San Juan 11:19 - DIOSPA QHELQACHISQ

¹⁹ Chayrayku ashkha runakuna Martata, Mariatawan ima watukoj jamusqanku, turanku wañupusqanmanta paykunata sonqochayta munaspa.

Qheshwa Biblia DC

¹⁹ Ashkha judiostaj jamusqanku Martata, Mariatawan watukoj, turan wañusqanrayku, paykunata sonqochayta munaspa.

DIOSPA QHELQACHISQAN DEUTEROCANONICAL

¹⁹ Chayrayku ashkha runakuna Martata, Mariatawan ima watukoj jamusqanku, turanku wañupusqanmanta paykunata sonqochayta munaspa.

Quechua South Bolivia: Dios Parlapawanchej

¹⁹ Chayraycu ashqhas israelcunamanta jamorkancu Martata Mariatapis hermanoncumanta sonkochaj.

San Juan 11:19 Referans Kwoze

Job 2:11

Jobpataqa kinsa kawsaqenkuna karqanku: Temán llajtamanta Elifaz, Súaj llajtamanta Bildad, chantá Namat llajtamanta Sofar ima. Paykunaqa Jobta chay jina manchay llakiykuna qhatirisqanta yachaspa, parlanarikorqanku, watukoj rispa sonqocharimunankuta.

San Juan 11:31

Jinapi pikunachus wasipi Mariata sonqochaspa kasharqanku, chay judiokuna payta usqhayllata llojsishajta rikuspa, nerqanku: Panteonman waqaj rishan, nispa. Qhepantataj rerqanku.

1 Tesalonicenses 5:11

Chayrayku, qankunapura sonqochanakuychej, jinallataj kallpachanakuychej, imaynatachus kunan ruwashankichejña, ajinata.

1 Tesalonicenses 4:18

Chayrayku, ajinata yachachisqaywan purajmanta sonqochanakuychej.

2 Corintios 1:4

Payqa tukuy llakiyninchejpi sonqochawanchej, noqanchejpis llakiypi, ñak'ariypi kajkunata sonqochananchejpaj, imaynatachus noqanchejpis Diosnejta sonqochasqa kanchej, ajinata.

Romanos 12:15

Kusikojkunawan kusikuychej, waqajkunawantaj waqaychej.

Lamentaciones 2:13

Jerusalén llajta, imatataj niykimanri? Jerusalén, imawantaj rijch'anachiykiman qanta sonqochanaypajri? Qanpa llakiyniykeqa mama qocha jina. Pitaj sonqoykita tiyaykuchiyta atisunkimanri?

Lamentaciones 1:21

Waqashajta uyariwanku, manataj pipis sonqochaykuriwaj kanchu. Tukuy awqaykuna mana allinpi kasqayta yachanku, maytataj kusikunku kay jinata ñak'arichiwasqaykimanta. Paykunamanpis jasut'isaj, nispa nisqaykita apachimullayña, paykunapis noqa jina ñak'arinankupaj.

Lamentaciones 1:16

Chayrayku noqa waqaykushani, ñawiypis waqaywan junt'a kashan. Mana piniypis sonqochanawanpaj kanñachu, nitaj pipis kallpachawajneyqa kanñachu. Wawaykunaqa thuñisqa llajtapi qhepakunku, awqayku atipaykuwasqaykurayku.

Lamentaciones 1:9

P'achanqa millay ch'ichi kashan, manataj yuyarqachu imapichus rikhurinanta. Chayrayku payqa t'ukunata urmarqa, manataj pipis sonqochaykurej kanchu. Qhawariy ari, Tata Dios, llakiyniyta, awqaypis manchayta runaykachasqankuta.

Lamentaciones 1:2

Jerusalén llajta runa jina tukuy tuta sonqo nanayta waqan, waqayninpis uyanta sururin. Waynankunamanta ni mayqen sonqochaykurej kanchu. Tukuy kawsaqenkuna wasancharqanku, awqanmantaj tukorqanku.

