoyojwan, k'umuykojwan ima kashani, k'umuykoj sonqoyojkunata, sonqo p'akisqakunatapis kusichinaypaj.

1 Juan 3:24

Pikunachus Diospa kamachisqanta kasojkunaqa Dioswan k'acha kawsakuypi kashanku, Diospis paykunawan kawsakushallantaj. Noqanchejpis Dios noqanchejwan kawsakushasqanta yachallanchejtaj, imaraykuchus qowasqanchej Santo Espíritu noqanchejpi tiyakun, chayrayku.

1 Juan 4:4

Munasqa wawaykuna, qankuna Diospata kankichej, chayraykutaj mana cheqantachu yachachejkunata atipankichejña. Diospa Espíritun, pichus qankunapi kajqa aswan atiyniyoj, pichus kay pachapi kashan, chaymanta nisqaqa.

Efesios 3:17

Jinallataj mañapuykichej Cristopi atinikusqaykichejrayku payqa sonqoykichejpi tiyakunanta, ajinamanta Diosta munakusqaykichejpi, jinataj wajkunatapis munakusqaykichejpi sinch'ita sayanaykichejpaj.

Gálatas 4:6

Wawanña kajtinchejtaj, Diosqa Churinpa Espiritunta noqanchejpi tiyakunanpaj kachamorqa, paytaj Diosta niyta yanapawanchej: Tatáy, Tatitáy, nispa.

2 Corintios 13:5

Qankuna kikiykichej qhawarikuychej, cheqatapunichus Cristopi atinikorqankichej manachus, chayta yachanaykichejpaj. Manachu reparankichej Jesucristo qankunapi kasqanta? Manachus jina chayqa, ichapis Cristopi mana atinikorqankichejchu.

Colosenses 1:27

Paykunaman Dios rejsichiyta munarqa, Cristoj qhapaj kasqan, chantá jatun kaynin ima qankuna mana judío kajkunapajpis kasqanta. Chay pakasqa yachayqa kaymin: Cristoqa qankuna ukhupi kashan. Ajina kasqanraykutaj qankuna tukuy sonqo janaj pachaj jatun kayninpa lliphipiyninta jap'iyta suyashankichej.

Efesios 2:22

Ajinallatataj qankunapis Cristoman ujchasqa kasqaykichejrayku, chay wasimanta kankichej, mayqenpichus Diosqa Santo Espiritunejta tiyakun, chaymanta.

San Mateo 10:20

Mana qankunallachu parlankichej, astawanqa Tata Diosniykichejpa Espíritun qankunanejta parlanqa.

Apocalipsis 2:17

Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun: Noqaqa pichus atipajman maná nisqa chay pakasqa mikhunata mikhuchisaj. Jinallataj uj yuraj rumisituta qosaj, chay rumisitupitaj mosoj suti qhelqasqa kanqa. Chay sutita mana pipis yachanqachu, manachayqa pichus chay rumita jap'ejlla yachanqa.

Isaías 59:21

Tata Dios nillantaj: Kay tratota paykunawan ruwasaj: Qankunaman qosqay Espíritu, simiykichejman churasqay nisqay ima qankunamanta mana karunchakonqachu, nitaj wawaykichejkunamanta, nillataj allchhiykichejkunamantapis, kunanmanta wiñaypaj, nispa.

Proverbios 14:10

Runaj sonqollan imachus llakichisqanta yachakun. Manataj pipis paywan khuska kusiysikunchu.

1 Juan 5:7

Jinapuni kasqanta sut'inchajkunaqa kinsa kanku:

2 Corintios 6:16

Diospa Templonpeqa ni ima lanti kananchu tiyan, icharí? Qankunamin kawsashaj Diospa templon kankichej. Diosmin kayta nin: Noqaqa paykuna ukhupi tiyakusaj, purisajtaj. Paykunaj Diosninku kasaj, paykunataj aylluy kanqanku, nispa.

1 Corintios 14:15

Jina kajtenqa, imatataj ruwasajri? Sichus espirituywan Dioswan parlarikusaj chayqa, imatachus nishasqayta yachaspa parlarikusaj. Sitajchus espirituywan takisaj chayrí, imatachus takishasqaytapis yachallasajtaj.

San Juan 6:40

Tatayqa munan pillapis Churinta qhawaspa paypi atinikojqa wiñay kawsayniyoj kananta. Chantá noqa kikiy qhepa kaj p'unchaypi chay runata wañusqamanta kawsarichisaj, nispa.