Josué 2:9 - DIOSPA QHELQACHISQ

⁹ Noqa yachani Tata Dios qankunaman kay jallp'ata qosqasuykichejta, chayrayku noqayku sinch'ita manchachikushayku. Tukuy kaypi tiyakojkunaqa qankunata manchachikuspa, wañushaykuña.

Qheshwa Biblia DC

⁹ Noqa yachani, Señorqa qankunaman kay jallp'ata qosqasuykichejta, pay nerqa noqayku qankunata sinch'ita manchachikunaykuta. Tukuy kaypi tiyakojkunaqa qankunarayku manchachikuywan wañusqas jinaña kayku.

DIOSPA QHELQACHISQAN DEUTEROCANONICAL

⁹ Noqa yachani Tata Dios qankunaman kay jallp'ata qosqasuykichejta, chayrayku noqayku sinch'ita manchachikushayku. Tukuy kaypi tiyakojkunaqa qankunata manchachikuspa, wañushaykuña.

Josué 2:9 Referans Kwoze

Éxodo 23:27

May llajtamanchus chayankichej, chaypi tiyakojkunata noqa manchachisaj, awqaykichejkunataj qankunamanta ayqenqanku.

Deuteronomio 2:25

Kunanmanta ñawpajman tukuynejpi runakuna qankunamanta manchachikunankuta ruwasaj. Qankunamanta parlajta uyarispa, manchachikuywan kharkatitenqanku, nispa.

Jeremías 27:5

Jatun atiyniywan noqa kay pachata, runakunata, kay pachapi kashanku, chay animalkunatapis ruwarqani. Chantá chay tukuy imata pimanchus munarqani, chayman qorqani.

Eclesiastés 8:12

Juchasapaqa pachaj kutita juchallikuspapis, unayta kawsan. Jinapis yachallarqanitaj, pikunachus Diosta may jatun respetowan qhawaspa kawsakunku, chaykunata allinpuni rinanta.

Salmos 115:16

Janaj pachaqa Tata Diosninchejpata, kay pachatataj runaman qorqa.

Salmos 112:10

Millayta ruwaj runarí chayta rikuspa, phiñarikonqa, mana imata ruwayta atispataj, kirunta k'arurakuspa tukukonqa. Millayta ruwajkunaj munasqankoqa chinkachisqa kanqa.

Job 19:25

Noqarí yachani kutikuwajniy kawsashasqanta, kay pachapi pay noqaman kutikunawanta yachallanitaj.

Josué 2:11

Chayta yachaspataj, noqaykoqa maytapuni kharkatitispa llawch'iyayku. Chayrayku qankunawan maqanakunaykupaj manaña kallpapis kanchu, imaraykuchus Tata Diosniykichejqa janaj pachapi, kay pachapipis Diospuni.

Génesis 35:5

Chantá paykuna chaynejmanta llojsishajtinku, Diosqa muyuyninkupi llajtayojkunaj sonqonkuman manchachikuyta churarqa. Chayrayku Jacobpa churinkunata mana qhatiykorqankuchu.

San Mateo 20:15

Manachu qolqeywan munasqayta ruwayta atini? Chayrí, k'acha kasqayraykuchu sajra ñawiwan qhawashawanki? nispa.

Nahúm 2:10

10 (11) Nínive llajtaqa phirisqa, thuñisqa, ch'inpachataj. Mancharikuywan chay llajtayojkunaj sonqonku phatashanña, moqonkupis kharkatitishan. Tukuyninkojta kallpankutaj manaña kanchu. Uyankupis t'ojrapachallaña.

Isaías 19:1

Isaías Egipto suyoj contranpi sut'inchaspa, kay jinata nerqa: Qhawariychej, Tata Diosqa Egiptoman phuyu patapi usqhayta jamushan. Chantá Egiptopi kaj lantikuna payta rikuytawan, kharkatitenqanku, Egiptomanta runakunataj maytapuni mancharikonqanku.

2 Reyes 7:6

Ajina karqa, imaraykuchus siriokunaj jarankupi Tata Diosqa ashkha soldadoj purisqankuta, ashkha caballo, ashkha carreta ima purishasqankuta jina uyarichisqa. Chayta uyarispataj, siriokunaqa ujkuna ujkuna ninakorqanku: Israelitakunaqa jititakunata, Egiptomanta kamachejkunatawan mink'akuspa kachaykamushawanchej contranchejpi maqanakunankupaj, nispa.

2 Reyes 5:15

Chaymanta Namanqa paywan tukuy rejkuna ima Eliseojpaman kutirerqanku. Chantá Eliseoj wasinman chayaspa, Namán nerqa: Kunan yachani kay pachantinpi mana waj Dios kasqanta, manachayqa Israel suyullapi. Chayrayku ama jina kaspa, apamusqaymanta waqeta jap'ikuway, nispa.

2 Samuel 17:10

Aswan phiña león jina runakunapis sinch'ita iskayrayanqanku, imaraykuchus tukuy Israel ayllupi yachanku tatayki jina soldadonkunapis wapu kasqankuta.

