San Juan 1:45 - DIOSPA QHELQACHISQ

⁴⁵ Chantá Felipe Natanaeltañataj mask'aj rerqa, tarispataj, nerqa: Nazaret llajtamanta Joséj churin Jesusta tariyku, pimantachus Moisés kamachisqa qhelqapi nerqa, chayta. Diosmanta sut'inchajkunapis paymanta parlallarqankutaj, nispa.

Qheshwa Biblia DC

⁴⁵ Felipetaj, Natanaelta taripaspa nerqa: Josejpa churin Jesús nazarenota tariyku. Paymantaqa, Moisés escriberqa leypi, ajinallatataj profetaspis.

DIOSPA QHELQACHISQAN DEUTEROCANONICAL

⁴⁵ Chantá Felipe Natanaeltañataj mask'aj rerqa, tarispataj, nerqa: Nazaret llajtamanta Joséj churin Jesusta tariyku, pimantachus Moisés kamachisqa qhelqapi nerqa, chayta. Diosmanta sut'inchajkunapis paymanta parlallarqankutaj, nispa.

Quechua South Bolivia: Dios Parlapawanchej

⁴⁵ Felipe Natanaelta tarispa nin: —Yachanqui camachiskaspi Moisés uj runamanta kelkaskanta. Paymanta Diospa unay willajcunanpis kelkarkancu. Paytamin tariycu, Joséj wawan Nazaret llajtayoj Jesusta, —nispa.

San Juan 1:45 Referans Kwoze

San Lucas 24:27

Chay ratopacha Jesús sut'inchayta qallarerqa, Diospa Qhelqachisqanpi paymanta imatachus nisqanta, Moisespa qhelqasqanmanta qallarispa, Diosmanta tukuy sut'inchajkunaj qhelqasqankumantawan.

Miqueas 5:2

2 (1) Qantajrí Efratamanta Belén llajta, Judá jap'iypi kaj llajtakunamanta aswan juch'uy kanki. Chaywanpis qanmantamin Israelta kamachej llojsenqa. Paypa miraynenqa wiñay wiñaymantaña.

San Mateo 2:23

Nazaret llajtaman chayaspataj, chaypi tiyakorqa. Ajinapi imatachus Diosmanta ñawpa sut'inchajkunaj nisqanku junt'akorqa: Pay Nazaret llajtayoj nisqa kanqa, nispa.

San Lucas 24:44

Chaymantataj nerqa: Imachus noqata kunankama qhatiriwarqa, chay tukuy ima kananta willarqaykichejña qankunawan kashaspa. Imaynatachus noqamanta willan Moisespa kamachisqanpi, jinataj Diosmanta sut'inchajkunaj qhelqasqankupi, chantá Salmokunapi qhelqasqa kashan, chay tukuy ima junt'akunan karqa, nispa.

Isaías 7:14

Chayrayku kikin Tukuyta Kamachej Diosllamin uj señalta rikuchisonqachej. Uyariwaychej, qharej mana chayasqan sipas wijsallikonqa, paqarichikuspataj, wawanta “Emanuel” sutichanqa. Chay suti niyta munan “Dios noqanchejwan kashan”.

San Lucas 4:22

Chay runakuna allinpajpuni Jesusta qhawarqanku, chay jinata parlasqanmantataj t'ukorqanku: Chaywanpis tapunakorqanku: Manachu payqa Josejpa churillan? nispa.

Zacarías 9:9

Sión llajta, sinch'ita kusikuy. Jerusalén llajta, kusiymanta takiy. Kuraj kamachejniykeqa cheqan, atiyniyojtaj jamusonqa. Llamp'u sonqo kaspa, payqa burropi lloq'asqa jamusonqa, china burroj uñan, maltun burritopi.

