Josué 3:16 - DIOSPA QHELQACHISQ

¹⁶ patanejmanta jamoj yakoqa kikinpi sayarqa, Adán nisqa llajtamanta Saretán nisqa llajtakama. Uraman p'itikoj yakutaj tukukunankama Wañusqa Qochaman urayk'orqa. Ajinata yakoqa mayupi iskayman t'aqarpayakorqa, israelitakunataj Jericó llajtanejman chayninta chimparqanku.

Qheshwa Biblia DC

¹⁶ Pata mayumanta jamoj yakoqa kikimpi sayaykorqa qocha jina, Adán nisqa llajtapi, chayqa kashan jark'ana, Saretán llajtawan khuska. Ñaupajman p'itikoj yakutaj Wañusqa Qocha nisqaman uraykorqa tukukunankama. Ajinata yakoqa mayupi iskayman t'aqarpayakorqa. Israelitastaj chayninta chimparqanku Jericó llajta cheqaman.

DIOSPA QHELQACHISQAN DEUTEROCANONICAL

¹⁶ patanejmanta jamoj yakoqa kikinpi sayarqa, Adán nisqa llajtamanta Saretán nisqa llajtakama. Uraman p'itikoj yakutaj tukukunankama Wañusqa Qochaman urayk'orqa. Ajinata yakoqa mayupi iskayman t'aqarpayakorqa, israelitakunataj Jericó llajtanejman chayninta chimparqanku.

Josué 3:16 Referans Kwoze

Josué 3:13

Tukuy kay pachata kamachej Tata Diospa arcanta apashaj sacerdotekuna Jordán mayupi yakuman saruykojtinkukama, yakoqa iskayman t'aqakonqa. Patamanta jamoj yakoqa qochayaspa jina kikinpi sayanqa, nispa.

1 Reyes 7:46

Chay tukuyta kuraj kamachejqa Jordán pampanejpi unuyachispa ruwacherqa, Sucotwan, Saretanwan tinkuypi, chaypi sumaj llink'i jallp'a kasqanrayku.

1 Reyes 4:12

Ajiludpa churin Banaqa Tanacpi, Meguidopiwan churasqa karqa, tukuynin Bet Seanpi, Saretán qayllapi, Jezrelmanta aswan urapi, Bet Seanmanta Abel Mejolá chaykama, chantá Jocmeanmanta chay uj ladokama churasqallataj karqa.

Génesis 14:3

Chay phishqantin kuraj kamachejkunaqa Sidín vallepi soldadonkukunata tantaykorqanku, maypichus kunan Wañusqa Qocha nisqa kashan, chaypi.

Salmos 114:3

Puka Mama Qochaqa israelitakunata rikuspa ayqerqa, Jordán mayupis qhepaman kutirerqa.

Deuteronomio 1:1

Kay jinata Moisés Jordán mayu inti llojsimuynej ch'innejpi tukuynin israelitakunaman parlarqa. Arabapi, Sufpa chimpanpi, Parán llajtawan, Tofel, Labán, Jaserot, Dizahab llajtawan ima, chawpinpi kashajtinku parlarqa.

Números 34:3

Uranejman mojonnenqa Zin nisqa ch'innejmanta, Edom suyoj jap'iyninwan tinkuykama kanqa. Inti llojsimuynejmantaj Wañusqa Qochamanta uranej kantunmantapacha kanqa.

Salmos 77:19

19 (20) Mama qochapi ñanta kicharerqanki, ashkha yaku chawpitataj ñanta jina pasarqanki, nitaj pipis sarusqaykita rikorqachu.

Salmos 74:15

Juturikunata, mayukunata ima qan rikhuricherqanki. Ni jayk'aj ch'akej jatun mayukunata qanllataj ch'akicherqanki.

Salmos 66:6

Mama qochata ch'aki jallp'aman tukucherqa, ñawpa tatanchejkunataj jatun mayuta chakipi chimparqanku. Chayrayku chaypi ruwasqanmanta kusikunachej.

Salmos 29:10

Tata Diosqa Kuraj Kamachejmin, paytaj wiñaypaj kamachin. Pay parata munasqanta ruwananpaj kamachin.

Josué 15:2

Uraynejman mojonqa Wañusqa Qocha kantumantapacha karqa.

Deuteronomio 3:17

Jinallataj Arabá cheqanejta chay jatun ayllukunaman qollarqanitaj. Chaynejqa Pisga orqo k'uchupi inti llojsimuynejpi kashan. Mojonnintaj Jordán mayu kashan, rishantaj Cineret qochamanta Wañusqa Qocha nisqakama.

