San Juan 13:34 - DIOSPA QHELQACHISQ

³⁴ Kunantajrí kay mosoj kamachisqata yachachiykichej: Qankunapura munakuychej. Imaynatachus noqa munakorqaykichej, ajinallatataj qankunapis purajmanta munakuychej.

Qheshwa Biblia DC

³⁴ Uj mosoj kamachiyta qoykichej: Purajmanta munanakunaykichejta. Imaynatachus noqa munakorqaykichej, ajinallatataj qankunapis purajmanta munanakuychej.

DIOSPA QHELQACHISQAN DEUTEROCANONICAL

³⁴ Kunantajrí kay mosoj kamachisqata yachachiykichej: Qankunapura munakuychej. Imaynatachus noqa munakorqaykichej, ajinallatataj qankunapis purajmanta munakuychej.

Quechua South Bolivia: Dios Parlapawanchej

³⁴ Uj mosoj camachiskata koyquichej: Kancunapura munanacuychej. Imaynatachus nokapis munacorkayquichej quiquinta kancunapis munanacuychej.

San Juan 13:34 Referans Kwoze

Efesios 5:2

Jinallataj ujkunata munakuychej, imaynatachus Cristopis munakuwarqanchej, ajinata. Chayrayku pay kikin noqanchejrayku Diosman jaywaykukorqa ima munay q'aparishaj jaywana jina.

Levítico 19:18

Ama vengakunkichu, nillataj llajta masiykita phiñapayankichu. Astawanqa payta qan kikiykita jina munakunki. Noqamin Tata Dios kani.

San Juan 15:17

Ujtawan kamachiykichej: Purajmanta munakuychej, nispa. Ajinata Jesús yachachisqankunata nerqa.

1 Pedro 1:22

Kunantaj qankuna cheqa kajta kasusqaykichejrayku llimphuchasqaña kankichej, wawqe panaykichejta tukuy sonqowan munakunaykichejpaj. Chayrayku tukuy sonqo astawan astawan munakuychej.

Gálatas 6:2

Ima mana allin rikhurejtinpis, purajmanta yanapanakuychej, imaraykuchus ajinata ruwaspa, Cristoj kamachisqanta junt'ashankichej.

1 Juan 3:23

Kaymin Diospa kamachisqanqa: Diospa Churin Jesucristopi atinikunanchej, kamachiwasqanchejman jinataj ujkuna ujkuna munakunanchej.

1 Juan 4:21

Diostajrí kay jinata kamachiwarqanchej: Pichus Diosta munakojqa Jesucristota qhatej masintapis munakullachuntaj, nispa.

Santiago 2:8

Diospa Qhelqachisqanpi kuraj kaj kamachisqa kay jinata nin: Runa masiykita munakuy qan kikiykita jina, nispa. Chaytachus tukuy sonqo junt'ankichej chayqa, allinta ruwankichej.

1 Tesalonicenses 3:12

Noqayku mañarikullaykutaj Tukuyta Kamachej Jesús yanapasunaykichejta qankunapura astawan astawan munakunaykichejpaj, jinataj tukuy runatapis. Noqaykupis ajinatamin qankunata munakullaykutaj.

Romanos 12:10

Wawqe panakuna jina tukuy sonqo purajmanta munakuychej, ujkuna ujkunataj respetanakuychejpuni.

2 Juan 1:5

Kunanqa wawqe panakuna, tukuy sonqo mañarikuykichej ujkuna ujkuna munakuspa kawsakunata. Chayta nispa, mana mosoj kamachisqatachu qhelqamushani, manachayqa qallariymantapacha kamachisqaña karqa, chayta.

Gálatas 6:10

Chayrayku atikushajtenqa, tukuypaj allinta ruwana, astawanqa Jesucristota qhatikoj masinchejkunapaj.

1 Juan 3:11

Qallariymantapacha qankuna kay willayta uyarerqankichej: Ujkuna ujkuna munakunanchej tiyan, nispa.

Levítico 19:34

Paykunataqa llajta masiykichejta jina qhawaychej, qankunata jinataj munakuychej, imaraykuchus qankunapis Egiptopi waj llajtayoj jinallataj tiyakorqankichej. Noqa Tata Diosmin Diosniykichej kani.

Hebreos 13:1

Cristota qhatikojkunapura wawqe panakuna jina munakuspa kawsakuychej.

2 Tesalonicenses 1:3

Munasqa wawqe panakuna, qankunamanta Diosta pachis ninayku tiyan. Ajina kanan kashan, imaraykuchus Diospi astawan astawan atinikushankichej, jinallataj qankunapura astawan astawan munakushankichej.

Gálatas 5:22

Cristota qhatej runapi Santo Espíritoj ruwasqanrí kaykuna kanku: Munakuyniyoj kay, kusikuyniyoj kay, sonqo tiyaykusqa kay, pacienciayoj kay, khuyakuyniyoj kay, k'acha kay, nisqanta junt'aj kay,

2 Pedro 1:7

Chaymantaj yapaychej Diosta qhatejkunapura allinta kawsakuyta, chaymantaj tukuyta munakuspa kawsayta yapaychej.

Colosenses 1:4

imaraykuchus Cristo Jesuspi tukuy sonqo atinikusqaykichejta uyariyku. Chantapis Diospa tukuy ajllakusqankunata munakusqaykichejta uyarillaykutaj.

Gálatas 5:6

Cristo Jesuspi atinikusqanchejrayku circuncidasqa kay chayrí mana circuncidasqa kaypis mana ni imapi yanapawanchejchu. Aswanqa Jesucristopi atinikuylla valen, chaytaj wajkunata munakuyta yanapawanchej.

San Juan 17:21

Mañakuyki paykunapura ujchasqallapuni kanankuta. Imaynatachus Tatáy, qanwan, noqawan ujchasqa kanchej, ajinallatataj paykunapis noqanchejman ujchasqapuni kachunku, ajinamanta tukuy runakuna qan kachamuwasqaykita yachanankupaj.

Salmos 119:63

Qanta jatunchasojkunaj kawsaqenku kani, kamachisqaykita junt'ajkunajpatawan.

Salmos 16:3

Kay pachapi Diospaj t'aqasqa kajkuna, cheqanta purejkuna ima sonqoyta junt'asqata ruwawanku.

San Mateo 5:44

Noqatajrí niykichej: Awqaykichejkunata munakuychej, jinallataj qankunata qhatiykachasojkunapaj Diosmanta mañapuychej.

Romanos 13:8

Ajinaqa ama pimanpis manuchu kaychej, manachayqa puraj munakunamanta manupis kawajchej jina kaychej, imaraykuchus runa masinta munakojqa ñapis Moisespa kamachisqanta junt'anña.

Romanos 13:10

Pichus runa masinta munakojqa mana paypa contranta ima mana allin kajta ruwanchu. Chayrayku runa masinta munakojqa Moisespa kamachisqanpa nisqanta junt'an.