Josué 10:8 - DIOSPA QHELQACHISQ

⁸ Tata Diostaj Josueta nerqa: Ama manchachikuychu, noqa paykunata atipaykuchisqaykichej, nitaj mayqenninkupis qanman sayaykuyta atenqankuchu, nispa.

Qheshwa Biblia DC

⁸ Señortaj Josueman nerqa: Ama paykunamantaqa manchachikuychu, noqa makisniykiman jaywasqayki, ni mayqenninku ñaupaqeykipi sayayta atenqankuchu.

DIOSPA QHELQACHISQAN DEUTEROCANONICAL

⁸ Tata Diostaj Josueta nerqa: Ama manchachikuychu, noqa paykunata atipaykuchisqaykichej, nitaj mayqenninkupis qanman sayaykuyta atenqankuchu, nispa.

Josué 10:8 Referans Kwoze

Romanos 8:31

Astawan ima nisunmantajri? Sichus Dios noqanchejman kutisqa kashan chayqa, mana pipis contranchejpi sayaykuyta atiwasunmanchu.

Deuteronomio 3:2

Tata Diostaj niwarqa: Ama paymanta manchachikuychu, imaraykuchus noqa payta, tukuy soldadonkunantinta, jallp'anta ima makiykichejman jaywaykusaj. Paytapis Jesbonmanta amorreokunaj kamachejninku Sijonta imaynatachus ruwarqanki, ajinallatataj ruwanki, nispa.

Josué 11:6

Tata Diostaj Josueta nerqa: Ama paykunata manchachikuychu. Noqaqa q'aya kunanta jina tukuyninkuta wañusqata qankunaman jaywaykusqaykichej. Qantaj caballonkunaj chaki ankunkuta khuchuspa p'itiranki, carretankutataj ninawan kanaykunki, nispa.

Josué 8:1

Chaymanta Tata Diosqa Josueta nerqa: Ama manchachikuychu, nitaj q'ewakuychu. Manachayqa tukuy soldadoykikunata pusariykukuspa, Hai llajtayojkunawan maqanakoj puririy, imaraykuchus noqa Hai llajtaj kuraj kamachejninta, runantintawan atipanaykipaj yanapasqayki. Chantá jallp'ankuta, llajtankuta ima jap'ikapunkichej.

Deuteronomio 7:24

Kuraj kamachejninkutapis Tata Diosqa makillaykichejmantaj churasonqachej. Paykunamanta yuyarikunatapis kay pachamanta chinkachinkichej. Paykunata tukuchinaykichejkama, mana pipis qankunaman sayaykuyta atisonqachejchu.

Josué 10:9

Chantá Josueqa Gilgalmanta tukuy tutantin rispa, amorreokuna mana yuyashajtillanku paykunawan maqanakoj yaykorqa.

Josué 10:25

Chantá Josué nillarqataj: Ama manchariychejchu, nitaj llawch'iyaychejchu, astawanqa kallpachakuychej, waputaj kaychej, imaraykuchus Tata Diosqa ajinatapuni ruwanqa qankunawan maqanakoj tukuy awqaykichejta, nispa.

Jueces 7:9

Chay ch'isipacha Tata Diosqa Gedeonta kamacherqa: Sayarispa, madianitakunawan maqanakoj urayk'uy. Noqamin yanapasqayki paykunata atipanaykipaj.

Jueces 6:16

Chantá Tata Dios kuticherqa: Atinkipuni, imaraykuchus noqa qanwan kasaj. Madianitakunataqa uj sapan runallapis kanman jina atipanki, nispa.

1 Samuel 17:47

Kaypi tukuy tantasqa runakunapis yachallanqankutaj Tata Diosqa mana espadawanchu, nitaj lanzawanchu atipachisqanta. Kay maqanakoyqa Tata Diospatamin, paytaj qankunata atipaykuyta yanapawasqayku, nispa.

1 Reyes 20:13

Chaypachallataj Israelmanta kuraj kamachej Ajabman Diosmanta uj sut'inchaj jamuspa, nerqa: Tata Dios ajinata nin: Rikunkichu chay chhika runakunata? Kunanqa noqa maqanakupi atipachisqayki, yachankitaj noqa Tata Dios kasqayta, nispa.