Josué 12:1 - DIOSPA QHELQACHISQ

¹ Israelitakunaqa Jordán mayoj inti llojsimuynejpi kay kuraj kamachejkunata atiparqanku. Jap'isqanku jallp'ataj Arnón wayq'omantapacha Hermón orqokama karqa, chantá Jordán mayoj inti llojsimuynejpi vallenkunantin ima.

Qheshwa Biblia DC

¹ Kay reyesta israelitasqa atiparqanku Jordán mayoj chimpampi inti llojsimuynimpi. Chay qhechusqanku jallp'astaj karqa: Arnón mayumanta Hermón orqokama, Jordán mayoj inti llojsimuynin vallesnintin.

DIOSPA QHELQACHISQAN DEUTEROCANONICAL

¹ Israelitakunaqa Jordán mayoj inti llojsimuynejpi kay kuraj kamachejkunata atiparqanku. Jap'isqanku jallp'ataj Arnón wayq'omantapacha Hermón orqokama karqa, chantá Jordán mayoj inti llojsimuynejpi vallenkunantin ima.

Josué 12:1 Referans Kwoze

Jueces 11:18

Chantarí chay ch'inkunanejta purispa, Edompa jap'iyninta, jinataj Moabpa jap'iynintapis muyuykamusqanku. Chayamusqanku Moab inti llojsimuyninnejman, chaypitaj jarakusqanku Arnón mayu chimpapi. Manataj chimpasqankuchu Moabpa jap'iyninña kasqanrayku.

Josué 1:15

Ajinata Tata Dios paykunamanpis qankunaman jina tiyakunankupaj jallp'ata qonankama ruwankichej, imaynatachus qankunaman qosorqachej, ajinata. Ajinamanta paykunapis Tata Diosniykichej jallp'a qosqanmanta dueño kanqanku. Chaymantataj Tata Diospa kamachin Moisés Jordán mayumanta inti llojsimuynejpi jallp'ata qorqasunkichej, chayman kutimpuyta atinkichej, jap'isqaykichej jallp'api tiyakunaykichejpaj, nispa.

Números 21:24

Israelitakunatajrí Sijonta atipaykuspa, tukuy jap'iyninta jap'erqanku. Arnón mayumantapacha Jaboc mayukama, jinataj Amón suyoj jap'iyninkama jap'erqanku. Amón suyoj jap'iyninrí soldadokunawan allin jark'asqa karqa.

Números 21:13

Chaymanta rispataj, Arnón mayu chimpapi jarakorqanku. Chay mayoqa ch'innejpi kashan, amorreokunaj jap'iyninkumantapacha jamushan. Chay mayu Moab suyuta, chantá amorreokunaj suyunkutawan t'aqashan.

Isaías 16:2

Moabpi warmikunaqa Arnón wayq'o kantupi mana thapayoj p'isqokuna jina saqerparisqa kashanku.

Salmos 133:3

Chay jina kawsakoyqa, imaynatachus Hermón orqoman chhullajtin, Sión orqokama chayan, ajina. Tata Diosqa k'achata kawsakojkunata saminchan, wiñay kawsaytataj qon.

Josué 22:4

Tata Diospis imatachus nisqanta junt'arqa, wawqeykichejkunataj sumaj kawsaypiña kashanku. Chayrayku kunanqa jap'isqaykichej jallp'aman kutipuychej, Jordán mayu chimpapi Tata Diospa kamachin Moisés qosorqachej, chayman.

Josué 11:17

Josué atipaspa jap'isqanqa Jalac orqomantapacha Seirkama, chantá Hermón orqo k'uchupi Líbano pampapi Baal Gadkama karqa. Josueqa chay llajtakunamanta kuraj kamachejkunata jap'ispa, wañuracherqa.

Josué 11:3

Willachillarqataj inti llojsimuynejpi tiyaj cananeokunaman, inti yaykuynejpi kajkunaman, amorreokunaman, heteokunaman, ferezeokunaman, orqo kinraykunapi tiyakoj jebuseokunaman, Mispá jap'iypi Hermón orqo k'uchupi tiyakoj heveokunaman ima tantakuspa, uj tratota ruwanankupaj.

