Jonás 4:3 - DIOSPA QHELQACHISQ

³ Chayrayku kunanqa, Tata Dios, mañakuyki wañuchinawaykita. Astawan allin kanman wañupunay kawsanaymantaqa, nispa.

Qheshwa Biblia DC

³ Chayrayku kunanqa, Señor, mañakuyki, wañuchinawaykita, allin kanman wañupunay kausanaymantaqa.

DIOSPA QHELQACHISQAN DEUTEROCANONICAL

³ Chayrayku kunanqa, Tata Dios, mañakuyki wañuchinawaykita. Astawan allin kanman wañupunay kawsanaymantaqa, nispa.

Jonás 4:3 Referans Kwoze

1 Reyes 19:4

Chantá ch'innejman ripuspa, uj p'unchay puriyta jina rerqa. Chaypitaj retama sach'a uraman tiyaykukuytawan, wañupuyta munaspa, nerqa: Kaykamalla kachun, Tata Dios, pusakapullawayña. Noqaqa mana ñawpa tataykunamanta aswan allinchu kani, nispa.

Eclesiastés 7:1

Sumaj runapaj rejsisqa kayqa astawan allin sumaj q'apashaj jawinamanta nisqaqa. Wañupuna p'unchay astawan allin paqarina p'unchaymanta nisqaqa.

Números 11:15

Sichus qan ajinallatapuni ruwawanki chayqa, aswan walej kanman khuyakuwaspa, wañuchinawayki. Jinatachus ruwawaj chayqa, manaña llakiyta rikuymanchu, nispa. Ajinata Moisesqa Tata Diosta nerqa.

Jonás 4:8

Inti llojsimuytataj Tata Dios sinch'i q'oñi wayrata inti llojsimuynejmanta wayrachimorqa. Jinapi intej ruphaynin Jonaspa umanta sinch'ita k'ajaykorqa, chayraykutaj Jonaspa yuyaynin chinkanayarqa. Paytaj wañuyta munaspa, nerqa: Astawan allin kanman wañupunay, kawsanaymanta nisqaqa, nispa.

Números 20:3

Chantá Moisespaj rimaspa, nerqanku: Wakin israelitakuna masiyku wañushajtinku, noqaykupis paykunawan khuska wañunayku allin kanman karqa.

1 Corintios 9:15

Noqarí kawsanaypaj qonawaykichejta mana jayk'ajpis mañakorqaykichejchu. Kunanpis manallataj kawsanaypaj qonawaykichejraykuchu kay jinata qhelqamushaykichej. Noqaqa aswanpis wañupuyta munayman, mana pagachikuspalla willasqaymanta jatunchakunayta manaraj pipis qhechushawajtin.

Jeremías 8:3

Chantá chay millay runakunata wañuchisqaymanta kawsashaj qhepakojkunata ch'eqerachisaj, paykunataj wañuytaraj astawan munanqanku chay cheqakunapi kawsanankumanta nisqaqa. Noqa Tukuy Atiyniyoj Tata Diosmin chayta nini.

Jonás 4:4

Tata Diostajrí kuticherqa: Ajinata phiñakuspa, yuyankichu allinta ruwashasqaykita? nispa.

Eclesiastés 7:9

Ama imamantapis usqhayllata phiñakuychu, imaraykuchus phiñakoyqa wampu runakunallapaj allin.