Josué 9:8 - DIOSPA QHELQACHISQ

⁸ Heveokunatajrí Josueta nerqanku: Noqaykoqa qankunaj kamachiyniykichejpi kayta munayku, nispa. Paytaj taporqa: Pikunataj qankuna kankichejri? Maymantataj jamunkichejri? nispa.

Qheshwa Biblia DC

⁸ Paykunataj Josueman nerqanku: Noqaykoqa qampa kamachisniyki kasqayku. Paytaj taporqa: Pistaj qankuna kankichejri? Maymantataj jamunkichejri?, nispa.

DIOSPA QHELQACHISQAN DEUTEROCANONICAL

⁸ Heveokunatajrí Josueta nerqanku: Noqaykoqa qankunaj kamachiyniykichejpi kayta munayku, nispa. Paytaj taporqa: Pikunataj qankuna kankichejri? Maymantataj jamunkichejri? nispa.

Josué 9:8 Referans Kwoze

2 Reyes 10:5

Jinapi Ajabpa wasinta qhawaj, llajtata kamachej, kurajkuna, wawakunata yachachejkunapiwan ima Jehuman kachaspa, nicherqanku: Noqaykoqa qanpa kamachiyki kayku. Imatachá kamachiwasqaykuta ruwasqayku, manataj waj kuraj kamachejta churasqaykuchu. Imatachá munasqaykita ruwallay ari, nispa.

Deuteronomio 20:11

Sichus chay llajtayojkuna nisqaykichejta uyarispa, llajtankuman yaykunaykichejta saqenkuman chayqa, sinch'i ruwanata ruwanankupaj wata runaykichej kanqanku.

Josué 9:11

Chayrayku kamachejniyku, jinataj llajta masiykukuna ima niwarqayku: Oqharikuychej ñanpaj imatachus apakunaykichejta, maypichus paykuna kashanku, chayman rinaykichejpaj. Chantá paykunata ninkichej: Noqayku qankunaj kamachiykichej kasqayku, qankunawantaj uj tratota ruwayta munayku, nispa.

Josué 9:27

Chaymantapacha Josueqa paykunata churarqa, Tata Diospa altarninpaj chantá israelitakunapaj ima llant'ata ruwanankupaj, yakuta aysamunankupaj ima, maynejtachá Tata Dios ajllakunan karqa, chaypi. Kunankama ajina ruwanayoj kashanku.

Josué 9:25

Kunanqa makiykipi kashayku. Qan noqaykuwan ruway imachá allin cheqantaj rijch'asunki, chayta, nispa.

Josué 9:23

Chayrayku kunan qankunaqa wata runallapuni kanaykichejpaj maldicisqa kankichej. Llant'ata ch'ejtankichej, yakuta ima Diosniypa wasinpaj aysamunkichej, nispa.

Josué 10:6

Chantá Gabaón llajtayojkunaqa Josué Gilgalpi kashajtin willachimorqanku: Ama mana niwaykuchu, kay kamachiykikunata yanapaj jamuwayku. Usqhayllata jamuychej jark'akunawaykupaj, yanapanawaykupajtaj, imaraykuchus tukuy amorreokunaj kuraj kamachejninkukuna tantaykukuspa, noqaykuwan maqanakoj jamuykunku, nispa.