Deuteronomio 4:48

Chay kamachejkunaj jap'iyninkoqa Arnón mayu kantupi Aroermanta, Sión orqokama karqa. Chay orqojta ujnin sutinrí, Hermón karqa.

Deuteronomio 2:24

Chantá Tata Dios nillawarqataj: Kunan puririspa, Arnón mayuta chimpaychej. Noqataj amorreo llajtayoj Jesbonpi kuraj kamachej Sijonta, chantá tukuy suyuntawan ima makiykichejman jaywaykusaj. Qankuna suyunta jap'ej yaykuspa, paykunawan maqanakuychej.

Números 32:19

Jordán mayu chimpapi paykunawan jallp'ata manaña jap'isqaykuchu, nitaj aswan jaqaypipis, imaraykuchus Jordán mayu inti llojsimuynejpi jallp'ayojña kasqayku, nispa.

Números 32:33

Ajinata Moisesqa Gad jatun aylluman, Rubén jatun aylluman, chantá Manasés khuskan jatun aylluman ima jallp'ata qorqa. Chay jallp'aqa amorreokunaj kuraj kamachejninku Sijonpata, chantá Basanmanta kuraj kamachej Ogpatawan karqa. Chayta paykunaqa tukuy llajtankunantinta, chantá muyuyninpi kaj jallp'antinta jap'erqanku.

Josué 13:8

Rubén jatun aylluwan, Gad jatun aylluwan, chantá Manasés khuskan jatun aylluwanqa Jordán mayu chimpapi, inti llojsimuynejpi, jallp'ata jap'isqankuña, imaraykuchus Moisés paykunaman chayaqenkupaj rikuchipusqaña.

Salmos 89:12

12 (13) Qanqa wichaynejta, uraynejtapis ruwarqanki. Chantá Tabor orqowan, Hermón orqowanpis kusisqa sutiykita jatunchanku.

Salmos 136:21

Chay kuraj kamachejkunaj jallp'ankuta israelitakunaman rak'irajman pachis niychej, imaraykuchus munakuynenqa wiñay wiñaypajmin.

Números 21:21

Chantá israelitakunaqa amorreokunata kuraj kamachej Sijonman kachakunata kacharqanku, ajinata ninankupaj:

Números 32:32

Diosta kasuspa, armayku jap'irisqa Canaán suyuman yaykusqayku. Jinapis Jordán mayu inti llojsimuynejpi jallp'aqa noqaykojta kanqa, nispa.

Deuteronomio 2:32

Chantá kuraj kamachej Sijonqa tukuy soldadonkunawan ima Yahás llajtapi noqanchejwan maqanakoj llojsimorqa.

Deuteronomio 3:1

Chaymanta llojsispa, Basanman rej ñanta jap'irerqanchej. Chantá Basanta kuraj kamachej Ogñataj tukuy soldadonkunawan ima Edreypi maqanakoj llojsimuwarqanchej.

Deuteronomio 4:44

Moisés kay kamachisqakunata israelitakunaman rejsicherqa.

Deuteronomio 4:46

Chayqa Jordán mayoj inti llojsimuynej, Bet Pegorpa chimpanpi kasharqanku, chaypacha karqa. Chay jallp'aqa amorreokunaj kuraj kamachejninku Sijonpata karqa, paytaj Jesbón llajtapi tiyakorqa. Egiptomanta llojsimuspa, Moiseswan, israelitakunawan ima payta atiparqanku.

1 Reyes 4:19

Urij churin Gueberqa Galaad jap'iypi churasqa karqa, mayqenchus karqa amorreokunaj kuraj kamachejninku Sijonpa suyun, jinataj Basanmanta kuraj kamachej Ogpa suyunwan, chaypi. Jinallataj tukuy Israel suyupi uj kamachej jilaqata kallarqataj.