San Juan 11:52 - DIOSPA QHELQACHISQ

⁵² Jesusrí mana judiokunallatachu qhespichinanrayku wañunan karqa, manachayqa Diospa wawankuna tukuynejpi ch'eqerasqa kajkunata tantananpaj.

Qheshwa Biblia DC

⁵² Mana chay ayllunraykullachu wañunan karqa, astawanqa, Diospa wawasnin tukuynejpi ch'eqerasqas kajkunata ujllaman tantaykunampaj.

DIOSPA QHELQACHISQAN DEUTEROCANONICAL

⁵² Jesusrí mana judiokunallatachu qhespichinanrayku wañunan karqa, manachayqa Diospa wawankuna tukuynejpi ch'eqerasqa kajkunata tantananpaj.

Quechua South Bolivia: Dios Parlapawanchej

⁵² Manataj israelcunallapajchu wañunan carka, manachayrí tucuy cay pachapi caj ajllacuskasninpaj. Wañunan carka tucuy Diospa wawasnin tucuynejmanta ujchaska canancupaj.

San Juan 11:52 Referans Kwoze

San Juan 10:16

Waj ovejaykunapis tiyapullawantaj, mana kay tropamanta kajkuna. Noqataj chay ovejakunatapis pusamunallaytaj tiyan. Paykunata wajyajtiy, uyariwanqanku, chantá tukuy ovejaykuna uj tropalla kanqanku, uj k'ata michejniyojtaj.

1 Juan 2:2

Paymin juchanchej pampachasqa kananpaj ñak'asqa uywata q'olachisqa jina jaywasqa karqa. Manataj noqanchejpa juchanchejraykullachu, jaywasqa karqa, astawanqa kay pachapi tukuy runaj juchankurayku.

Isaías 49:6

Pay niwan: Qanqa kamachiy kanki, mana Jacobpa ayllullantachu watej sayarichinaykipaj, nitaj Israelmanta puchojkunallatachu kutirichimunaykipaj. Aswanpis waj suyukunapaj k'anchay jina kanaykipaj churayki, noqa qhespichej kasqayta tukuy kay pachaj k'uchunkama willamunaykipaj, nispa.

1 Pedro 1:1

Noqa, Pedro, Jesucristoj kachan kay cartata qhelqaspa apachimuykichej, Diospa ajllakusqankuna pikunachus Pontopi, Galaciapi, Capadociapi, Asiapi, chantá Bitiniapi ima waj llajtayoj jina tiyakushankichej, chaykunaman.

Apocalipsis 5:9

Chantá paykuna uj mosoj takiyta takispa, nerqanku: Qanllamin chay k'uyusqa p'anqata jap'inaykipaj jina kanki, sellonkunatataj llik'inaykipaj, imaraykuchus qan wañuchisqa karqanki. Jinallataj qanmin cruzpi wañuspa yawar jich'asqaykiwan runakunata ranterqanki Diospata kanankupaj tukuy ayllumanta, tukuy imaymana rimayniyojta, tukuy imaymana rijch'aj runata, chantá tukuy suyumanta ima.

Romanos 3:29

Diosqa judiokunaj Diosnillanchu? Manachu mana judiokunajtapis? Cheqapuni paykunajtapis Diosnillantaj, icharí?

San Lucas 2:32

Payqa tukuy suyupi kajkunaman k'anchanqa, jinallataj Israel aylluyki jatunchasqa kananpaj kanqa, nispa.

Santiago 1:1

Noqa Santiago Diospa wata runan kani, Tukuyta Kamachej Jesucristojtawan. Qankuna Israelpa chunka iskayniyoj ayllunmanta waj suyukunapi ch'eqerasqa kajkunata napaykamuykichej.

Efesios 3:11

Chaykunata Dios wiñaymantapacha wakichisqa, chaytataj Tukuyta Kamachejninchej Cristo Jesusnejta junt'arqa.

Efesios 1:5

Dios munakuwasqanchejrayku Churin Jesucristonejta paypa wawanpaj rejsikapuwarqanchej, imajtinchus ajina kananta qallariymantapacha nerqa.

Romanos 4:17

Diospa Qhelqachisqanpi nin: May ashkha runaj tatanku kanaykipaj churayki, nispa. Ajinataj karqa, imaraykuchus Abrahamqa Diospi atinikorqa, pichus wañusqakunaman kawsayta qon, jinallataj manakajmanta mosoj imakunata ruwan, chay Diospi.

Hechos 18:10

Noqamin qanwan kashani, manataj pipis imanasonqachu, imaraykuchus kay llajtapi may chhika runakuna noqapi atinikonqanku, nispa.

