San Juan 1:14 - DIOSPA QHELQACHISQ

¹⁴ Chay Simi Nisqaqa runaman tukorqa, jinataj noqayku ukhupi tiyakorqa. Chantá noqayku jatun kayninpa lliphipiyninta rikorqayku, chaytaj Tata Diospa uj k'ata Churin jatun kayninpa lliphipiynin karqa. Paypitaj munakuywan, chantá cheqa kajwan ima may jinapuni karqa.

Qheshwa Biblia DC

¹⁴ Chay Palabrataj aychallikorqa. Noqanchej ukhupitaj tiyakorqa. Jatun k'anchayninta rikorqanchej, Tata Diospa uj k'ata Churimpa k'anchayninta jina; payqa junt'a karqa munakuywan, cheqa kaywantaj.

DIOSPA QHELQACHISQAN DEUTEROCANONICAL

¹⁴ Chay Simi Nisqaqa runaman tukorqa, jinataj noqayku ukhupi tiyakorqa. Chantá noqayku jatun kayninpa lliphipiyninta rikorqayku, chaytaj Tata Diospa uj k'ata Churin jatun kayninpa lliphipiynin karqa. Paypitaj munakuywan, chantá cheqa kajwan ima may jinapuni karqa.

Quechua South Bolivia: Dios Parlapawanchej

¹⁴ Chay Niska, Cristoka, runaman tucuspa nacecorka. Payri nokaycuwan tiyacorka. Paypi Diospa cayninta ricorkaycu. Dios Tataj c'ata Wawan caskanraycutaj paypeka Diospa cayninta ricorkaycu. Cristoka c'acha cayninwan cheka cajwanpis junt'amin.

San Juan 1:14 Referans Kwoze

1 Juan 4:9

Tata Dios munakuwasqanchejta kay jinamanta rejsichiwarqanchej: Uj k'ata Churinta kay pachaman kachamorqa, paypi atinikuspa wiñay kawsayniyoj kananchejpaj.

1 Timoteo 3:16

Kayta tukuy sonqo niyki: Jesucristopi atinikunamanta pakasqa yachayta sut'inchawasqanchejqa may jina t'ukunamin: Cristoqa runaman tukuspa, kay pachaman jamorqa. Santo Espiritutaj Cristo mana juchayoj kasqanta sut'incharqa. Angelkunapis Cristota rikorqanku. Jinataj payta qhatejkuna tukuy runaman paymanta willarqanku. Runakunataj tukuynejpi paypi atinikorqanku. Chaymantataj janaj pachapi jatun k'anchaypa lliphipiyninman oqharisqa karqa.

San Juan 1:1

Qallariypeqa Simi Nisqa sutiyoj karqapuni. Chay Simi Nisqaqa Dioswan kasharqa, chay Simi Nisqataj Diospuni karqa.

Gálatas 4:4

Chantá señalasqan p'unchay chayamojtin, Diosqa Churinta kachamorqa. Payqa uj warmimanta paqarerqa, jinataj Moisespa kamachisqankunata kasuspa kawsarqa.

Isaías 40:5

Chantá Tata Diospa jatun kayninpa lliphipiynin rikhurenqa, tukuy runataj chayta rikonqanku, imaraykuchus chayta Tata Diospuni nin, nispa.

Hebreos 1:3

Diospa Churenqa Diospa jatun kayninpa lliphipiyninta rikuchin, paypa kaynintaj Tata Diospa kayninta rejsichiwanchej. Payllataj atiyniyoj simi nisqanwan tukuy kaj chhikata maychus kananpi purichin. Chantá juchanchejta pampachaspa llimphuchawarqanchej, jinaspataj, janaj pachapi jatun atiyniyoj Kamachejpa pañanman tiyaykukorqa.

San Juan 6:51

Noqamin janaj pachamanta urayk'amoj kawsayta qoj t'anta kani. Pillapis kay t'antamanta mikhojtaj wiñaypaj kawsanqa. Noqa qosaj, chay t'antaqa ukhuymin. Noqataj ukhuyta qospa wañusaj runakunaman wiñay kawsayta qonaypaj, nispa.

Colosenses 1:19

Chayqa ajina, imaraykuchus Tata Dios munarqa, pay imaynachus kasqan, ajinallataj Churinpis kananta.

1 Corintios 15:47

Ñawpaj kaj runaqa kay pachamanta karqa, jallp'amanta ruwasqa. Qhepa kaj runarí, pichus Cristo, janaj pachamanta jamorqa.