Isaías 9:6

6 (5) Uj qhari wawa paqaripuwanchejña, Diostaj uj qhari wawata qowanchej. Kamachinanpaj jatun ateyqa paywan kanqa. Paytataj sutichanqanku: May K'acha Yuyaychaj, Tukuy Atiyniyoj Dios, Wiñay Kawsayniyoj Tata, Allin Kawsayta Apamoj Kamachej ima.

Zacarías 6:12

Chantá payta ninki: Tukuy Atiyniyoj Tata Dios nin Ijimuy Kaj nisqa qhari kikin saphinmanta wiñamunanta, chantataj Tata Diospa Templonta jatarichinanta.

Isaías 53:2

Kamacheyqa Tata Diospa ñawpaqenpi ijimoj sach'a jina wiñanqa, ch'aki jallp'api saphichakoj jinataj p'utumonqa. Mana k'achituchu kanqa, sonqonchej payman aysakunanpaj, nitaj k'acha uyayojchu kanqa payta munakunanchejpaj.

San Juan 18:7

Chantá Jesús ujtawan tapullarqataj: Pitataj mask'ashankichejri? nispa. Paykunataj kuticherqanku: Nazaretmanta Jesusta mask'ashayku, nispa.

Isaías 4:2

Chaywanpis aswan qhepamanqa Tata Diospa ijichisqan manchay k'achitu kanqa. Chantá puchoj israelitakuna jallp'aj poqoyninmanta mayta kusikonqanku, chaynejtataj may uyarisqa kanqanku.

Génesis 22:18

Nisusqayta kasuwasqaykiraykutaj noqa kay pachapi tukuy runata mirayniykinejta saminchasaj, nispa.

Marcos 6:3

Manachu payqa carpinterolla, Mariaj churintaj? Manachu Santiago, José, Judas, Simón ima wawqenkuna kanku? Manachu panankunapis kay llajtanchejpi noqanchejwan khuska tiyashankuri? nispa. Ajinata Jesusta qhesacharqanku.

San Mateo 21:11

Jesuswan jamoj runakunataj kuticherqanku: Kayqa Diosmanta sut'inchaj Jesús. Payqa Galileamanta, Nazaret llajtayoj, nispa.

Génesis 49:10

Judá ayllumanta kamachina varata ni pi qhechonqachu. Nillataj pipis mirayninpa makinmanta kamachina varata qhechonqachu varaj dueñon chayamunankama, pichus tukuy kay pachata kamachenqa, chay.

Génesis 3:15

Noqataj qantawan, warmitawan jap'inachisqaykichej. Jinallataj mirayniykiwan, mirayninwanpis chejninakonqanku. Warmej mirayninmanta kajqa umaykita sarusonqa, qantaj chaki talonninmanta khaninki, nispa. Ajinata Diosqa katarita nerqa.

Hechos 22:8

Chantá noqa nerqani: Pitaj kanki, wiraqochíy? nispa. Paytaj kutichiwarqa: Noqa kani Nazaretmanta Jesús, pitachus qan qhatiykachashanki, chay, nispa.

Hechos 10:38

Chantá yachankichej imaynatachus Diosqa Santo Espirituta, atiytawan qosqanta Nazaret llajtayoj Jesusman. Jesustaj tukuynejta purerqa allinta ruwaspa, jinallatataj Kuraj Supaypa atiyninpi tukuy ñak'arejkunata qhaliyachispa, Dios paywan kasqanrayku.

San Juan 21:2

Chaynejpi Jesuspa kay yachachisqankuna tantasqa kasharqanku: Simón Pedro, Dídimo nisqa Tomás, Galileapi Caná llajtamanta Natanael, Zebedeoj iskaynin churinkuna, chantá iskay yachachisqakunapiwan ima.

San Lucas 2:4

Chantá Josepis Davidpa mirayninmanta kasqanrayku, Judea jap'iyman, Davidpa llajtan Belenkama rerqa Galileapi Nazaret llajtamanta.

