San Juan 13:5 - DIOSPA QHELQACHISQ

⁵ Chantá uj ch'illamiman yakuta jich'arqospa, yachachisqankunaj chakinta mayllayta qallarerqa. Chumpinpi karqa, chay toallawantaj ch'akicherqa.

Qheshwa Biblia DC

⁵ Uj ch'illamipi yakuta jich'arqospataj, yachachisqasnimpa chakisninta mayllayta qallarerqa. Cinturampi karqa chay toallawantaj chakisninkuta ch'akicherqa.

DIOSPA QHELQACHISQAN DEUTEROCANONICAL

⁵ Chantá uj ch'illamiman yakuta jich'arqospa, yachachisqankunaj chakinta mayllayta qallarerqa. Chumpinpi karqa, chay toallawantaj ch'akicherqa.

Quechua South Bolivia: Dios Parlapawanchej

⁵ Mayllacunaman yacuta jich'aycuspa yachacojcunanpa chaquisninta mayllayta kallarin, chanta toallawan ch'aquichin.

San Juan 13:5 Referans Kwoze

San Lucas 7:44

Chantá warmiman kutirispa, Jesusqa Simonta nillarqataj: Rikushankichu kay warmita? Wasiykiman yaykumojtiy, qan mana chakiyta mayllakunaypaj yakullatapis jaywariwarqankichu. Payrí, waqayninwan chakiyta mayllan, chujchanwantaj ch'akichin.

Salmos 51:2

2 (4) Tukuy millay ruwasqaymanta mayllaway, juchaymantataj llimphuchaway.

Génesis 19:2

Wiraqochikuna, wasiypi kunan ch'isi qheparikuwajchej ari. Chaypi chakiykichejta mayllakuyta atinkichej, chantá q'aya tutamanta ripullankichej, nispa. Paykunatajrí nerqanku: Mana, kay plazallapi puñukusqayku, nispa.

1 Timoteo 5:10

Chantá pay allin kajta ruwasqanrayku tukuypaj sumaj respetowan qhawana kachun. Kallachuntaj wawankunata allinta uywaj, wajkunata wasinman wajyarikuyta yachaj, Jesucristota qhatikojkunaj chakinkuta mayllaj, llakiyniyojkunata khuyaspa yanaparej, chantá tukuy allin kajta ruwayta yachaj ima.

Génesis 18:4

Chakiykichejta mayllakunaykichejpaj noqa yakuta apachimusaj, chantá tumpallatapis kay sach'a llanthupi samarikuychej.

Apocalipsis 7:14

Noqataj payman kuticherqani: Wiraqochi, chaytaqa qan yachanki, nispa. Paytaj niwarqa: Kaykunaqa chay jatun ñak'ariypi wañojkuna kanku. Paykunaqa Corderoj yawarninpi t'ajsaspa, p'achankuta yurajyacherqanku.

Hebreos 10:22

Chayrayku ch'uwa sonqowan Tata Diosman qayllaykunachej, tukuy sonqo Cristopi atinikuspa, imaraykuchus pay wañusqanwan sonqonchejta tukuy juchamanta llimphuwarqanchej, llimphu yakuwanpis ukhunchejta mayllanman jina.

Efesios 5:26

Chayta Cristo ruwarqa Iglesian juchamanta t'aqasqa llimphu kananpaj, simi nisqanwan mayllaspataj, yakuwan jina llimphucharqa.

1 Corintios 6:11

Ñawpajta qankunamanta wakin ajina karqankichej. Kunanrí llimphuchasqaña kankichej, juchamanta t'aqasqaña, cheqan runapajña qhawasqa ima Tukuyta Kamachej Jesuspa atiyninnejta, chantá Diosninchejpa Espiritunnejta ima.

Hechos 22:16

Jina kajtenqa, imatataj suyashankiri? Jatarispa, bautizachikuy, jinaspataj Jesuspa sutinta oqharispa Diosniykipaj rejsikapuy, juchaykimanta llimphuchasqa kanaykipaj, nispa.

2 Reyes 3:11

Josafattajrí nerqa: Manachu kaypi Tata Diosmanta sut'inchaj tiyan, paynejta Tata Diosta tapurikunapaj? nispa. Chantá israelita soldadokunata kamachejmanta ujnin nerqa: Safatpa churin Eliseo kaypi kashan. Payqa Eliaspa kamachin karqa, nispa.