Romanos 8:3

Imatachus Moisespa kamachisqan mana ruwayta aterqachu runa pisi kallpayoj kasqanrayku, chayta Dios ruwarqa. Chaypaj payqa Churinta kachamorqa juchallej runaman rijch'akojta, juchanchejrayku wañunanpaj. Ajinamanta paynejta Diosqa noqanchejpi juchaj atiyninta chinkacherqa.

Isaías 7:14

Chayrayku kikin Tukuyta Kamachej Diosllamin uj señalta rikuchisonqachej. Uyariwaychej, qharej mana chayasqan sipas wijsallikonqa, paqarichikuspataj, wawanta “Emanuel” sutichanqa. Chay suti niyta munan “Dios noqanchejwan kashan”.

Salmos 2:7

Noqaqa Tata Diospa kamachisqanta willasaj. Paymin niwan: Qanqa churiy kanki, kunantaj noqa tatayki kani.

1 Juan 4:14

Noqaykutaj Churinta rikorqayku, willaykutaj Tata Diosqa payta kay pachaman kachamusqanta, tukuy runata qhespichinanpaj.

Colosenses 2:9

Cristoj yachachisqanrí aswan allinmin, imajtinchus Cristo runaman tukuspa jamojtin, imaynachus Dios kasqanqa, chay tukuy paypi karqa.

2 Juan 1:7

Ashkha q'otiyajkuna tukuynejpi purishanku, paykunataj ninku Jesucristo mana runaman tukuspachu kay pachaman jamusqanta. Pichus ajinata nejqa llullamin, Cristoj contranpi sayarejtaj.

Isaías 53:2

Kamacheyqa Tata Diospa ñawpaqenpi ijimoj sach'a jina wiñanqa, ch'aki jallp'api saphichakoj jinataj p'utumonqa. Mana k'achituchu kanqa, sonqonchej payman aysakunanpaj, nitaj k'acha uyayojchu kanqa payta munakunanchejpaj.

Apocalipsis 21:3

Jinapi kamachina tiyanamanta jatunmanta qhaparejta uyarerqani: Kunan Diosqa ayllun chawpipi kanqa, paykunawan khuskataj tiyakullanqapuni. Paykuna Diospa ayllun kanqanku, Diostaj Diosninku kanqa.

Hebreos 5:5

Chayrayku Cristopis mana jatunchakorqachu pay kikin Kuraj Kaj Sacerdote kananpaj churakuspa. Manachayrí Diospuni payta nerqa: Qan Churiy kanki, kunantaj noqa Tatayki kani, nispa.

Hebreos 10:5

Chayrayku Cristo kay pachaman jamuspa, Tata Diosta nerqa: Mana uywa ñak'asqa q'olachinata, nitaj waj jaywanata qonata munarqankichu. Manachayrí runaj ukhunta qowarqanki qanman jaywasunaypaj.

San Juan 11:40

Jesustajrí payta nerqa: Manachu nerqayki, sichus noqapi atinikunki chayqa, Diospa atiynin imaynapunichus kasqanta rikunaykita? nispa.

San Juan 3:16

Dios chay jinatapuni kay pachapi kaj chhikata munakusqanrayku uj k'ata Churinta qorqa. Ajinamanta tukuy pichus paypi atinikojqa mana chinkanqachu, aswanpis wiñay kawsayniyoj kanqa.

San Juan 2:11

Jesús Galilea jap'iypi Caná llajtapi yakuta vinoman tukuchisqanqa ñawpaj kaj t'ukuna ruwasqan karqa. Ajinata Jesús may jina atiyniyoj kasqanta rejsicherqa, yachachisqankunataj paypi astawan atinikorqanku.

San Juan 14:6

Chantá Jesús kuticherqa: Noqa ñan kani, cheqa kajtaj, kawsaytaj. Mana pipis Tata Diosman chayayta atinchu, mana noqanejta rispaqa.

Hebreos 1:5

Chayqa ajina, imaraykuchus Diosqa mana mayqen angelninmanpis nerqachu: Qanqa Churiy kanki, kunantaj noqa Tatayki kani, nispa. Nillataj mayqen angelmantapis nerqachu: Noqaqa paypa Tatan kasaj, paytaj Churiy kanqa, nispa.

San Juan 14:9

Jesustajrí payman kuticherqa: Felipe, chhika unaytaña qankunawan kashajtiy, manarajpunichu rejsiwanki? Pichus noqata rikuwajqa Tataytapis rikullantaj. Jinaqa, imaraykutaj nishanki: Tata Diosta rikuchiwayku, nispari?

San Lucas 9:32

Chaykama Pedro, paywan kajkuna ima puñuywan atichikusharqanku. Chaywanpis mana puñorqankuchu. Chayrayku Jesuspa jatun kayninpa lliphipiyninta rikorqanku, chay iskay runakunatawan.

