San Juan 12:20 - DIOSPA QHELQACHISQ

²⁰ Pascua raymipi pikunachus Diosta yupaychaj Jerusalenman jamojkunamanta wakin Grecia suyumanta karqanku.

Qheshwa Biblia DC

²⁰ Pascuapi Diosta yupaychaj Jerusalenman rejkunamanta wakin griegos karqanku.

DIOSPA QHELQACHISQAN DEUTEROCANONICAL

²⁰ Pascua raymipi pikunachus Diosta yupaychaj Jerusalenman jamojkunamanta wakin Grecia suyumanta karqanku.

Quechua South Bolivia: Dios Parlapawanchej

²⁰ Waquin griego runas jatun p'unchaycunapaj jamoj cancu Diosta yupaychaj.

San Juan 12:20 Referans Kwoze

San Juan 7:35

Chantá judiokunaj kurajninkukuna tapunakorqanku: Maymanpunitaj kay runa renqa, payta mana tarinanchejpajri? Llajta masinchejkuna waj suyupi kashanku, chaykunamanchu renqa? Ichapis mana judío kajkunaman yachachimonqa.

Hechos 17:4

Paykunamanta wakinkunaqa Jesuspi atinikuspa, Pablowan, Silaswan ujchakorqanku. Ajinamanta Grecia suyumanta Diosta ashkha yupaychajkuna, allinpaj qhawasqa ashkha warmikuna ima Jesuspi atinikorqanku.

Isaías 11:10

Chaypacha Yesejpa saphinmanta ijimojqa tukuy suyupaj wiphala jina uj señal kanqa. Tukuy runakuna payta mask'anqanku, tiyakunantaj jatun kayninwan lliphipirenqa.

Hechos 8:27

Felipetaj kasuspa rerqa, jinataj Etiopiamanta uj eunuco runawan tinkukorqa. Payqa Candace nisqa qoyaj kapuyninta waqaychaj karqa. Chay runataj Diosta yupaychaj Jerusalenman jamusqa.

Marcos 7:26

Chantá pay Jesusmanta maytapuni mañakorqa wawanmanta supayta qharqonanpaj. Chay warmi mana judío miraymantachu karqa, manachayqa griego parlayniyoj Siria jap'iypi Fenicia cheqamanta karqa.

Gálatas 2:3

Chaypacha Tito noqawan khuska kasharqa. Pay Grecia llajtayoj karqa chaypis, chay kurajkuna pay circuncidachikunanta mana mat'iykorqankuchu.

Hechos 21:28

Chantá qhaparispa, nerqanku: Israelitakuna, yanapawayku. Kay runaqa tukuynejpi ayllunchejpa contranta yachachin, jinallataj Moisespa kamachisqanpa contranta, Temploj contrantapis. Astawanqa Grecia llajtayojkunata kay patioman pusaykamuspa, Diospaj t'aqasqa may llimphu cheqata ch'ichichan, nispa.

Hechos 20:21

Ajinallatataj noqa judiokunaman, mana judío kajkunamanpis sut'ita yachacherqani Diosman kutirikunamanta, Tukuyta Kamachej Jesucristopi atinikunamanta ima.

Hechos 16:1

Chaymanta Pablowan, Silaswan ima Derbe llajtaman, Listramanwan chayarqanku. Chaypi Jesusta qhatikoj runa Timoteo sutiyoj tiyakorqa. Mamanqa Jesuspi atinikoj judío warmi karqa, tatantaj Greciamanta karqa.

Hechos 14:1

Iconiopipis Pablowan, Bernabewan ima usunkuman jina judiokunaj tantakunanku wasiman yaykorqanku. Sut'ita Jesusmanta parlasqankuraykutaj, ashkha judiokuna Jesuspi atinikorqanku, jinallataj mana judío kajkunapis.

Colosenses 3:11

Chay mosoj kawsaypitaj manaña imananchu mana judío kasqanchej, chayrí judío kasqanchej, nitaj circuncidasqa kasqanchej, chayrí mana circuncidasqa kasqanchej ima. Manallataj imananchu yachayniyoj kana, mana yachayniyoj kanapis, nitaj wata runa kana, chayrí mana wata runa kanapis. Manachayqa Cristolla aswanmin, paytaj tukuyninchejpi tiyakushan.

Gálatas 3:28

Ajinaqa, judío kana chayrí mana judío kana, wata runa kana chayrí mana wata runa kana, qhari kana chayrí warmi kanapis mana imananchu. Sichus qankuna Cristo Jesusman ujchasqa kankichej chayqa, tukuyniykichej uj rejllaña kankichej.

Romanos 10:12

Judiokunapis, mana judío kajkunapis uj rejlla kanchej, imaraykuchus Jesusqa tukuypata kamachejninchej. Paytaj may jina k'acha kasqanrayku, payman tukuy qhaparikojkunata mana mich'akuspa yanapan.

Romanos 1:16

Noqaqa Jesuspa sumaj willayninmanta mana p'enqakunichu, imaraykuchus Jesuspa sumaj willayninnejta Dios yachayta qowanchej atiyniyoj kasqanta paypi tukuy atinikojkunata qhespichinanpaj, ñawpajta judiokunata, jinallataj mana judiokunatapis.

San Juan 12:1

Pascua raymipaj sojta p'unchayraj kashajtin, Jesús Betaniaman rerqa. Chaypi Lázaro tiyakorqa, pitachus Jesús wañusqamanta kawsarichisqa, chay.

San Juan 12:19

Fariseokunatajrí ninakorqanku: Rikunkichejchu? Tukuy payman k'askakapushanku, noqanchejtaj manaña imatapis ruwayta atinchejchu, nispa.