Josué 10:10 - DIOSPA QHELQACHISQ

¹⁰ Tata Diostaj amorreokunata maytapuni musphacherqa, Israel soldadokunata rikusqankurayku. Ajinata Josueqa soldadonkunawan khuska Gabaonpi ashkha amorreo soldadokunata wañucherqanku. Chaymantaqa Bet Joronman wicharej ñannejta paykunata qhatiykorqanku, chantá Azecakama, Macedakama ima amorreokunata wañuchispa rillarqankupuni.

Qheshwa Biblia DC

¹⁰ Señortaj amorreostaqa maytapuni manchariykucherqa israelitaspa ñaupaqempi. Ajinamanta Josueqa ashkha runasta Gabaompi wañuracherqa. Chaymantaqa qhatiykorqa Bet-horonman wicharej ñannejta, chaymanta rillarqapuni amorreosta wañuchispa Azecakama, Macedakama ima.

DIOSPA QHELQACHISQAN DEUTEROCANONICAL

¹⁰ Tata Diostaj amorreokunata maytapuni musphacherqa, Israel soldadokunata rikusqankurayku. Ajinata Josueqa soldadonkunawan khuska Gabaonpi ashkha amorreo soldadokunata wañucherqanku. Chaymantaqa Bet Joronman wicharej ñannejta paykunata qhatiykorqanku, chantá Azecakama, Macedakama ima amorreokunata wañuchispa rillarqankupuni.

Josué 10:10 Referans Kwoze

Salmos 18:14

14 (15) Payqa lliuj lliujninkunata flechata jina kachaykorqa, awqaykunatataj tukuynejman ch'eqeracherqa.

Josué 16:5

Efraín jatun ayllu mashkhachus kasqankuman jina jap'isqankoj jallp'aj mojonnenqa kay jina karqa: Inti llojsimuynejmanta Atarot Adarmanta pata kaj Bet Joronkama karqa.

Josué 16:3

Chaymantataj inti yaykuynejman, jafletitakunaj jallp'ankunanejta, uranejpi Bet Joronkama rerqa. Chaymantataj mojonqa Guezerkama, Jatun Mama Qochapi tukukunankama rerqa.

Isaías 28:21

Tata Dios jamonqa, imaynatachus Perasín orqopi filisteokunaj contranta jamorqa, ajinata. Imaynatatajchus Gabaón vallepi amorreokunapaj phiñakorqa, ajinallataj mayta phiñakonqa. Imatachus kunankama mana ruwasqanta, chay t'ukuna ruwanata ruwananpaj jamonqa.

Jueces 4:15

Maqanakuman yaykojtinkukamataj, Tata Diosqa pawiracherqa Sísaraj soldadonkunata, jinallataj carretakunapi kajkunatapis. Sisarapis carretanmanta urayk'uspa, chakipi ayqekorqa.

Josué 15:35

Jarmut, Adulán, Soco, Azeca,

Josué 10:11

Chantá amorreokuna Bet Jorón urayta israelitakunamanta ayqekushajtinku, Tata Diosqa paykunaj patankuman runtu chhikachajta chijchi parata parachimorqa. Chay chijchi para amorreokunata astawan ashkhata wañucherqa, israelitakuna espadawan wañuchisqankumanta nisqaqa.

Jeremías 34:7

Chaykamataj Babiloniata kuraj kamachejpa soldadonkuna Jerusalenpa contranta maqanakusharqanku, jinallataj Laquis llajtaj contranta, Azeca llajtaj contranta ima. Chaykunalla Judamanta jark'achasqa llajtakunamanta qhepakojkuna kasharqanku.

Salmos 78:55

Diosqa chaypi tiyakoj runakunata israelitakunaj ñawpaqenkumanta wijch'orqa, chay jallp'atataj Israelpa ayllunkunaman chayaqeta jina rak'irarqa. Chantá paykunata toldonkupi tiyaracherqa.

Salmos 44:3

3 (4) Tataykukunaqa manamin kallpankuwanchu jallp'ata jap'ikaporqanku, nitaj espadankuwanchu chaypi tiyakojkunata atiparqanku. Manachayqa atiyniyki, kallpayki, paykunawan kasqaykej k'anchaynin ima paykunata atipayta yanaparqa, qan paykunata munakusqaykirayku.