San Juan 17:22

Qan atiyta qowarqanki, noqataj chay atiyllatataj noqata qhatiwajkunaman qorqani, noqanchej jina ujlla kanankupaj.

San Juan 3:18

Pillapis paypi atinikojqa mana juchachasqachu kanqa. Paypi mana atinikojrí ñapis juchachasqaña, Diospa k'ata Churinpi mana atinikusqanrayku.

San Lucas 2:11

Kunan Davidpa llajtanpi qhespichej paqarin. Payqa Tukuyta Kamachej Cristomin.

Salmos 45:2

2 (3) Qanqa tukuymanta aswan alajitu kanki. Simiykimanta misk'i parlay t'ojyarimun. Chayrayku Diosninchej wiñaypaj saminchasunki.

Hebreos 2:11

Chayrayku juchamanta t'aqasqa kajkuna, chantá pichus paykunata juchamanta t'aqaj Jesuswan uj Tatallamanta kanku. Ajina kasqanraykutaj Jesús mana p'enqakuspa, paykunata wawqe panankunapaj rejsikapun.

2 Corintios 12:9

Diostajrí niwarqa: Chay ñak'ariyniykita awantanaykipaj k'acha yanapaynillay yanapasonqa, imaraykuchus atiyneyqa pisi kallpayojkunapi astawan rikuchikun, nispa. Chayrayku kusiywan pisi kallpayoj kasqaymanta jatunchakusaj, Cristoj atiynin noqapi imatachus ruwasqan sut'ita rikukunanpaj.

San Mateo 1:16

Jacobqa Josejpa tatan karqa, Josetaj Mariaj qosan karqa, Mariataj Jesuspa maman karqa, Jesustaj Diospa kachamusqan Cristo sutichasqa karqa.

Colosenses 2:3

Manchay valorniyoj tapadopis kanman jina, paypimin pakasqa kashan tukuy yachayniyoj kay, chantá yuyayniyoj kay ima.

Efesios 3:8

Noqa Diospa tukuy ajllakusqanmanta aswan mana kasu ruwana kashajtiypis, Dios maypaj qhawawaspa, uj sumaj ruwanata qowarqa, Cristoj may qhapaj sumaj willayninta mana judiokunaman willanaypaj.

Romanos 9:5

Jinallataj paykuna ñawpa tataykukunaj mirayninmanta kanku, chay miraymantataj Cristo jamorqa. Payqa tukuy ima kaj chhikata kamachej Dios, chayraykutaj wiñay wiñaypaj yupaychasqa kachun. Ajina kachun.

San Lucas 2:7

Jinapi payqa kuraj kaj qhari wawanta paqarichikorqa, janantawan k'iruykuspataj, uywa qaranapi siriykucherqa, tambo wasipi paykunapaj mana campo kasqanrayku.

Hechos 13:33

Noqanchej paykunaj mirayninku kasqanchejrayku Dios chay nisqanta noqanchejpaj junt'arqa, Jesusta kawsarichimuspa. Ajinata paymanta iskay kaj Salmopi nin: Qanqa Churiy kanki, kunantaj noqa Tatayki kani, nispa.

Salmos 85:9

9 (10) Cheqamanta Dios qayllallapi kashan, payta may jatun respetowan qhawajkunata qhespichinanpaj, ajinamanta paypa jatun kayninpa lliphipiynin jallp'anchejpi kakunanpaj.

Ezequiel 37:27

Noqapuni paykunawan khuska tiyakusaj. Noqa paykunaj Diosninku kasaj, paykunataj aylluy kanqanku.

San Juan 8:32

Jinataj Diosmanta cheqa kajta yachasqaykichejqa cheqatapuni kacharichisonqachej, nispa.

San Juan 17:24

Tatáy, munani qowasqayki kajkuna, maypichus noqa kasaj, chaypi noqawan kanankuta. Chaypacha qowasqayki jatun kayniypa lliphipiyninta rikuyta atenqanku, imaraykuchus manaraj kay pacha ruwasqa kashajtin, qan munakuwarqanki.

San Juan 18:37

Chaymanta kamachej Pilato payta taporqa: Chantá qanqa kuraj kamachejchu kanki? nispa. Jesustaj kuticherqa: Qan nishanki noqa kuraj kamachej kasqayta. Noqatajrí kay pachaman jamorqani cheqa kajmanta willanaypaj. Cheqa kajta tukuy kasojkunaqa nisqayta uyarinku, nispa.

Apocalipsis 19:13

Yawarwan pukachasqa p'achawan p'achallisqa kasharqa, uj sutintaj Diospa Simi Nisqan karqa.