Job 42:11

Chaymantataj tukuy wawqenkuna, panankuna, kawsaqenkuna, jinataj ñawpa rejsisqankunapis Jobta watukoj jamorqanku. Chantá wasinpi jatun mikhuyta mikhuspa, paywan kusikorqanku. Jinallataj paykunaqa Jobta sonqocharqanku tukuy ima ñak'ariyta Tata Dios apachimusqanmanta. Chantataj sapa ujninku qolqeta, chantá qorimanta anillota ima qorqanku.

2 Samuel 10:2

Chaypacha Davidqa sonqonpi nerqa: Noqaqa Najaspa churin Janunwan k'acha kasaj, imaynatachus tatan noqawan k'acha karqa, ajinata, nispa. Chayrayku yanapajninkunamanta wakinta kacharqa, tatan wañupusqanmanta Janunta sonqochanankupaj. Davidpa kachasqan amonitakunaj llajtankuman chayajtinkurí,

Génesis 37:35

Tukuy churinkuna, ususinkuna ima payta sonqochayta munarqanku. Paytajrí mana munarqachu. Mayta waqaspataj, nerqa: Wawaymantaqa wañupunaykama waqasaj. Wañupuspallaña, paywan tinkukapusaj, nispa.

Isaías 51:19

Kay iskay llakiykuna qanta qhatirisorqa: Llajtaykeqa tukuchisqa, ch'inpacha saqesqa karqa, runaykikunataj yarqhaywan, espadawan ima wañurachisqa karqanku. Kunantaj pitaj qanmanta llakikonqari? Pitaj sonqochaykurisonqari?

Eclesiastés 7:2

Wañuy wasiman rina aswan allin raymi wasiman rinamanta nisqaqa, imaraykuchus tukuy runaj tukukuyninchejqa wañuymin. Kawsashajkunaqa chayta yuyarikunanchej tiyan.

1 Samuel 31:13

Chantá tullunkuta Jabés llajtapi uj tamarindo sach'a uraman p'ampaykorqanku. Chantá qanchis p'unchay junt'ata mana mikhuspa, ayunarqanku, llakikusqankuta yachayta qospa.

1 Crónicas 10:12

Chayrayku tukuy wapu runakuna tantaykukuspa, Saulpa ayanta, jinataj churinkunaj ayantawan orqhospa, Jabés llajtaman aparqanku. Chaypitaj uj sach'a uraman p'ampaykorqanku. Chantá llakikusqankuta rejsichinankupaj qanchis p'unchayta ayunarqanku.

San Lucas 10:39

Martajtataj uj ñañan karqa María sutiyoj, paytaj Jesuspa ñawpaqenman tiyarikuspa, yachachisqanta uyarisharqa.

San Lucas 10:42

Ujllamin aswan allin kajqa. Mariaqa chay aswan allin kajta ajllakun, chaytataj mana pipis paymanta qhechonqachu, nispa.

San Juan 1:19

Chaypacha Jerusalenmanta judiokunaj kurajninkukuna kacharqanku sacerdotekunata, chantá levitakunata ima Juanta tapunankupaj: Pitaj qan kanki? nispa.

San Juan 11:1

Uj runa, Lázaro sutiyoj onqosqa kasharqa. Paywan, panankuna Mariawan, Martawan ima Betaniamanta karqanku.

San Juan 11:8

Yachachisqankunarí nerqanku: Yachachej Wiraqochi, qanimpalla chaypi tiyakojkuna rumiwan ch'anqaykusuyta munarqanku. Ujtawanchu jaqayman riyta munashallankitaj? nispa.

San Juan 11:33

Chaypacha Jesús Mariata, jinataj paywan jamoj runakunatapis waqajta rikuspa, sonqon nanarqa, llakikorqataj.

San Juan 11:36

Chayta rikuspataj, chay runakuna nerqanku: Qhawariychej má, Lazarota anchatapuni munakusqa, nispa.

San Juan 11:45

Chaypacha Mariata watukoj runakunamanta Jesuspi ashkha atinikorqanku, imaynatachus Lazarota wañusqamanta kawsarichisqanta rikuspa.