1 Samuel 25:41

Abigailtaj pampakama k'umuykukuspa, nerqa: Noqaqa paypa kamachinpis kasaj. Sichus kamachinkunaj chakinkuta mayllanayta niwanqa chayqa, noqa mayllasaj, nispa.

Levítico 14:8

Pichus llimphuchakojqa p'achanta t'ajsanan tiyan, jinallataj tukuy chujchanta raphakonqa. Chantapis mayllakullanqataj, ajinamanta llimphupaj qhawasqa kanqa. Chaymantaraj jaraman yaykuponqa. Chaywanpis qanchis p'unchaytaraj paypa toldonmanta jawallapi tiyakonqa.

1 Juan 5:6

Jesucristo kay pachaman jamuspa, yakuwan bautizasqa karqa, chantá wañuspataj, yawarninta jich'arqa. Mana yakunejllatachu Jesusqa Diospa Churin kasqanta sut'incharqa, manachayqa yakunejta, chantá yawarnejta ima. Santo Espíritu cheqatapuni parlaj jina kayqa ajinapuni kasqanta sut'inchan.

1 Juan 1:7

K'anchaypichus kawsanchej chayqa, imaynatachus Diospis k'anchaypi kashan, ajinata, noqanchejpis ujkuna ujkunawan uj sonqolla kawsanchej, Diospa Churin Jesuspa yawarnintaj tukuy juchamanta llimphuchawanchej.

San Juan 19:34

Chaywanpis ujnin soldado lanzawan Jesuspa wajtannin chaynejta t'ojserqa, chay kikinpachataj yawar, yaku ima surumorqa.

San Lucas 7:38

Chantá Jesuspa chakin qayllapi chukuykuspa, waqayta qallarerqa. Waqayninwantaj chakinta joq'ochaspa, chujchanwan ch'akicherqa. Jesuspa chakinta much'aspataj, sumaj q'apashaj jawinawan jawiykorqa.

Zacarías 13:1

Chay p'unchaypi Davidpa ayllunpaj jinataj Jerusalenpi tiyakojkunapaj yaku juturi kicharisqa kanqa, chaypi millay juchankuta mayllanankupaj.

Ezequiel 36:25

Llimphu yakuwan mayllasqaykichej, tukuy ch'ichi kawsayniykichejmantataj llimphuchasqa kankichej. Tukuy lantikunamantapis t'aqasqaykichej.

Apocalipsis 1:5

Jesucristoqa cheqanta willaj testigomin. Paymin wañusqamanta ñawpajta kawsarimporqa, payllataj kay pachapi tukuy kuraj kamachejkunata kamachin. Jesucristo munakuwarqanchej, jinataj wañuspa yawar jich'asqannejta juchanchejta pampacharqa.

Isaías 1:16

Mayllakuychej, llimphuchasqataj kaychej. Ñawpaqeymanta mana allin ruwasqaykichejta wijch'uychej. Amaña mana allin kajta ruwaychejchu.

Éxodo 29:4

Chaymantataj Aaronta, churinkunatawan ima Dioswan Tinkukuna Toldo punkuman pusanki, chaypitaj paykunata yakuwan mayllanki.

San Juan 13:10

Jesustajrí payta nerqa: Pichus tukuy ukhunta mayllakunña, chayqa llimphuña, chakillanta mayllana tiyan. Qankunataj llimphuña kankichej, manapis tukuyniykichejchu, nispa.

San Juan 13:8

Pedrotajrí nerqa: Mana jayk'ajpis chakiyta mayllawankichu, nispa. Jesustaj kuticherqa: Manachus mayllasqayki chayqa, mana noqata qhatiwayta atiwajchu, nispa.

Génesis 43:24

Jinaspataj, tukuyninkuta Josejpa wasinman pusaykorqa. Chantá chakinkuta mayllakunankupaj yakuta jaywarqa, burronkukunamanpis qarallarqataj.

Jueces 19:21

Chantá machu runaqa paykunata wasinman pusaspa, burronkuman q'achuta qararqa. Paykunaqa chakinkuta mayllakorqanku, chaymantataj mikhorqanku, ujyarqankutaj.

San Juan 13:6

Simón Pedroj chakinta mayllananpaj Jesús qayllaykojtin, Pedro nerqa: Tukuyta Kamachej, imaynatataj qan chakiyta mayllawankimanri? nispa.