Éxodo 14:21

Chantá Moisés mama qochanejman makinta oqharerqa. Tata Diostaj tukuy chay tuta inti llojsimuynejmanta sinch'ita wayrachimuspa, mama qochapi yakuta iskayman khallarparerqa. Ajinapi qochaqa iskayman t'aqasqa rikhurerqa, pampantaj ch'akiman tukorqa.

Salmos 33:7

Payqa mama qochapi yakuta uj cheqallaman tantaykorqa, mama qocha ukhutapis uj cheqaman waqaycharqa.

Salmos 114:5

Imajtintaj qan, Puka Mama Qocha, ayqerqankiri? Imajtintaj qan, Jordán mayu, qhepaman kutirerqankiri?

Isaías 50:2

Imaraykutaj jamuspa, mana pitapis tariparqanichuri? Imaraykutaj wajyashajtiypis, mana pipis kutichiwarqachuri? Ima kajtinpis, manachu atiyman kacharichiytari? Manañachu atiyneyqa kasqa paykunata kacharichinaypaj? Ujta nispalla, mama qochata ch'akichini, mayukunatapis ch'aki pampaman tukuchini. Chaypi kaj challwakunapis yakumanta jina wañuraspa, asnanku.

Ezequiel 47:8

Chaypacha runa niwarqa: Kay yakoqa inti llojsimuynej cheqaman rishaspa, Arabá nisqaman urayk'onqa, Wañusqa Qochamantaj yaykonqa. Chayman chayaspataj, yakoqa misk'iyanqa.

Nahúm 1:4

Payqa k'amispa, mama qochatapis ch'akirparichin. Ch'akichillantaj mayukunapi yakutapis. Basán pampapi, jinallataj Carmelo orqopipis qhorakuna qawipunku, Libanopi t'ikakunapis qawipullankutaj.

Habacuc 3:8

Tata Diosníy, mayukunaj contranpichu phiñakunki? Mama qochaj contranpichu lawrarishajta phiñakushanki? Chayraykuchu caballoykikunaman lloq'aykunki, maqanakupi atipaj carretaykikunamanpis?

Éxodo 14:22

Israelitakunataj mama qochaj chawpinta yaykuspa, ch'aki jallp'ata chimparqanku, yakutaj jatun perqa jina lloq'enkupi, pañankupitaj sayasharqa.

Éxodo 14:29

Israelitakunarí mama qochata ch'aki jallp'api chimpasqanku, yakutaj pañankupi, lloq'enkupitaj perqa jina sayarqa.

Éxodo 15:8

Mama qochata kallpawan phukuspa, yakuta iskayman t'aqarqanki. Yaku oqharikusqanpis perqa jina sayarqa. Mama qochaj sonqonpi yakupis tikayarparerqa.

Josué 4:22

paykunaman ajinata ninkichej: Noqayku israelitakuna kay Jordán mayuta ch'aki jallp'ata jina chimparqayku, nispa.

Josué 5:1

Chaypacha amorreokunaqa Jordanmanta inti yaykuynejpi tiyakusharqanku, cananeokunataj Jatun Mama Qocha qayllapi. Chantá chay llajtayojkunaj kuraj kamachejninkukuna uyarerqanku israelitakuna chimpanankupaj Tata Dios imaynatachus Jordán mayuta ch'akichisqanta. Chayrayku manchachikuywan llawch'iyaspa, israelitakunawan mana maqanakuyta munarqankuchu.

Josué 12:3

Inti yaykuynejman mojonnenqa Jordán mayu karqa, patanejmantaj Cineret qochakama karqa, uranejmantaj Wañusqa Qochakama karqa. Jinallataj jap'iynenqa Wañusqa Qochamanta inti llojsimuynejman jina Bet Yesimot llajtakama, chantá Pisga orqokama karqa.

Josué 16:7

Chantá Yanojamanta Atarotman, Naratman ima urayk'orqa, chaymanta Jericonta pasaspa Jordán mayuman llojserqa.

Jueces 7:22

Chaykama 300 israelitakunaqa pututunkutaqa waqachishallarqankupuni, Tata Diostaj madianitakunataqa paykunapurata maqanaykucherqa. Jinallapi paykuna Bet Sitaman ayqekorqanku, Sererá ñanninta rispa, Tabat qayllapi Abel Meholá tinkuykama chayarqanku.

Salmos 78:13

Mama qochata iskayman khallarqa, perqata jina yakuta sayachispa, chaynintataj paykunata chimpacherqa.