Josué 7:6 - DIOSPA QHELQACHISQ

⁶ Chayta yachaytawan, Josuewan, israelitakunaj kurajninkukunawan ima sinch'i llakisqa kasqankuta rikuchispa, p'achankuta llik'ikorqanku, umankumantaj jallp'awan qhalliykukorqanku. Chantá Tata Diospa arcanpa qayllanpi pampakama k'umuykuspa, chaypi ch'isiyanankama karqanku.

Qheshwa Biblia DC

⁶ Josuewan, israelitaspa kurajkunasninkuwantaj llakiywan p'achasninkuta llik'ikorqanku, umankumantaj ñut'u jallp'awan jich'akorqanku llakisqa kasqankuta rikuchinankupaj. Chaymantataj qonqoriykukorqanku Señorpa trato ruwasqan cajonnimpa ñaupaqenman, pampaman umankuta chayachinankukama, ch'isiyaykunankamataj.

DIOSPA QHELQACHISQAN DEUTEROCANONICAL

⁶ Chayta yachaytawan, Josuewan, israelitakunaj kurajninkukunawan ima sinch'i llakisqa kasqankuta rikuchispa, p'achankuta llik'ikorqanku, umankumantaj jallp'awan qhalliykukorqanku. Chantá Tata Diospa arcanpa qayllanpi pampakama k'umuykuspa, chaypi ch'isiyanankama karqanku.

Josué 7:6 Referans Kwoze

Génesis 37:29

Chaymanta mana unayninmanchu Rubenqa pujyuman kutispa, Joseta manaña rikorqachu. Chayrayku llakikuspa, p'achanta llik'ikorqa.

Génesis 37:34

Jinapi Jacob p'achanta llik'irakuspa, qhashqa p'achata churaykukorqa. Jinaspataj, unayta churinmanta llakikuspa, waqarqa.

Lamentaciones 2:10

K'achitu Sionmanta kurajkunaqa pampapi ch'inlla tiyakunku, umankuman jallp'awan qhallirakuspa, qhashqa p'achata churaykukuspa ima. Jerusalenpi sipaskunapis pampakama k'umuykunku.

2 Samuel 13:31

Chaypacha kuraj kamachejqa tiyananmanta sayarispa, p'achanta llik'irakorqa, pampamantaj choqakorqa. Chantá payta yanapajkunapis p'achankuta llik'irakullarqankutaj.

Números 14:6

Nunpata churin Josué, Yefunej churin Calebwan imataj llakikusqankuta rejsichispa, p'achankuta llik'irakorqanku. Paykunaqa jallp'ata qhawaj rejkunawan khuska rerqanku.

Apocalipsis 18:19

Ajinaqa umankuman jallp'ata qhalliykukuspa, qhaparerqanku, jik'un jik'unta waqaspataj, nerqanku: Kay jina llakiyman kay llajta chayananri. Mama qochapi tukuy barcoyoj kajkuna paypa kapuyninwan qhapajyarqayku. Kunantajrí manaraj imapi chinkarparichisqa, nispa.

Hechos 14:14

Pablowan, Bernabewanqa chay runakuna imatachus ruwayta munasqankuta reparaytawan, p'achankuta llik'irakorqanku may llakisqa kasqankumanta yachayta qospa. Jinaspataj, runa chawpiman yaykorqanku, qhaparerqankutaj:

Job 2:12

Job tiyakorqa, chaynejman chayaspataj, karullamantaraj ñak'ayllata Jobta rejserqanku. Chayrayku qhaparispa, waqarqanku, p'achankutapis llik'irakorqanku, jallp'atataj umankuman qhallirakorqanku.

Job 1:20

Chayta uyariytawan, Jobqa manchay llakisqa sayarispa, p'achanta llik'irakorqa, chujchantapis raphakorqa. Chantá pampakama k'umuykukuspa, Diosta yupaycharqa.

Ester (hebreo) 4:1

Mardoqueoqa chay jina kamachisqa kasqanta yachaytawan, p'achantawan llik'ikuspa, qhashqa p'achata churaykukorqa. Umanman ushphawan qhalliykukuspataj, jatunmanta waqaspa, llajtapi purerqa.

2 Samuel 12:16

Chaypacha Davidqa wawanrayku Tata Diosmanta mañapuspa, ayunarqa, sapa ch'isitaj q'ara pampapi puñorqa.

2 Samuel 1:12

Maytataj waqarqanku Saulwan, churin Jonatanwan wañupusqankumanta, ajinallatataj Tata Diospa soldadonkuna maqanakupi wañusqankumanta. Chantá inti yaykuykama ayunarqanku.

