Josué 2:3 - DIOSPA QHELQACHISQ

³ Chantá Jericota kuraj kamachej Rajabman nichimorqa: Wasiykiman chayamojkunata orqhomuy, imaraykuchus chaykunaqa llajtanchejta qhawaj jamunku, nispa.

Qheshwa Biblia DC

³ Chaymanta reyqa kachaspa Rahabman nichimorqa: Orqhomuy qanta watukoj jamusunku chay runasta, paykuna wasiykipi kashanku, imaraykuchus chaykunaqa wateqajkuna kanku.

DIOSPA QHELQACHISQAN DEUTEROCANONICAL

³ Chantá Jericota kuraj kamachej Rajabman nichimorqa: Wasiykiman chayamojkunata orqhomuy, imaraykuchus chaykunaqa llajtanchejta qhawaj jamunku, nispa.

Josué 2:3 Referans Kwoze

2 Samuel 10:3

chay amonitakunaj kuraj kamachejninkoqa kuraj kamachejninku Janunta nerqanku: Qan kuraj kamachejníy, yuyankichu David chay runankunata kachamusqanta tataykej wañupusqanmanta qanta sonqochanasunpaj? Payqa kachamun sumajta kay llajtata qhawaranankupaj, wateqanankupajtaj, chantá jamuspa llajtanchejta jap'inankupaj, nispa.

Hechos 12:6

Herodes Pedrota juzgananpaj orqhochimunan kashajtin, chay tuta Pedro iskay soldadokuna chawpipi puñusharqa, iskay cadenawan watasqa. Waj soldadokunapis cárcel punkuta qhawasharqanku.

Hechos 12:4

Herodesqa Pedrota jap'ichispa, carcelman wisq'acherqa. Chaypitaj tawa t'aqa soldadokuna Pedrota qhawasharqanku. Sapa t'aqapi tawa soldadokuna karqanku. Herodesqa Pascua raymi pasayta Pedrota orqhomuyta munarqa runakunaj ñawpaqenman payta juzgaspa, wañuchichinanpaj.

San Juan 19:4

Chaymanta kamachej Pilato ujtawan llojsimuspa, tantasqa judiokunata nerqa: Kunan kay runata ujtawan jawaman pusamusaj. Chaywanpis sut'ita niykichej: Noqaqa kay runajta mana ima juchantapis tarinichu, nispa.

Job 21:30

Paykuna ninku: Maypachachus Dios phiñakuspa llakiykunata apachimun chaypachaqa, millayta ruwaspa purejta mana imapis pasanchu, nispa.

1 Crónicas 19:3

amonitakunaj kurajninkukuna Janunta nerqanku: Yuyankichu Davidqa runankunata kachamusqanta tataykej wañupusqanmanta sonqochanasunpaj? Astawanqa llajtanchejta qhawanankupaj kachamun, qhepanejman llajtanchejta jap'inankupaj, nispa.

Josué 10:23

Ajinata israelitakunaqa chay phishqa kuraj kamachejkunata chhanka jusk'umanta orqhomorqanku. Chay kuraj kamachejkuna karqanku Jerusalenmanta, Hebronmanta, Jarmutmanta, Laquismanta, chantá Eglonmanta ima.

Levítico 24:14

Pichus maldiciwajta jaramanta jawaman orqhoy. Chantá nisqanta uyarejkuna makinkuta paypa umanman churachunku. Chantataj tukuy runakuna rumiwan ch'anqaykuspa chay runata wañuchichunku.

Génesis 42:31

Noqaykutaj nerqayku allin runa kasqaykuta, nitaj ni jayk'aj wateqaspa purisqaykuta.

Génesis 38:24

Kinsa killaman jina Judaman willaj jamorqanku: Tamar ñojch'aykeqa purisqanpi piwanchá puñuykorqa. Chayrayku kunanqa wijsayoj kashan, nispa. Judataj nerqa: Jawaman orqhospa, ruphaykuchiychej, nispa.

Josué 2:2

Jinapis uj rikoj waj llajtayojkuna chayamusqankuta Jericó llajtata kuraj kamachejman willasqanku: Israelitakuna llajtanchejta wateqaj jamusqanku, nispa.

Josué 2:4

Warmitajrí chay iskay runakunata pakaykuspa, nerqa: Arí, iskay runakuna wasiyman chayamorqanku. Chaywanpis mana yacharqanichu maymantachus kasqankuta.

2 Samuel 17:20

Chantá Absalonpa runankuna chayaspa, chay warmita taporqanku: Maypitaj kashanku Ajimazwan, Jonatanwanri? nispa. Chay warmitaj kuticherqa: Kayninta mayunejman rerqanku, nispa. Chaypacha Absalonpa runankunaqa paykunata mask'amorqanku, mana tarispataj, Jerusalenman kutiporqanku.

Jueces 4:20

Chaypacha Sisaraqa Yaelta nerqa: Toldo punkupi tiyay. Pillapis jamuspa: Pi kaypi kashan? nispa tapojtenqa, qan ninki: Mana pipis kanchu, nispa.