Josué 7:2 - DIOSPA QHELQACHISQ

² Josueqa Jericomantapacha Hai llajtata qhawamunankupaj runakunata kacharqa. Chay llajtaqa Betelmanta inti llojsimuyninnejpi, Bet Avén qayllapi karqa. Chantá Josué paykunata nerqa: Rispa, chay cheqata qhawamuychej, nispa. Paykunataj rispa, Hai llajtata sumajta qhawamorqanku.

Qheshwa Biblia DC

² Josueqa Jericomantapacha runasta kacharqa Hai llajtata qhawamunankupaj; Chay llajtataj kashan Betelpa inti llojsimuynimpi, Bet-aven qayllapi. Paykunaman nerqa imaynatachus chay jallp'asta qhawaramunankuta. Paykunataj rispa sumajta Haita qhawaramorqanku.

DIOSPA QHELQACHISQAN DEUTEROCANONICAL

² Josueqa Jericomantapacha Hai llajtata qhawamunankupaj runakunata kacharqa. Chay llajtaqa Betelmanta inti llojsimuyninnejpi, Bet Avén qayllapi karqa. Chantá Josué paykunata nerqa: Rispa, chay cheqata qhawamuychej, nispa. Paykunataj rispa, Hai llajtata sumajta qhawamorqanku.

Josué 7:2 Referans Kwoze

Josué 18:12

Chay jallp'aj mojonnenqa wichaynejman Jordán mayumantapacha karqa, chaymanta Jericój wichaynejninta rerqa, chaytaj orqorara cheqanejta inti yaykuynejman wicharillarqapuni. Chaymantataj Bet Avén ch'innejman rerqa.

Oseas 4:15

Israel, sichus qan phisu warmi jina wajkunaman jaywakunki chayqa, Judallapis ama kikillantataj juchallichunchu. Judá, ama Gilgalman riychejchu, nitaj Bet Avenmanpis wichariychejchu lantikunata yupaychaj. Amallataj Tata Diospa sutinpi tiluychejchu.

1 Samuel 14:23

Maqanakoqa Bet Avén llajtakama chayarqa. Ajinata Tata Diosqa israelitakunata filisteokunaj makinkumanta kacharicherqa.

1 Samuel 13:5

Jinallataj filisteokunapis israelitakunawan maqanakunankupaj tantaykukorqanku. Filisteokunajpata 30.000 carretakuna karqa, 6.000 caballopi maqanakojkuna. Soldadokunataj mama qochaj t'iyun jina may chhikapuni karqanku. Chantá Micmas llajtaman kachaykukorqanku, chaypitaj Bet Avenmanta inti llojsimuynejpi jarakorqanku.

San Mateo 10:16

Kunanqa, noqa kachashaykichej ovejatapis atojkunaj chawpinkuman kachashayman jina. Qankunarí katarikuna jina sumaj yuyayniyoj kaychej, urpikuna jinataj llamp'u sonqoyoj.

Proverbios 24:6

Chayrayku awqawan maqanakoj rinapajqa allintaraj yuyaycharikuna. Atipanapajqa ashkha yuyaychajkunawan yuyaychachikuna.

Proverbios 20:18

Imatapis ruwanaykipajqa allin yuyaychaykunata mask'ay. Jatun maqanakuyman rinapajqa sumajtaraj umachakuna tiyan.

Génesis 12:8

Chaymanta Betel llajtaj inti llojsimuynejpi kashan, chay orqonejman riporqa, chaypitaj toldonta sayacherqa. Betel llajtaqa jarakusqanmanta inti yaykuynejpi kasharqa, Hai llajtataj inti llojsimuynejpi kasharqa. Chay cheqapipis Abramqa Tata Diospaj uj altartawan ruwallarqataj, chantá Tata Diospa sutinta oqharispa, yupaycharqa.

Efesios 5:15

Chayrayku imaynatachus purishasqaykichejta allinta qhawakuychej. Amaña wampu jinaqa kawsaychejchu, manachayqa yuyayniyojkuna jina.

Nehemías 11:31

Benjamín jatun ayllumanta kajkunataj tiyakorqanku Gebapi, Micmaspi, Aiapi, Betelpi, chantá chay ranchonkunapi ima.

Josué 12:9

Israelitakunaqa kay llajtakunaj kuraj kamachejninkuta atiparqanku: Jericomanta, Haimanta ima. Chayqa Betel qayllallapi karqa.

Josué 2:1

Nunpa churin Josueqa Sitín nisqa chaymantapacha iskay wateqajkunata mana pejpa yachasqallan kachaspa, nerqa: Rispa, chay jallp'ata, chantá Jericó llajtatawan allinta qhawamuychej, nispa. Paykunataj rispa, Jericó llajtapi uj sajra purikoj warmej wasinman chayakorqanku, chay ch'isitaj chaypi qhepakorqanku. Chay warmej sutenqa Rajab karqa.

Génesis 28:19

Unay chay cheqaqa Luz sutiyoj karqa. Jacobtaj chay cheqata suticharqa: “Betel”, nispa.

Josué 7:3

Kutimuspataj, Josueta nerqanku: Hai llajtata jap'ejqa mana tukuychu rinanchej tiyan, 2.000, chayrí 3.000 jinalla richunku, imaraykuchus Hai llajtayojkunaqa pisilla kanku, nispa.

1 Samuel 30:27

Ajinallatataj Betel llajtayojkunaman, Neguevpi Ramot llajtayojkunaman, Jatir llajtayojkunaman ima t'inkata apacherqa.

Jeremías 49:3

Jesbón llajta, waqay, imaraykuchus Hai llajta phirisqaña kashan. Rabamanta warmikuna, sinch'ita waqaychej. Llakiy p'achawan p'achallikuychej, qhasqoykichejtataj takakuychej. Uman t'ojpisqa runa jina kayman jaqayman phinkiykachaychej, ukhuykichejtataj k'irirakuychej, imaraykuchus Milcón diosniykichej waj suyuman apasqa kashan. Jinallataj tukuy sacerdotenkunapis, kurajkuna ima apasqallataj kashanku.

1 Reyes 12:29

Chantá ujnin waka uñata Betel llajtaman churarqa, ujtataj Dan llajtaman.

Isaías 10:28

Asiriamanta soldadokuna Ayat llajtamanña chayanku, chaymanta Migrón llajtamanñataj rinku, Micmas llajtapitaj q'epinkuta saqenku.