San Juan 12:34 - DIOSPA QHELQACHISQ

³⁴ Chay runakunatajrí payta nerqanku: Noqayku kamachisqa qhelqasqata ñawirispa, yachayku Cristoqa wiñaypaj kawsananta. Jina chayqa, imaraykutaj qan nishanki Runaj Churin cruzman chakatasqa kanantari? Pitaj chay Runaj Churinri? nispa.

Qheshwa Biblia DC

³⁴ Runastaj payman kuticherqanku: Noqayku leypi yacharqayku, Cristoqa wiñaypaj kausananta; imaraykutaj qan Runaj Churin oqharisqa kanqa nishanki? Pitaj chay Runaj Churinri?

DIOSPA QHELQACHISQAN DEUTEROCANONICAL

³⁴ Chay runakunatajrí payta nerqanku: Noqayku kamachisqa qhelqasqata ñawirispa, yachayku Cristoqa wiñaypaj kawsananta. Jina chayqa, imaraykutaj qan nishanki Runaj Churin cruzman chakatasqa kanantari? Pitaj chay Runaj Churinri? nispa.

Quechua South Bolivia: Dios Parlapawanchej

³⁴ Chayraycu chay ashqha runas payta nerkancu: —Nokaycoka cayta yacharkaycu camachiskasmanta, Cristoka wiñaypaj caypi tiyacunanta. Kanri ¿imaynataj nishanqui, “Diospa cachaska Runanka okhariska canan tiyan”, nisparí? ¿Imayna runataj chay Diospa cachaska Runanrí?

San Juan 12:34 Referans Kwoze

Isaías 9:7

7 (6) Kamachisqan, chantá allin kawsayta qosqanpis wiñaypaj mana tukukuyniyoj kanqa. Davidpa kamachinan tiyanamanta justiciawan wiñay wiñaypaj kamachenqa. Chaytataj Tukuy Atiyniyoj Tata Diosmin sinch'i munakuyninrayku ruwanqa.

Daniel (hebreo) 7:14

Chantá payman qosqanku tukuy atiyta may jatunchasqa kananpaj, tukuy kaj chhikata kamachinanpaj ima, ajinamanta tukuy suyukunamanta kajkuna, tukuy parlayniyoj kajkuna ima kamachiyninpi kanankupaj. Chaymantapachataj wiñaypaj kamachenqa, kamachinantaj mana jayk'ajpis tukukonqachu.

Salmos 110:4

Tata Diosqa tiluspa nisqanta mana p'akenqachu: Qanqa Melquisedec jinallataj wiñaypaj sacerdote kanki, nispa nisqanta.

Daniel (hebreo) 7:27

Chantá kay pachapi kamachinapaj atiywan, kallpawan, jatunchasqa kaywan ima Patapi Kaj Diospa ayllunman qosqa kanqa. Paypa kamachiynenqa wiñaypaj kanqa, jinataj kay pachapi kaj chhika suyukuna payta kasonqanku, munaynintataj ruwanqanku, nispa.

Daniel (hebreo) 2:44

Chay kuraj kamachejkuna kamachishajtinku, janaj pachapi kaj Tata Dios mana jayk'aj chinkachisqa kanan kamachiyninta sayarichenqa, manataj mayqen suyupis payta atipanqachu. Astawanpis payqa tukuynin waj suyukunata tukuchenqa, paypa suyuntaj wiñaypaj sayanqa.

2 Samuel 7:13

Paymin templota ruwapuwanqa, noqataj wiñaypaj kamachinanta sayachisaj.

Romanos 5:18

Ajinaqa uj runaj juchanraykulla tukuy runakuna juchachasqa karqanchej. Jesucristoj cheqan kajta ruwasqanrí tukuy runata Dioswan allinyachiwanchej, mosoj kawsaytataj qowanchej.

Miqueas 4:7

Chaykunawan, qhepakojkunawantaj kallpayoj suyuta ruwasaj. Chantá noqa Tata Diosmin Sión orqopi Israel suyuyta wiñaypaj kamachisaj.

Salmos 72:7

Pay kamachishajtin, justiciaqa may jina kachun, sonqo tiyaykusqa kawsakuypis anchapuni kallachuntaj killa kanankama.

Romanos 3:19

Yachanchej Moisespa kamachisqanpi nisqanqa chay kamachisqaj makinpi kajkunapaj churasqa kasqanta. Chayqa ajina kay pachapi kaj chhika runakuna ch'inyachisqa kanankupaj, tukuytaj Diospa ñawpaqenpi juchachasqa rikhurinankupaj.

San Juan 15:25

Chayqa ajina, Diospa Qhelqachisqanpi kay nisqan junt'akunanpaj: Manakajmanta chejnikuwanku, nispa.

San Juan 12:32

Chaywanpis maypachachus noqata cruzman chakatawanqanku chaypacha, tukuy runakuna noqapi atinikunankuta ruwasaj, nispa.

San Juan 10:34

Chantá Jesús kuticherqa: Kamachisqa qhelqaykichejpi nin: Noqa nini dioskuna kasqaykichejta, nispa.

Isaías 53:8

Payqa yanqhamanta presochasqa kanqa, paytataj juchachanqanku wañuchisqapuni kananpaj. Ni miraynillanpis kanqachu aswan qhepaman paymanta parlanankupaj. Ajinata payqa aylluypa juchanraykumin runa chawpimanta chinkachisqa kanqa.

San Mateo 21:10

Jesús Jerusalenman yaykusqantawan, tukuy llajtantin maytapuni aywirispa, ch'ajwasharqanku, taporqankutaj: Pitaj kayri? nispa.

San Mateo 16:13

Maypachachus Jesús Filipoj kamachisqan Cesarea llajta qayllaman chayarqa chaypacha, yachachisqankunata taporqa: Runakunaqa Runaj Churin pi kasqantataj ninkuri? nispa.

San Mateo 8:20

Jesustajrí kuticherqa: Atojkunajtaqa qaqapi jusk'unku tiyan, p'isqokunapis thapayojllataj kanku. Runaj Churinpajtarí, mana maypichus samarinallanpajpis kanchu, nispa.

San Juan 8:28

Chayrayku Jesús paykunata nerqa: Maypachachus Runaj Churinta cruzman chakataspa sayarichinkichej, chaypacha noqa pichus kasqayta yachankichej. Yachallankichejtaj mana imatapis sapallaymanta ruwasqayta. Jinallatataj yachankichej Tata Diospa yachachisqallanta parlasqayta.

Hebreos 7:24

Chaywanpis Jesús mana jayk'aj wañoj kasqanrayku, sacerdote kayninta mana pimanpis saqeyta atinmanchu.