Jonás 1:9 - DIOSPA QHELQACHISQ

⁹ Jonastaj kuticherqa: Hebreo kani, noqataj Tata Diosta yupaychani, janaj pachapi kaj Diosta. Paymin mama qochata, kay pachatapis ruwarqa, nispa.

Qheshwa Biblia DC

⁹ Jonastaj kutichikusqa: Hebreo kani, Señorta, janaj pacha Diosta yupaychani, mar qochata, kay jallp'atapis ruwajta.

DIOSPA QHELQACHISQAN DEUTEROCANONICAL

⁹ Jonastaj kuticherqa: Hebreo kani, noqataj Tata Diosta yupaychani, janaj pachapi kaj Diosta. Paymin mama qochata, kay pachatapis ruwarqa, nispa.

Jonás 1:9 Referans Kwoze

Nehemías 9:6

Qanllamin uj k'ata Tata Dios kanki. Qan ruwarqanki janajta, janajmanta aswan patapi kajtapis, chaypi tukuy kaj ch'askakunatapis. Ruwallarqankitaj kay pachata, chaypi tukuy ima kajtapis, mama qochatapis, chaypi tukuy ima kajtapis. Qanqa tukuy imaman kawsayta qonki. Chayraykumá janajpi tukuy ch'askakunapis yupaychasunku.

Salmos 136:26

Janaj pachapi kaj Diosman pachis niychej, imaraykuchus munakuynenqa wiñay wiñaypajmin.

Nehemías 1:4

Chayta willawajtinkukama, noqa tiyaykukuspa, mayta waqarikorqani. Uj mashkha p'unchayta ajina sinch'i llakisqa karqani, ayunaspataj, janaj pachapi kaj Diosmanta mañakorqani.

Esdras 1:2

Persiamanta kuraj kamachej Ciroqa kay jinata nin: Janaj pachapi kaj Tata Diosqa tukuy kay pachapi suyukunata makiyman churan, kamachiwantaj Judapi kaj Jerusalén llajtapi paypaj uj Templota ruwapunayta.

2 Reyes 17:28

Jinapi Samariamanta apasqanku, chaykunamanta ujnin kaj sacerdote jamuspa, Betelpi tiyakorqa. Paytaj Tata Diosta imaynatachus yupaychanankuta yachacherqa.

2 Reyes 17:25

Paykuna chaypi tiyakuyta qallarispa, Tata Diosta mana yupaychajchu kanku. Chayrayku Tata Diosqa paykunaj contrankupi leonkunata kachaykorqa. Chay leonkunataj paykunamanta wakinta wañuracherqanku.

Génesis 14:13

Chantá uj runa maqanakumanta ayqemuspa, imachus pasasqanta hebreo nisqa Abramman willarqa. Chaypacha Abramqa Mamrej encina sach'arara qayllanpi tiyakusharqa. Mamreqa amorreo llajtayoj karqa, jinataj Escolpata, Anerpatawan wawqenku, paykunataj Abramman sayasqa karqanku.

Apocalipsis 16:11

Paykunarí ni chaywanpis millayta ruwanata saqespa Diosman kutirikorqankuchu. Aswanpis nanaywan ñak'arisqankurayku, chantá ukhunkupi lleqhe jatarisqanrayku janaj pachapi kaj Diospa contranta millayta rimarqanku.

Apocalipsis 15:4

Tukuyta Kamachej Dios, pitaj mana qanta manchachikusunkimanchuri? Pitaj sutiykita mana jatunchanmanchuri? Qanllamin may llimphu kanki. Tukuy runakuna ñawpaqeykiman jamuspa yupaychasonqanku, imaraykuchus justiciata ruwasqaykeqa sut'inchasqaña, nispa.

Apocalipsis 11:13

Chantá chay kikinpacha manchay jallp'a ikhakuy kanqa, Jerusalén llajta chunkaman t'aqasqamanta ujnin kaj t'aqataj thuñiykukonqa. Jallp'a ikhakusqanraykutaj 7.000 runakuna wañuranqanku, kawsashaj qhepakojkunataj mancharikuspa, janaj pachapi kaj Diosta jatunchanqanku.

