San Juan 14:12 - DIOSPA QHELQACHISQ

¹² Kayta sut'ita niykichej: Pichus noqapi atinikojqa, paypis noqaj ruwasqayta ruwallanqataj. Chaypis astawanraj ruwanqa, imaraykuchus noqaqa Tata Dioswan kanaypaj rishani.

Qheshwa Biblia DC

¹² Cheqamanta, cheqamanta niykichej: Noqapi creejqa, noqaj ruwasqayta paypis ruwallantaj; astawanqa kuraj ruwanastapis ruwanqa, imaraykuchus noqa Dios Tataman rishani.

DIOSPA QHELQACHISQAN DEUTEROCANONICAL

¹² Kayta sut'ita niykichej: Pichus noqapi atinikojqa, paypis noqaj ruwasqayta ruwallanqataj. Chaypis astawanraj ruwanqa, imaraykuchus noqaqa Tata Dioswan kanaypaj rishani.

Quechua South Bolivia: Dios Parlapawanchej

¹² Chekatapuni niyquichej: Nokapi jap'icojka chay ruwaskasniy quiquillantataj ruwanka. Nokaka Tatayman ripushani. Chayraycu nokapi jap'icojka ruwaskasniymantapis aswan jatuchejtaraj ruwanka.

San Juan 14:12 Referans Kwoze

San Mateo 21:21

Jesustaj kuticherqa: Noqaqa kayta sut'ita niykichej: Sichus mana iskayrayaspa, Diospi atinikuwajchej chayqa, higo sach'awan imatachus ruwarqani, chaymanta astawanraj ruwawajchej. Kay orqotapis niwajchej: Ithiriy kaymanta, qochamantaj wijch'uykukuy, nispa, ajinataj kanman.

Marcos 16:17

Noqapi atinikojkunataj runaj mana jayk'aj rikusqan t'ukunata ruwanqanku: Sutiypi supaykunata runamanta qharqonqanku, mosoj parlaykunatataj parlanqanku.

Hechos 16:18

Ajinallatapuni unayta sapa p'unchay qhaparishajtin, Pabloqa amisqaña kaspa, kutiriytawan sipaspi kashaj supayta nerqa: Jesucristoj sutinpi kamachiyki paymanta llojsinaykita, nispa. Chay ratopachataj chay supayqa sipasmanta llojserqa.

Hechos 9:34

Jinapi Pedroqa payta nerqa: Eneas, Jesucristo qhaliyachisunki. Sayariy, puñuna mast'anaykita oqhariy, nispa. Eneastaj sayarerqapacha.

Hechos 19:12

Chay jina kajtin, runakunaqa Pabloj llankharisqan pañuelokunata, chayrí ima p'achallantapis onqosqakunaman churamoj kanku, chay onqosqakunataj qhaliyaporqankupacha. Jinallataj supaykunapis onqosqakunamanta llojserqanku.

Hechos 9:40

Jinapi Pedroqa tukuyninkuta jawaman llojsicherqa, qonqoriykukuspataj Diosmanta mañakorqa. Chantá wañusqata qhawarispa, nerqa: Tabitá, sayariy, nispa. Chay warmitaj ñawinta kicharispa, Pedrota rikorqa, tiyarikorqataj.

Hechos 8:7

Chaykuna ukhupi ashkha runakuna millay supayniyoj karqanku, Felipe kamachejtintaj, supaykunaqa sinch'ita qhaparispa, chay runakunamanta llojserqanku. Jinallataj ashkha suchu runakunata puriricherqa.

Hechos 5:15

Jinallataj runakunaqa onqosqakunatapis calleman orqhospa, chaypi suyachej kanku phullupi sirisqata chayrí kallapupi ima, Pedro chaynejta purishajtin, mayqellanmanpis llanthun chayaykunanpaj.

Hechos 2:41

Ajinamanta Pedroj yachachisqanta jap'ikojkuna bautizachikorqanku, chaypachataj Jesusta qhatikojkunaman 3.000 jina yapakorqanku.

Hechos 4:4

Chaywanpis chay uyarejkunamanta ashkha runakuna Jesuspa kuraj kachankunaj nisqankuta jap'ikorqanku. Qharikunallata yupaspa, 5.000 jina karqanku.

San Juan 16:7

Noqarí sut'ita niykichej: Noqa ripunayqa qankunapaj aswan allin kanqa, imaraykuchus mana ripuymanchu chayqa, Sonqochaj Santo Espíritu mana qankunaman jamunmanchu. Ripusajchus chayrí, payta kachamusqaykichej.

Hechos 2:33

Chaymantataj Diosqa Jesusta pañanman tiyaykucherqa. Payllataj Santo Espirituta Jesusman qorqa. Kunantaj Jesús Santo Espirituta kachamun, imaynatachus kunan rikushankichej, uyarishankichej, ajinata.

San Juan 7:39

Chayta nispa, Jesús paypi atinikojkunamanta parlasharqa, pikunamanchus Dios Santo Espirituta qonan karqa, chaykunamanta. Chaywanpis Santo Espíritu manaraj jamusqachu, imajtinchus Jesús manaraj janaj pachaman kutipusqachu.

San Juan 7:33

Jesustajrí nerqa: Qankunawanqa manaña unaytachu kasaj, manachayqa pichus kachamuwajman kutipusaj.

Romanos 15:19

Jinallataj Santo Espíritoj atiyninwan runaj mana jayk'aj rikusqanta, chantá t'ukuna imakunata ima ruwarqani. Ajinamanta Cristomanta sumaj willayta Jerusalenmantapacha Ilíricoj muyuyninkama junt'acherqani.

Hechos 6:7

Ajinamanta tukuynejpi runakuna Diospa Simi nisqanta uyarerqanku. Jinataj Jerusalén llajtapi Jesusta qhatikojkunaman ashkha yapakusharqanku. Jinallataj sacerdotekunamanta ashkha Jesucristopi atinikuspa, payman kutirikorqanku.

Hechos 4:16

Paykuna nerqanku: Imatataj ruwasun kay runakunawanri? Jerusalenpi tukuy tiyakojkuna yachanku runaj mana jayk'aj rikusqan t'ukunata ruwasqankuta. Chayta mana pakayta atisunmanchu.

San Juan 14:28

Kay nisqayta uyarerqankichejña: Rishani chaypis, qankunaman kutimullasajtaj, nispa. Sichus munakuwankichejman chayqa, Tata Diosman rishasqaymanta kusikuwajchej, imaraykuchus payqa noqamanta kuraj.

Hechos 10:46

Paykunataj mana judío kajkuna waj parlaykunata parlashajta uyarerqanku, Diosta yupaychashajta ima.

Hechos 4:33

Chantá Jesuspa kuraj kachankuna Jesucristoj kawsarimpusqanmanta manchay atiywan willararqanku. Diostaj tukuyninkuta mayta yanaparqa.

Marcos 11:13

Karumantataj uj higo sach'ata rikorqa q'omer laqheyojta. Poqoyta tariyta munaspataj, higo sach'aman qayllaykorqa. Chaywanpis mana poqoyta tarerqachu, manachayqa laqhellata, imaraykuchus manaraj higo poqona tiempochu karqa.

San Juan 4:37

Runa kay jinata nisqanqa cheqapuni junt'akun: Uj tarpun, wajtaj tarpusqanta oqharin, nispa.

San Juan 5:20

Tata Diosqa Churinta munakun. Chayrayku imatachus pay ruwan, chay tukuyta Churinman rikuchin. Chantá aswan jatuchaj ruwanataraj ruwananpaj rikuchenqa, qankunataj chayta rikuspa, t'ukunkichej.