Marcos 14:67

Jinapi Pedrota nina qayllapi q'oñikushajta rikorqa, payta qhawariytawantaj, nerqa: Qanpis Nazaretmanta Jesuswan purej kanki, nispa.

San Mateo 13:55

Manachu payqa carpinterojpa churin? Manachu mamanpis María, wawqenkunapis Santiago, José, Simón, Judas ima kanku?

Hechos 26:9

Sut'ita nisqaykichej: Ñawpajta noqapis yuyaj kani Nazaret llajtayoj Jesuspa contranta imatapis ruwanay kasqanta.

Hechos 3:6

Pedrotajrí payta nerqa: Mana qolqe nitaj qoripis tiyapuwanchu. Chaywanpis imachus kapuwasqanta qosqayki: Nazaretmanta Jesucristoj sutinpi sayariy, puririytaj, nispa.

Hechos 2:22

Israelitakuna, kay nisqayta uyariwaychej: Diosqa qankunaman sut'ita rejsicherqa Nazaret llajtayoj Jesuspuni paypa kachamusqan kasqanta, qankuna ukhupi paynejta t'ukuna imakunata, runaj mana jayk'aj rikusqanta ima ruwaspa. Chayta allinta yachankichej, imaraykuchus qankuna ukhupipuni chay karqa.

San Juan 19:19

Pilatotaj cruzman uj qhelqasqata churacherqa. Chay qhelqasqa ajinata nisharqa: “Kayqa Nazaretmanta Jesús, judiokunaj kuraj kamachejninku”, nispa.

San Juan 18:5

Paykunataj kuticherqanku: Nazaretmanta Jesusta mask'ashayku, nispa. Jesustaj kuticherqa: Noqa kani chay, nispa. Jesusta jap'ichej Judaspis paykunawan kashallarqataj.

San Juan 6:42

Chantá nillarqankutaj: Manachu kay runaqa Joséj churin Jesuslla? Manachu tatanta, mamantawan rejsinchej? Jina chayqa, imaraykutaj nishan: Janaj pachamanta urayk'amuni, nispari? nispa.

San Lucas 3:23

Jesusqa Diosmanta sumaj willayta willarayta qallarishaspa, kinsa chunka watayoj jina karqa. Runakunataj yuyarqanku Jesusqa Elíj churin Josejpa churin kasqanta.

San Mateo 10:3

Kallarqankutaj Felipe, Bartolomé, Tomás, impuestota cobraj Mateo, Alfeoj churin Santiago, Tadeo,

San Lucas 2:48

Ajinata rikuspa, tata mamanpis t'ukullarqankutaj, mamantaj Jesusta nerqa: Wawáy, imaraykutaj kay jinata ruwawaykuri? Noqawan, tataykiwanqa may phutisqa mask'ashasorqayku, nispa.

San Juan 1:44

Felipeqa Betsaida llajtamanta karqa. Andreswan, Pedrowanpis chayllamantataj karqanku.

San Juan 6:5

Jesustaj qhawarispa, ashkha runata payman jamushajta rikorqa. Jinapi Felipeta nerqa: Kay chhika runapaj, maymantataj t'antata rantimusunchejri? nispa.

San Juan 6:7

Felipetaj Jesusman kuticherqa: Sichus pusaj killa qolqe ganasqanchejwan t'antata rantisunman chaypis, manachá sapa ujman uj chhikallantapis qoyta atisunmanchu ari, nispa.

San Juan 12:21

Paykunataj Galileamanta Betsaida llajtayoj Felipeman chimpaykuspa, nerqanku: Wiraqochi, Jesuswan parlariyta munaykuman, nispa.

San Juan 14:8

Chantá Felipe payta nerqa: Tukuyta Kamachej, Tata Diosta rikuchiwayku, chaywantaj sonqo junt'asqa kasqayku, nispa.

San Lucas 18:37

Willarqankutaj: Nazaretmanta Jesús kayninta jamushan, nispa.