Filipenses 3:5

Noqaqa paqarisqaymanta pusaj p'unchayninman circuncidasqa karqani. Jinallataj israelita kani Benjamín jatun ayllumanta. Ñawpa tataykunapuni hebreokuna karqanku. Diospa kamachisqanta junt'anamanta parlaspataj, fariseo karqani.

Hechos 27:23

Chayta niykichej, imaraykuchus kunan ch'isi Diospa angelnin rikhuriwarqa. Noqaqa chay Diospata kani, jinataj paypa munasqantapuni ruwaspa kashani.

Hechos 14:15

Runa masikuna, imaraykutaj kayta ruwashankichejri? Noqayku runalla kayku, qankuna jina. Aswanpis qankunaman willaj jamuyku, kay qhasi manakaj imakunata saqespa, kawsashaj Diosman kutirikunaykichejpaj. Paymin janajta, kay pachata, mama qochata ima ruwarqa, chaykunapi tukuy ima kajkunatapis.

Oseas 3:5

Chaymanta qhepamanrí israelitakuna kutimuspa, Tata Diosninkuta mask'anqanku, jinallataj kuraj kamachej Davidpa kamachiyninpi kawsanqanku. Qhepa p'unchaykunapitaj tukuy sonqo Tata Diosta may jatunpaj qhawaspa, t'ukurenqanku pay may k'acha kasqanrayku.

Daniel (hebreo) 2:44

Chay kuraj kamachejkuna kamachishajtinku, janaj pachapi kaj Tata Dios mana jayk'aj chinkachisqa kanan kamachiyninta sayarichenqa, manataj mayqen suyupis payta atipanqachu. Astawanpis payqa tukuynin waj suyukunata tukuchenqa, paypa suyuntaj wiñaypaj sayanqa.

Job 1:9

Ch'ataykoj angeltajrí Tata Diosman kuticherqa: Jobqa mana qhasichu qanta may jatun respetowan qhawasunki.

Nehemías 2:4

Chantá kuraj kamachejqa tapuwarqa: Imatataj qanpaj ruwapunayta munanki? nispa. Chaypacha janaj pachapi kaj Diosmanta mañarikuytawan,

Esdras 5:11

Paykunatajrí niwarqayku: Noqaykoqa janaj pachapi jinallataj kay pachapipis kashan, chay Diospa kamachinkuna kayku. Watejmanta kay Templota ruwashayku, mayqentachus Israelpa ujnin kuraj kamachejnin ruwachisqa tukuchinankama, chayta.

Génesis 39:14

wasinpi kaj kamachinkunata wajyaspa, nerqa: Rikunkichejchu, qosayqa kay hebreo runata pusamun noqanchejmanta alqochakunawanchejpaj. Wasipi kashajtiy, noqawan puñuykuyta munaspa yaykuykamorqa, noqatajrí jatunmanta qhaparikorqani.

Éxodo 1:15

Chay jawa Egiptota kuraj kamachejqa israelitakunaj parteranku Sifrata, chantá Fuata ima nerqa:

Éxodo 2:13

Q'ayantin ujtawan rispa, Moisés iskay israelitakunatañataj maqanakushajta rikorqa. Chantá llajta masinta maqashajta nerqa: Imaraykutaj llajta masillaykitataj chay jinata maqashankiri? nispa.

Génesis 1:10

Chantá Diosqa ch'aki kajta suticharqa: “Jallp'a”, nispa. Yaku uj cheqallapi tantakojtataj suticharqa: “Mama qocha”, nispa. Chayta Diosqa sumaj kasqanta qhawarqa.

Génesis 24:7

Janaj pachapi kaj Tata Dios llajtaymanta, tataypa wasinmanta ima orqhomuwaspa, tiluwarqa: Kay jallp'ata mirayniykiman qosaj, nispa. Chayrayku paymin angelninta ñawpaqeykita kachanqa, churiypaj warmita pusamuyta yanapasunanpaj.