Jueces 7:14

Chantá soldado masin kuticherqa: Chayqa Israelmanta Joaspa churin Gedeonpa soldadonkuna kanman. Tata Diosqa paykunata yanapanqa noqanchej madianitakunata atipanawanchejpaj, nispa.

Deuteronomio 32:8

Janaj pachapi kaj Diosqa suyukunaman chayaqenkuta qorqa, tukuy runatataj rak'irarqa. Suyukunamantaj mojonninkuta churarqa, Israelpa churinkuna mashkhachus kasqankuman jina.

Deuteronomio 28:10

Chaypacha kay pachapi tukuy suyupi runa Tata Diospa ayllun kasqaykita yachanqanku, chantá manchachikusonqanku.

Deuteronomio 11:25

Tata Diosniykichejqa nisusqanman jina, maynejtachá pasankichej, chaypi tiyakoj runakuna manchachikunankuta, kharkatitinankuta ima ruwanqa. Ni pipis qankunaman sayaykuyta atenqankuchu.

Éxodo 18:11

Kunan yachani Tata Diosqa tukuy dioskunamanta nisqaqa astawan atiyniyoj kasqanta. Payqa runaykachaj Egipto llajtayojkunaj ñak'arichisqankumanta ayllunta kacharicherqa, nispa.

Hebreos 11:31

Jinallataj phisu warmi Rajabpis Diospi atinikusqanrayku, Diosta mana kasojkunawan khuska mana wañuchisqachu karqa, imaraykuchus wateqajkunata tukuy sonqo wasinman wajyarikorqa.

Números 20:14

Cadesmantapacha Moisesqa Edom suyuta kuraj kamachejman kachakunata kacharqa, ajinata nichispa: Yawar masiyki israelitakuna nisunku: Qan allinta yachanki ñanta jamushajtiyku, imachus qhatiriwasqaykuta.

Números 20:24

Aarón kaypi wañuponqa. Israelitakunaman jallp'ata qosaj, chayman mana yaykonqachu, imaraykuchus qankunaqa Meriba nisqa juturi kantupi kashaspa, kamachisqayta mana kasuwarqankichejchu.

Josué 2:8

Wateqajkuna manaraj puñushajtinku, Rajab wasi pataman wicharispa, paykunata nerqa:

Josué 2:24

Paykuna Josueta nerqanku: Tata Diosqa chay tukuynin jallp'ata qowanchejña. Tukuy chaypi tiyakojkunaqa may jina mancharisqa kashanku, nispa.

Josué 9:9

Paykunataj kuticherqanku: Noqaykoqa manchay karumanta jamuyku, imajtinchus Tata Diosniykichej manchay uyarisqa kasqanta uyariyku, yachaykutaj Egiptopi imatachus ruwasqanta.

Josué 9:10

Uyarillarqaykutaj imaynatachus Jordán mayu chimpapi amorreokunajpa iskaynin kuraj kamachejninkuta ruwasqanta, Jesbonmanta kuraj kamachej Sijonta, Basanmanta kuraj kamachej Ogtawan, pikunachus Astarotpi tiyakorqanku, chaykunata.

Josué 9:24

Paykunataj Josueman kuticherqanku: Noqayku chayta ruwarqayku qankuna wañuchinawaykuta manchachikuspa, imaraykuchus yachayku Tata Diosniykichej kamachin Moisesman kamachisqanta, kay cheqanejpi tiyakojkunata wañurachispa, qankunaman kay jallp'ata qosunaykichejta.

Isaías 23:5

Egiptomanta kajkuna Tiro llajta urmasqanta yachaspa, mayta llakikonqanku.

Josué 5:1

Chaypacha amorreokunaqa Jordanmanta inti yaykuynejpi tiyakusharqanku, cananeokunataj Jatun Mama Qocha qayllapi. Chantá chay llajtayojkunaj kuraj kamachejninkukuna uyarerqanku israelitakuna chimpanankupaj Tata Dios imaynatachus Jordán mayuta ch'akichisqanta. Chayrayku manchachikuywan llawch'iyaspa, israelitakunawan mana maqanakuyta munarqankuchu.

Josué 6:2

Tata Diostaj Josueta nerqa: Jericó llajtata, kuraj kamachejninta, chantá soldadonkunatawan ima, noqa makiykiman jaywayki.

Nehemías 6:16

Awqaykukuna, muyuyniykupi tukuy suyukunapis chayta yachaspa, mayta manchachikorqanku. Chay runaykachasqankupis k'umuykuchisqa karqa, imaraykuchus yacharqanku tukuy ruwasqaykupi Tata Dios yanapawasqaykuta.

Ester (hebreo) 8:17

Tukuy suyupi, tukuy llajtapi ima, maykunamanchus chay kamachisqata willachimorqanku, chaypi judiokunaqa kusiymanta sumaj mikhunata wayk'urikuspa kusikorqanku. Waj runakunapis chayta rikuytawanqa, judiokunaman tukorqanku, imaraykuchus judiokunata manchachikorqanku.