Joel 2:30 - DIOSPA QHELQACHISQ

³⁰ 30 (3.3) Janajpi t'ukunata ruwasaj, kay pachapitaj yawarta, ninata, phuyu jina q'oshñitawan rikuchisaj.

Qheshwa Biblia DC

³⁰ Janaj pachapi jatuchej t'ukunasta rikhuchisaj. Jallp'apitaj rikhuchisaj yawarta, ninata, q'osñi jina phuyustawan.

DIOSPA QHELQACHISQAN DEUTEROCANONICAL

³⁰ 30 (3.3) Janajpi t'ukunata ruwasaj, kay pachapitaj yawarta, ninata, phuyu jina q'oshñitawan rikuchisaj.

Joel 2:30 Referans Kwoze

San Lucas 21:11

Sinch'i jallp'a ikhakuykuna kallanqataj, yarqhaykuna, tukuynejpi wañuchej onqoykuna ima. Manchachikunapaj jina imakuna kanqa, janajpipis runaj mana jayk'aj rikusqan t'ukuna imakuna kallanqankutaj.

San Mateo 24:29

Jesús yachachillarqataj: Ñak'ariy p'unchaykunaj qhepanta, inti laqhayaykaponqa. Killapis manaña k'anchanqachu, ch'askakunapis urmaranqanku. Jinallataj janaj pacha atiykunapis kharkatitenqanku.

Jueces 20:40

Jinallapi Benjaminmanta soldadokunaqa qhepata qhawarispa, rikorqanku nina lawrayta, q'oshñitawan llajtankumanta janajman oqharikushajta.

Apocalipsis 18:9

Kay pachapi kuraj kamachejkuna chay phisu warmiwan khuchichakorqanku, paywantaj chhika patapi kawsaspa, millayta kawsanaman qokorqanku. Chayrayku paykuna ruphaykusqan q'oshñisqanta rikuspa, llakisqa qhaparenqanku, maytataj waqanqanku.

Génesis 19:28

Chaynejmantataj Sodomata, Gomorrata, chantá tukuynin valleta ima qhawarispa, rikorqa uj hornomanta jina pampamanta manchayta q'oshñishajta.

Apocalipsis 18:18

Chantá llajtaj ruphaykusqan q'oshñita rikuspa, qhaparerqanku: Ni mayqen llajta kay jatun llajta jinaqa karqachu, nispa.

TAKIYKUNA 3:6

Imataj jaqayri, ch'innejmanta q'oshñi jina rikhurimushan chayri? Imataj mirrawan, inciensowan, tukuy ima sumaj q'apaykunawan q'aparishaj jamushanri?

Jueces 20:38

Llajta qayllapi pakasqa israelita soldadokunawan, ayqesharqanku, chay israelita soldadokunawan kay jinata yachachinaykukusqanku: Maypachachus llajtamanta ashkha nina q'oshñita rikunkichej chaypacha, yachankichej llajtata jap'isqaykutaña, nispa.

Josué 8:20

Chantá Haimanta runakuna qhepankuta qhawarikuspa, llajtamanta q'oshñi manchayta pataman wicharishajta rikorqanku. Manaña ni mayman ayqeyta aterqankuchu, imaraykuchus ñawpaqenkuta ch'innejman ayqeshaj israelitakunaqa paykunawan maqanakoj ujllata tijrakamorqanku.

Apocalipsis 8:7

Maypachachus ñawpaj kaj ángel trompetata waqacherqa chaypacha, chijchi para, ninawan, yawarwan ima chajrusqa kay pachaman urmamorqa. Chayrayku kay pacha kinsa t'aqasqamanta ujnin kaj t'aqa ruphaykorqa, jinallataj sach'akuna, chantá tukuy q'omer qhora ima.

Jeremías 4:28

Tukuy jallp'aman llakiylla junt'aykonqa, janajpis llakiy p'achata churakonqa. Chayta nini, manataj imatachus nisqaymanta kutirisajchu. Chayta niniña, manataj kutiriymanchu, nispa.

Zacarías 14:6

Chay p'unchay chayamojtin, mana k'anchay kanqachu, nillataj chiripis ni qhasapis.