Josué 3:11 - DIOSPA QHELQACHISQ

¹¹ Qhawaychej, Tata Diospa trato ruwasqan arcaqa Jordán mayuta ñawpaqeykichejta chimpanqa.

Qheshwa Biblia DC

¹¹ Qhawaychej, Señorpa trato ruwasqan cajón Jordán mayuta ñaupaqeykichejta chimpanqa.

DIOSPA QHELQACHISQAN DEUTEROCANONICAL

¹¹ Qhawaychej, Tata Diospa trato ruwasqan arcaqa Jordán mayuta ñawpaqeykichejta chimpanqa.

Josué 3:11 Referans Kwoze

Zacarías 6:5

Angeltaj kutichiwarqa: Chaykunaqa janaj pachaj tawantin wayrankuna kanku, mayqenchus Tukuyta Kamachej Diospa ñawpaqenmanta tukuy kay pachaman llojsimunku, chaykuna.

Zacarías 4:14

Paytaj kutichiwarqa: Chaykunaqa Zorobabelwan, Josuewan ima ninakunku. Kay pachaj Dueñon Tata Diosmin paykunata t'aqarqa paypaj uj ruwanata ruwanankupaj, nispa.

Salmos 24:1

(1b) Tukuy kay pachaqa Tata Diospata, tukuy ima chaypi kajpis. Tukuy kay pachaqa paypatapuni, tukuy chaypi kawsajkunapis.

Miqueas 4:13

Tata Dios nin: Sión llajta, jatarispa, contraykipi kaj suyukunata trillay. Noqa fierromanta wajrata, broncemanta silluta ima qosqayki, phiña toro jina ashkha suyukunata phirinaykipaj. Jinapi qan paykunamanta qhechunki, mana allinta ruwaspa qhapajyasqankuta, chaytataj noqapaj t'aqapuwanki, imaraykuchus noqamin tukuy kay pachata kamachej Tata Dios kani, nispa.

Josué 3:13

Tukuy kay pachata kamachej Tata Diospa arcanta apashaj sacerdotekuna Jordán mayupi yakuman saruykojtinkukama, yakoqa iskayman t'aqakonqa. Patamanta jamoj yakoqa qochayaspa jina kikinpi sayanqa, nispa.

Zacarías 14:9

Chay p'unchayqa Tata Dioslla tukuy kay pachata kamachenqa. Chaypacha uj k'ata Tata Dioslla kanqa, uj k'atallataj sutinpis kanqa.

Sofonías 2:11

Kay pachapi tukuynin lantikunata chinkachispa, Tata Dios chay runakunata manchayta mancharichenqa. Chaymantataj tukuynejpi paylla yupaychasqa kanqa. Mama qocha churukunapi tiyakojkunapis payta yupaychanqanku.

Jeremías 10:7

Qanqa tukuy suyukunaj kuraj kamachejnin kanki. Pitaj qanta mana manchachikusunkimanchuri? Qanqa jatun respetowan qhawasqa kanaykipaj jina kanki. Tukuy yachayniyojkunamanta, kamachejkunamantapis manapuni ujpis qan jina kanchu.

Isaías 54:5

Pichus qanta ruwasorqa, chaymin qanpa qosaykeqa, sutintaj Tukuy Atiyniyoj Tata Dios. Israelpa May Llimphu Kaj Diosninmin pagota qospa kacharichisojniykeqa. Payqa tukuy kay pachaj Diosnin.

Isaías 3:12

Majt'illukunalla aylluytaqa munasqankuta ruwanku, warmikunallataj paykunata kamachinku. Ayllúy, kamachejniykichejkunaqa q'otiyashasunkichej, pantay ñankunata pusaspa.

Job 41:11

11 (3) Pitaj payman sayaykojmanta mana iman imanasqa llojsinmanri? Tukuy kay pachapi, ni pipis kanmanchu.

Deuteronomio 9:3

Chaywanpis qankuna yachankichej Tata Diosniykichejqa qankunaj ñawpaqeykichejta rinanta. Payqa ruphaj nina jina ñawpaqeykichejpi chay suyukunapi tiyakojkunata k'umuykuchispa, chinkachenqa. Qankunaqa Tata Dios kamachisusqaykichejman jina, paykunata wijch'unkichej, chantá uj ñawi ch'irmiyllapi tukuchinkichej.

Salmos 97:5

Tata Diospa ñawpaqenpeqa orqokuna mapha jina unuyapunku, imaraykuchus tukuy kay pachaqa paypatamin.

1 Crónicas 29:11

Tata Dios, qanpatamin jatunchasqa kana, atiypis, sumaj kayniykej lliphipiyninpis, atipanapis, maypaj qhawana kaypis. Qanpatamin kay pachapi, janaj pachapi tukuy ima kajpis. Tata Dios, qanlla tukuyta kamachinapaj jina kanki, qanllataj tukuymanta aswan jatun atiyniyoj kanki.