San Juan 13:1 - DIOSPA QHELQACHISQ

¹ Pascua raymiman qayllallaña karqa. Jesustaj kay pachata saqespa Tatanpaman kutipunanpaj p'unchay chayamushasqanta yacharqa. Jinataj kay pachapi ruwananta junt'ashaspa imaynatachus yachachisqankunata munakorqa, ajinata paykunata tukukuykama munakorqa.

Qheshwa Biblia DC

¹ Pascuaman qayllaña kashajtin, Jesús yacharqa horan chayamusqantaña, kay mundomanta Dios Tataman ripunampaj. Imaynatachus kay mundopi paypata kajkunata munakorqa, ajinata paykunataqa tukukuykama munakorqa.

DIOSPA QHELQACHISQAN DEUTEROCANONICAL

¹ Pascua raymiman qayllallaña karqa. Jesustaj kay pachata saqespa Tatanpaman kutipunanpaj p'unchay chayamushasqanta yacharqa. Jinataj kay pachapi ruwananta junt'ashaspa imaynatachus yachachisqankunata munakorqa, ajinata paykunata tukukuykama munakorqa.

Quechua South Bolivia: Dios Parlapawanchej

¹ Pascua ñaupajta Jesuska yachaskaña cay pachamanta ujtawan Tatanman cutipunan hora chayamushaskanta. Payka cay pachapi caj ajllaska runasninta munacorkapuni. Cunantaj chay munacuyninta may jatun caskanta, tucuyta paycunaman ricucherka.

San Juan 13:1 Referans Kwoze

San Juan 12:23

Jesustajrí paykunaman kuticherqa: Runaj Churin jatunchasqa kananpaj p'unchay chayamunña, nispa.

1 Juan 4:19

Noqanchejqa ujkuna ujkuna munakunchej, imaraykuchus Diosraj ñawpajta munakuwarqanchej.

San Juan 13:34

Kunantajrí kay mosoj kamachisqata yachachiykichej: Qankunapura munakuychej. Imaynatachus noqa munakorqaykichej, ajinallatataj qankunapis purajmanta munakuychej.

San Juan 16:28

Tata Dios kachamuwasqanrayku noqa kay pachaman jamorqani, kunantaj kay pachata saqespa, Tataywan kanaypaj kutishani, nispa.

San Juan 13:3

Jesustaj Tata Diosmanta jamusqanta, chantá Diosmantaj kutipunanta yacharqamin. Jinallataj Diosqa tukuy atiyta payman qosqanta yachallarqataj.

San Juan 18:4

Jesusrí chay tukuy ima payta qhatirinanta yacharqaña. Chayrayku ñawpaykuspa, paykunata taporqa: Pitataj mask'ashankichejri? nispa.

1 Corintios 1:8

Diosmin kay tiempo tukukuykama sinch'ita sayachisonqachej, Tukuyta Kamachej Jesucristonchej kutimojtin qankuna mana k'amina kanaykichejpaj.

San Juan 17:16

Paykunaqa, Diosman mana kutirikojkuna imaynatachus yuyanku, mana jinatachu kawsanku, noqapis manallataj chaykunaj yuyasqankuman jinachu kawsani.

San Juan 17:1

Jesús chay tukuy imata parlaytawan, patata qhawaspa, nerqa: Tatáy, Churiykita jatunchanayki p'unchay chayamunña, qantapis Churiyki jatunchasunanpaj.

Apocalipsis 1:5

Jesucristoqa cheqanta willaj testigomin. Paymin wañusqamanta ñawpajta kawsarimporqa, payllataj kay pachapi tukuy kuraj kamachejkunata kamachin. Jesucristo munakuwarqanchej, jinataj wañuspa yawar jich'asqannejta juchanchejta pampacharqa.

Hebreos 3:14

Noqanchej Cristowan khuska chayaqeta jap'inanchejpaj churasqa kanchej, sichus Diospi atinikusqanchejpi qallariymanta tukukuykama sinch'ita sayasunchej chayqa.

San Juan 17:5

Kunantaj Tatáy, qayllaykipi jatunchaway, imaynatachus qanwan jatunchasqa karqani manaraj kay pacha ruwasqa kashajtin, ajinata.

San Mateo 26:45

Chaymanta kutimuspa, Jesús yachachisqankunata nerqa: Puñushallankichejrajchu? Samarikushankichejrajchu? Ñapis imachus kanan kashan, chay junt'akushanña. Runaj Churenqa juchasapakunaj makinpiña kashan.

1 Pedro 1:13

Chayrayku, qankuna allinta qhawarikuspa yuyaychakuychej, amataj sonqoykichejpa munasqanwan atipachikuychejchu. Chantá Dios qhasilla k'acha yanapayninrayku imatachus qosonqachej, chayta tukuy sonqo suyaychej. Chayta jap'inkichej, maypachachus Jesucristo kay pachaman ujtawan kutimonqa, chaypacha.