1 Samuel 4:12

Chaypacha Benjamín jatun ayllumanta uj soldado maqanakumanta ayqerqa. Usqhayta rispataj, Silo llajtaman chayarqa, p'achan llik'irasqa, umanman jallp'a qhalliykusqa.

Jueces 21:2

Chay qhepatataj Betelpi tantakorqanku, Diospa ñawpaqenpi ch'isiyanankama sonqo nanayta waqarqanku.

Jueces 20:26

Chantá tukuy israelitakuna, soldadokunapiwan ima watej Betelman rillarqankutaj, Tata Diospa ñawpaqenpi waqamunankupaj. Chaypitaj tukuy p'unchayta ayunarqanku. Chantá Tata Diosman jaywarqanku uywa ñak'asqa q'olachinakunata, jinallataj allinyakuna jaywanatawan.

Jueces 20:23

Chantá Tata Diosta tapullarqankutaj: Benjamín jatun ayllu masiykunawan watejmanta maqanakoj kutillasqaykutajchu, manachu? nispa. Tata Diostaj kamacherqa: Rillaychejpuni, nispa.

Números 16:45

45 (17.10) T'aqakuychej chay runakunaj chawpinkumanta, noqataj uj ñawi ch'irmiypi paykunata chinkarparichisaj, nispa. Jinapis Moiseswan Aaronwan ima qonqorikuspa, pampakama k'umuykukorqanku.

Números 16:22

Chayta uyarispa, Moiseswan, Aaronwan pampakama k'umuykuspa, nerqanku: Diosniyku, tukuy runaman kawsayta qoj, uj runa juchallisqanraykuchu kay tukuy runaj contrankuta phiñakunki? nispa.

Josué 7:7

Josuetaj nerqa: Ay, Tukuyta Kamachej Tata Dios. Imapajtaj kay runakunata Jordán mayuta chimpachimorqankiri? Amorreokunaman jaywaykuspa paykuna tukuchinawaykupajchu chimpachimuwarqayku? Walej kanman karqa Jordán mayu chimpallapi qhepakunayku.

2 Samuel 1:11

Chayta uyarispa, Davidwan, soldadonkunawan ima p'achankuta llik'irakorqanku, llakikusqankuta rikuchispa.

2 Reyes 22:11

Kuraj kamachej Josiasqa chay tarisqanku qhelqasqa imatachus nisqanta uyarispa, p'achanta llik'irakorqa.

2 Crónicas 34:19

Kuraj kamachej Josiasqa Diospa kamachisqan qhelqamanta ñawirejta uyarispa, sinch'ita llakikorqa, p'achantataj llik'ikorqa.

Job 42:6

Chayrayku imatachus nisqaymanta p'enqakuni, qanmantaj jallp'a patapi, ushpha patapi ima tiyaspa k'umuykamuyki, nispa.

Jueces 11:35

Ajinaqa ususinta rikuytawankama, Jefteqa p'achanta llik'ikuspa, manchay llakisqa nerqa: Ay, wawáy, qannejta jatun llakiypi rikhurini. Chaywanpis kunanqa tiluspa Tata Diosman, qosaj nisqayta junt'anay tiyan, nispa.

2 Samuel 1:2

Chay minchhantin, Saulpa soldadonkunamanta ujnin chayamorqa, llik'isqa p'achayoj, umantaj jallp'awan qhalliykusqa. David kasharqa, chayman chayamuspataj, k'umuykorqa pampaman umanta chayachinankama.

2 Samuel 13:19

Chaypacha Tamarqa umanman ushphata qhalliykukorqa, p'achantataj llik'irakorqa. Makinta umanman churaykukuspataj, sinch'ita qhaparispa wasinman kutiporqa.

Esdras 10:1

Esdrasqa Temploj ñawpaqenpi pampakama k'umuykukuspa, waqan waqan israelitakunaj juchankuta Diosman rimarisharqa. Chaykamataj israelitakunamanta qharikuna, warmikuna, wawakuna ima Esdrasta muyuykamuspa, jik'un jik'unta waqallarqankutaj.

Nehemías 9:1

Chantá israelitakunaqa chay kikin killallapitaj iskay chunka tawayoj kaj p'unchayninpi watej tantakorqanku. Chaypi qhashqa p'achata churakorqanku, ayunarqanku, jallp'atataj umankuman qhallaykukorqanku juchankumanta llakisqa kasqankumanta yachayta qonankupaj.

Ester (hebreo) 4:3

Judiokunataj tukuy llajtapi kuraj kamachejpa kamachisqanta yachaytawan, maytapuni phutikorqanku. Chayrayku paykunaqa llakiyninkuta rikuchispa, ayunarqanku. Sonqo nanayta waqaspa, qhashqa p'achata churaykukorqanku, wakintaj ushpha patapi puñorqanku.