San Juan 12:32

Chaywanpis maypachachus noqata cruzman chakatawanqanku chaypacha, tukuy runakuna noqapi atinikunankuta ruwasaj, nispa.

San Juan 1:29

Q'ayantin, Bautizaj Juan Jesusta payman jamushajta rikuspa, nerqa: Kaymá Diospa Corderonqa, pichus runakunaj juchankuta pampachaj.

Oseas 1:10

10 (2.1) Chaywanpis uj p'unchaypi Israelpa mirayninku mama qocha kantupi t'iyu jina kanqanku. Ni pi chimpuyta, nitaj yupayta atenqachu. Mana aylluychu kankichej, nispa ninaytaqa, paykunata nisaj: Qankunaqa noqa kawsaj Diospa wawaykuna kankichej, nispa.

Ezequiel 34:12

Imaynatachus ovejakunata michej ch'eqerasqa ovejankunata tantaykuspa michin, ajinata noqapis ovejaykunata michisaj. Maykunamanchus phuyusqa laqha p'unchaypi ch'eqerarqanku, chaykunamanta paykunata tarikampusaj.

Isaías 60:4

Muyuyniykita qhawarikuy. Tukuyninku ujllaman tantaykukuspa, qanman jamonqanku. Churiykikunaqa karu suyukunamanta jamonqanku, ususiykikunataj marq'api apamusqa kanqanku.

Isaías 56:8

Noqa Tukuyta Kamachej Tata Dios, pichus karuman wijch'usqa israelitakunata tantamuni, kayta nini: Kay tukuy tantamusqaymanta jawaqa wajkunatapis tantamusajraj, nispa.

Isaías 55:5

Qanpis mana rejsisqa suyukunata wajyallankitaj. Qanta mana rejsisoj suyukuna usqhayta qanman jamusonqanku Tata Diosniykirayku, Israelpa May Llimphu Kaj Diosnin qanta pataman oqharisusqanraykutaj, nispa.

Isaías 49:18

Umaykita oqharispa, muyuyniykita qhawariy. Chay wawaykikunaqa tukuynejmanta tantaykukuspa, jamonqanku, nispa. Tata Dios nillantaj: Noqa kawsayniyrayku tiluni: Wawaykikunawan novia p'achawan jina sumajta p'achallikunki, chaykunawantaj sumaj k'achanchasqa kanki.

Salmos 72:19

Qhapaj sutenqa wiñaypaj yupaychasqa kachun. Jatun kaynenqa kay pachantinpi junt'a kachun. Ajina kachun.

Salmos 22:15

15 (16) Simeyqa ch'aki kashan, qalluytaj mallq'ayman k'askaykun. Qantaj jallp'aj sonqonkama chinkaykuchiwanki.

Génesis 49:10

Judá ayllumanta kamachina varata ni pi qhechonqachu. Nillataj pipis mirayninpa makinmanta kamachina varata qhechonqachu varaj dueñon chayamunankama, pichus tukuy kay pachata kamachenqa, chay.

Salmos 22:27

27 (28) Tukuy kay pachamanta runakunapis Tata Diosmanta yuyarikuspa, payman kutirikullanqankutaj, ñawpaqenpitaj tukuy runakuna qonqorikonqanku,

San Juan 1:12

Aswanpis tukuy pikunachus paypi atinikuspa mana qhesacharqankuchu, chaykunaman pay atiyta qorqa Diospa wawankuna ruwasqa kanankupaj.

1 Juan 3:1

Reparaychej may jinatapunichus Tata Dios munakuwasqanchejta, Diospa wawankuna nisqa kananchejpaj. Jinapunitaj Diospa wawankuna kanchej. Diosman mana kutirikojkunarí mana Diospa wawankunapajchu rejsiwanchej, Diosta mana allinta rejsisqankurayku.

1 Juan 3:2

Munasqa wawqe panaykuna, noqanchejqa Diospa wawankunaña kanchej. Chaywanpis aswan qhepanejman imaynachus kananchejta Dios mana rikuchiwanchejrajchu. Jinapis Jesucristo rikhurimojtin, pay jina kananchejta yachanchej, imaraykuchus payta imaynachus kasqanta rikusunchej.

1 Juan 3:10

Chayrayku pikunachus Diospa wawan kasqanku sut'i yachakun, pikunatajchus Kuraj Supaypata kasqankupis sut'illataj yachakun: Tukuy pichus mana cheqan kajta ruwaj, nitaj Jesucristota qhatej masintapis munakojqa mana Diospatachu.

San Lucas 15:8

Jesús nillarqataj: Manachu pi warmipis chunka qolqenmanta ujnin kajta chinkachispa, chay ratopacha lamparata jap'ichin, wasinta pichaspataj, qolqenta tarinankama mask'an?