Hebreos 6:11

Chaywanpis munayku ari, sapa ujniykichej k'uchi kasqaykichejta tukukuykama rikuchinaykichejta, Diospi atinikuspa imatachus suyakushankichej, chayta jap'inaykichejpaj.

Hebreos 3:6

Cristorí Diospa Churin kaspa, Diospa ayllunpi imachus ruwananta sumajta junt'arqa. Noqanchejmin chay ayllun kanchej, sichus sonqonchejpi kallpachakusunchej, chantá Cristopi atinikuspa allin kajta suyakusqanchejpi sinch'ita sayasunchej chayqa.

Romanos 8:37

Chaywanpis chay jina llakiykunapi kashaspapis, sut'ita yachanchej munakuwajninchej Jesucristonejta atipananchejtapuni.

San Juan 17:26

Noqaqa paykunaman pichus kasqaykita rejsicherqani. Chantá astawanraj rejsichisajpis, imaynatachus noqata munakuwanki, ajinallatataj paykunapis ujkunata munakunankupaj. Chaypachataj paykuna noqaman ujchasqallapuni kanqanku, nispa. Ajinata Jesús Tata Diosmanta mañakorqa.

San Juan 14:28

Kay nisqayta uyarerqankichejña: Rishani chaypis, qankunaman kutimullasajtaj, nispa. Sichus munakuwankichejman chayqa, Tata Diosman rishasqaymanta kusikuwajchej, imaraykuchus payqa noqamanta kuraj.

San Juan 11:55

Chaypacha judiokunaj Pascua rayminkuman qayllallaña kasharqa. Chayrayku ashkha runakuna tukuynejmanta Jerusalenman chayamorqanku Diospa ñawpaqenpi llimphuchakunankupaj, manaraj Pascua raymi kashajtin.

San Juan 7:30

Chaymanta paykuna Jesusta jap'iyta munarqanku, manataj mayqenpis aterqachu, imaraykuchus manaraj jap'inanku p'unchay chayamusqarajchu.

San Juan 7:6

Jesustajrí paykunata nerqa: Noqa pichus kasqayta rejsichikunaypaj p'unchay manaraj chayamunrajchu. Qankunapajrí ima pachallapis walejlla kashan.

San Juan 6:4

Chaypacha judiokunaj Pascua rayminkuman qayllallaña kasharqa.

San Lucas 22:53

Sapa p'unchay qankunawan Templopi kashajteyqa, mana jap'iwarqankichejchu. Chaywanpis kunanqa ruwanaykichej phani chayamun, jinallataj laqhayaypa atiynin kallpawan oqharikun, nispa.

San Lucas 9:51

Jesús janaj pachaman ripunan tiempo qayllamojtin, Jerusalenman rinanpaj kallpachakorqa.

San Mateo 28:20

Chantá paykunaman yachachimuychej, imatachus noqa kamacherqaykichej, chayta, paykunapis kasunankupaj. Jinallataj yachaychej noqa qankunawan tuta p'unchay kanayta kay pacha tukukunankama, nispa.

Jeremías 31:3

Unay Tata Diosqa Israelta nerqa: Noqa mana jayk'aj tukukoj munakuywan munakorqayki. Chayrayku khuyakuynillaywanpuni qanta qhawasqayki.

San Juan 8:20

Jesús chayta nerqa Temploj pationpi ofrendata churana cheqanejpi yachachishaspa. Chaywanpis mana pipis payta jap'icherqachu, imaraykuchus pichus pay kasqanta rejsichikunan p'unchay manaraj chayamusqachu.

Proverbios 8:31

Kay pachata ruwasqanpi sink'urispa, kusikorqani, Tata Diospa ruwasqan runakunaraykutaj anchata kusikorqani.

San Juan 2:13

Judiokunaj Pascua rayminkuman qayllallaña kashajtin, Jesús Jerusalenman rerqa.

San Juan 13:29

Judas Iscariote jap'erqa Jesuspa yachachisqankunaj qolqe jallch'anan wayaqata. Chayrayku wakin yuyarqanku Jesús payman nisqanta: Rantimuy, raymita ruwanapaj imachus mana kanchu, chayta. Chayrí wajchakunaman imallatapis qorimuy, nispa nisqanta.

San Juan 14:31

Ajina kanan tiyan, runakuna yachanankupaj noqa Tata Diosta munakusqayta. Yachallanqankutaj paypa kamachiwasqanta ruwasqayta, nispa. Chayta niytawantaj, Jesús nerqa: Sayariychej, jaku ripuna, nispa.

San Juan 19:28

Chay qhepata Jesús imachus ruwanan tukuychasqaña kasqanta yachaspa, Diospa Qhelqachisqan junt'akunanpaj nerqa: Yakumanta ch'akishawan, nispa.