Josué 7:1 - DIOSPA QHELQACHISQ

¹ Judá jatun ayllumanta uj runa Achán sutiyoj karqa. Payqa Carmij churin karqa, Zabdij allchhin, chantá Zerajpa allchhinpa churintaj. Payqa Tata Diospa nisqanman jina phirisqa kanan karqa, chaykunamanta wakinta jap'ispa, pakaykorqa. Chayrayku tukuy israelitakuna Tata Diospa ñawpaqenpi juchayoj rikhurerqanku, phirisqa kanan karqa chaymanta wakinta Achán suwasqanmanta. Chaynejta Diospa phiñakuynin israelitakunaj contrankuta k'ajarerqa.

Qheshwa Biblia DC

¹ Judáj ayllunmanta ujnintaj Acán sutiyoj, Carmej wawan Zabdej allchhin, Zaraj allchhimpa wawan, wakin imasta pakaykorqa Señorman jaywasqa phirikuman kasharqa chay imasmanta. Chaynejta tukuynin israelitas juchayoj rikhurerqanku Señorpa ñaupaqempi, phirikunan imasta oqharisqankumanta. Chayrayku Diospa phiñakuynenqa paykunaj contrankuta k'ajarerqa.

DIOSPA QHELQACHISQAN DEUTEROCANONICAL

¹ Judá jatun ayllumanta uj runa Achán sutiyoj karqa. Payqa Carmij churin karqa, Zabdij allchhin, chantá Zerajpa allchhinpa churintaj. Payqa Tata Diospa nisqanman jina phirisqa kanan karqa, chaykunamanta wakinta jap'ispa, pakaykorqa. Chayrayku tukuy israelitakuna Tata Diospa ñawpaqenpi juchayoj rikhurerqanku, phirisqa kanan karqa chaymanta wakinta Achán suwasqanmanta. Chaynejta Diospa phiñakuynin israelitakunaj contrankuta k'ajarerqa.

Josué 7:1 Referans Kwoze

Josué 22:20

Yuyarikullaychejtaj Zeraj churin Achán, Tata Diospaj t'aqasqa phirikunan karqa chayta oqharikuspa, juchallikusqanta. Chay juchanmanta tukuy israelitakunaj contrankuta Tata Dios phiñakorqa. Mana Achanllachu juchanrayku wañorqa, nispa.

Eclesiastés 9:18

Maqanakupaj armakunamanta nisqaqa, yachayniyoj kay aswan allin. Chaywanpis uj pantaylla ima allin kajtapis urmachin.

1 Crónicas 21:7

Jinallataj Diosmanqa David imatachus ruwasqanqa mana allinchu rijch'arqa. Chayrayku Diosqa israelitakunata llakiykunawan ñak'aricherqa.

Josué 22:18

Manachu wanankichej? Imapajtaj kunan qankunapis Tata Diospa contranta oqharikushankichejri? Kunanqa Tata Diospa contranta juchallisqaykichejrayku, q'aya Diosqa israelitakunaj contrankuta phiñakonqa.

Josué 22:16

Noqaykoqa Tata Diospa tukuy jatun ayllunpa sutinpi kayta niyku: Imaraykutaj israelitakunaj Diosninta wasanchashankichejri? Imajtintaj Tata Diospa contranpi oqharikuspa kay altarta ruwankichejri?

Jonás 1:7

Chantá barcota purichejkuna ninakorqanku: Pichus juchayoj kasqanta yachananchejpaj suerteta choqanachej, ajinamanta yachananchejpaj pejpa juchanraykuchus kay jina llakiy qhatirishawasqanchejta, nispa. Jinataj suerteta choqajtinku, Jonás juchayoj rikhurerqa.

Esdras 9:6

Diosníy, Diosníy. May p'enqasqa kashani, uma muyusqa jinataj. Mana yachanichu imaynatachus qanman qayllaykamusuyta. Pantasqaykoqa may jatunpuni, juchaykutaj janaj pachakama chayan.

2 Crónicas 24:18

Chayrayku ñawpa tatankoj Tata Diosninpa Templonta saqerparispa, Asera lantikunata, waj lantikunatawan yupaycharqanku. Chay juchankuraykutaj Judamanta kajkunapaj, Jerusalenmanta kajkunapajpis Tata Dios phiñakorqa.

2 Samuel 24:1

Tata Diosqa israelitakunapaj watejmanta sinch'ita phiñakuspa, paykunaj contrankupi Davidta yuyaycharqa, Israel aylluta, Judá ayllutawan yupachinanta.

Daniel (hebreo) 9:7

Tukuyta Kamachej Diosníy, qan cheqanta ruwaj kanki. Noqayku israelitakunarí tukuyniyku p'enqasqa kashayku: Jerusalenpi tiyakojkuna, jinallataj tukuynin israelitakuna, qayllapi, chayrí, karupi tiyakojkunapis, maymanchus wijch'uwarqayku qanpa contraykipi oqharikusqaykurayku, chaypi.

Levítico 10:6

Chaymanta Moisesqa Aaronta, chantá Eleazarta, Itamartawan ima nerqa: Ama mana ñajch'asqaqa kaychejchu, nitaj p'achaykichejtapis llik'ikuychejchu wañusqakunarayku llakisqa kasqaykichejta rejsichispa. Sichus chayta ruwankichej chayqa, qankunapis wañuchisqallataj kankichej, Tata Diostaj israelitakunapaj k'arajta phiñakonqa. Ayllu masiykichej israelitakunalla Tata Dios Nadabta, chantá Abiutawan ima ninawan ruphachisqanmanta waqachunku.

2 Reyes 5:24

Orqoman chayajtinkutaj, Guejazí kamachikunamanta jap'ispa, wasinman waqaychaykorqa, jinaspataj Namanpa kamachinkunata kachaporqa.

Génesis 34:27

Chantá Jacobpa wakin churinkuna riytawan, wañusqakunaj patanta pasaspa, llajtaman yaykorqanku. Jinaspataj, tukuy imankuta apakaporqanku. Chayta ruwarqanku panankoj honranta Sichem t'akasqanmanta.

Job 35:8

Juchaykeqa qan jina runakunallata mana allinta ruwan, allinta ruwasqaykipis runakunallata yanapan.