Joel 3:8 - DIOSPA QHELQACHISQ

⁸ 8 (4.8) Churiykichejkunata, ususiykichejkunata ima Judapi tiyakojkunaman vendesaj, paykuna Sabá llajtayojkunamanñataj vendenankupaj, chay karu llajtayojkunaman. Noqa Tata Diosmin chayta nini.

Qheshwa Biblia DC

⁸ Qhari wawasniykichejta, warmi wawasniykichejtataj judiosman vendesaj, paykunataj sabeo sutiyoj llajtayojkunaman vendenankupaj, chay karu llajtayoj runasman. Noqa Señormin kaytaqa nini.

DIOSPA QHELQACHISQAN DEUTEROCANONICAL

⁸ 8 (4.8) Churiykichejkunata, ususiykichejkunata ima Judapi tiyakojkunaman vendesaj, paykuna Sabá llajtayojkunamanñataj vendenankupaj, chay karu llajtayojkunaman. Noqa Tata Diosmin chayta nini.

Joel 3:8 Referans Kwoze

Isaías 60:14

Chaypachallataj ñak'arichisojkunaj wawankoqa ñawpaqeykipi k'umuykonqanku, pisipaj qhawasojkunapis chakiykiman k'umuykamullanqankutaj. Paykuna sutichasonqanku “Tata Diospa Llajtan”, “Israelpa May Llimphu Kaj Diosninpa Sión Llajtan”, nispa.

Job 1:15

Jinallaman Sabamanta runakuna chayaykamuspa, uywakunata apakaporqanku, michejkunatataj wañuracherqanku. Noqalla qanman willasunaypaj ayqemuni, nispa.

Jueces 2:14

Chayrayku Tata Diosqa israelitakunaj contrankuta sinch'ita phiñakuspa, tukuy kapuyninkuta suwakunawan qhechucherqa. Jinaspataj, chay muyuyninkumanta kaj awqankunawan paykunata atipaykucherqa, nitaj paykuna kutichikuyta aterqankuchu.

Ezequiel 23:42

Chaymantataj ashkha runakunaj kusikuywan ch'ajwarisqanku uyarikorqa. Chay runakunataj ch'innejmanta chayamuspa, chay warmikunata k'achancharqanku, makinkuman brazaletekunata churaspa, umankumantaj k'acha pillukunata churaspa.

Jeremías 6:20

Imapajtaj qankuna Sabamanta inciensota apamuwankichejri? Imapajtaj karu llajtamanta sumajta q'apaj qhorakunatapis apamullawankichejtajri? Uywa ñak'asqa q'olachisqata jaywawasqaykichejqa mana jap'ikunaypaj jinachu, nillataj waj jaywasqaykichejpis kusichiwanchu, nispa.

Jueces 4:9

Deborataj nerqa: Qanwan risaj. Chaywanpis kay maqanakupi mana qanchu jatunchasqa kanki, imaraykuchus Tata Diosqa uj warminejta Sisarata wañuchenqa, nispa. Jinataj Deboraqa Baracwan khuska Cedesman rerqa.

Jueces 4:2

Chantá Tata Diosqa Canaanta kuraj kamachej Jabinmanñataj israelitakunata jaywaykorqa. Payqa Jazor llajtapi kamacherqa. Soldadonkunata kamachejtaj Sísara sutiyoj karqa. Payqa Jaroset Goyinpi tiyakorqa.

Deuteronomio 32:30

Imaynamantataj uj runalla waranqa runakunata qhatiykuyta atinmanri? Imaynatataj iskay runalla chunka waranqa runakunata ayqechiyta atinkumanri? Ajina kanqa paykunata jark'akoj Tata Diosninku awqankuman jaywaykunanta nisqanrayku.

Salmos 72:10

Tarsismanta kuraj kamachejkuna, mama qocha kantupi kuraj kamachejkuna ima impuestota pagachunku. Sabamanta, Sebamanta kuraj kamachejkunapis sumaj imakunata apamuspa, kuraj kamachejman waqerichunku.

Jeremías 30:16

Chaywanpis tukuy qankunata oqoykusojkunaqa oqoykusqallataj kanqanku. Qankunata ch'uskisojkunaqa ch'uskisqallataj kanqanku. Tukuy awqaykichejkunataj waj suyuman apasqa kanqanku. Qankunamanta suwajkunapis suwachikullanqankutaj.

Ezequiel 38:13

Jinapi Sabá llajtayojkuna, chantá Dedanmanta kajkunapis, jinallataj Tarsis llajtayoj ranqherokuna, chantá tukuy ranchonkunantin tapurisonqanku: Suwajchu jamorqanki? Qolqe metalta, qorita, chantapis uywakunata, waj kapuykunantawan apakapunaykipajchu soldadoykikunata tantaykorqanki? nispa.