2 Crónicas 14:12

12 (11) Chaypacha Tata Diosqa Etiopiamanta soldadokunata atipacherqa Asawan, Judamanta soldadonkunawan ima jinapitaj Etiopiamanta soldadokuna ayqerikaporqanku.

1 Samuel 13:18

Ujnin tropataj Bet Jorón chaynejman rerqa, kinsa kaj tropataj Zeboyin valle qhawarisqa orqoman rerqa. Chayqa ch'in pampa qayllapi kashan.

Josué 21:22

Quibsayinta, chantá Bet Joronta ima qollarqankutaj. Chay tawa llajtakunata uywa michinantinta ima qorqanku.

Josué 15:41

Gederot, Bet Dagón, Noamá, Maceda ima. Tukuyninpi chunka sojtayoj llajtakuna, chantá tukuy juch'uy llajtakunantin ima karqanku.

Josué 12:16

Macedamanta, Betelmanta,

Josué 11:8

Tata Diostaj paykunata israelitakunawan atipaykucherqa, israelitakunataj paykunata wañuracherqanku. Wakinkunata Sidón jatun llajtakama qhatiykorqanku, chaymantataj Misrefot Mayinkama, inti llojsimuynejpi Mispá pampakama ima tukuyninkuta tukuchinankukama wañucherqanku.

Josué 10:28

Chay kikin p'unchayllataj Josueqa Maceda llajtata jap'ispa, chay llajtayojkunata, chantá kuraj kamachejnintapis espadawan wañuracherqa. Ajinata mana uj puchuyojta wañurachispa, ch'inpachata chay llajtata saqerparerqa. Maceda llajtaj kuraj kamachejninta ruwarqa, imaynatachus Jericó llajtaj kuraj kamachejninta ruwarqa, kikillantataj.

Deuteronomio 7:23

Jinapis Tata Diosniykichejqa chay suyukunata makiykichejman jaywasonqachej. Paykunata sinch'ita ñak'arichispa, tukuchenqa.

Josué 10:9

Chantá Josueqa Gilgalmanta tukuy tutantin rispa, amorreokuna mana yuyashajtillanku paykunawan maqanakoj yaykorqa.

1 Samuel 17:1

Chaypacha filisteokunaqa israelitakunawan maqanakunankupaj soldadonkukunata tantarqanku. Soco llajta chaynejpi tantakuspa, Judá jatun aylloj jap'iyninpi, Efesdamín cheqanejpi jarakorqanku. Chayqa Socowan, Azecawan tinkuypi kashan.

2 Samuel 22:15

Flechankunata, lliuj lliujninkunatawan kachaykorqa, awqaykunatataj tukuynejman ch'eqeracherqa.

1 Reyes 9:17

Chayrayku Salomonqa Guézer llajtata, ura kaj Bet Jorón llajtatawan watejmanta oqharicherqa.

Salmos 68:14

14 (15) Maypachachus Tukuy Atiyniyoj Dios kuraj kamachejkunata ayqechisharqa chaypacha, Salmón orqo pataman rit'isharqa.

Jueces 4:16

Baractajrí Sísaraj carretankunata, soldadonkunatawan qhatiykorqa Jaroset Goyinkama. Chay p'unchaypi Sísaraj soldadonkumanta ni uj kawsasaj puchorqachu.

Jueces 5:20

Janajmantapacha ch'askakunapis Sísaraj contranpi maqanakorqanku.

2 Crónicas 25:13

Chaykama, Amasiaspa kachapusqan Efrainmanta soldadokunaqa wasinkuman ripoj jina Judá suyupi llajtakunaman, Samariamanta Bet Joronkama yaykuykorqanku. Paykunataj 3.000 runakunata wañucherqanku, may chhika imankutataj suwaspa, apakaporqanku.

Isaías 30:30

Chaypacha Tata Dios jatunmanta parlasqanta uyarichenqa. Atiyniyoj makinwan k'araj phiñakuyninta rikuchenqa manchayta q'olarparej ninawan, chantá llojlla parawan, manchay muyoj wayrawan, jatuchaj rumi jina chijchi parawan ima. Ajinamanta pay atiyninta rikuchenqa.

Zacarías 14:3

Chantá Tata Dios llojsispa, chay suyukunaj contrankupi maqanakonqa, imaynatachus soldadokuna maqanakunku, ajinata.