Joel 2:23 - DIOSPA QHELQACHISQ

²³ Sionpi tiyakojkuna, mayta kusikuychej. Kusikuychej Tata Diosniykichejpi. Paymin maychus tiemponpi parachimusonqachej. Paymin ñawpaj kaj parata, qhepa kaj paratapis parachimusonqachej, ñawpaj tiempopi jina.

Qheshwa Biblia DC

²³ Sión orqopi tiyakojkuna, mayta kusikuychej! Kusikuychej Tukuy Atiyniyoj Señor Diosniykichejpi. Paymin parachimusunkichej maychus kaj tiempompi. Parachimusonqachejtaj chiri tiempopi, jinallataj q'oñi tiempopipis, Imaynachus ñaupa tiempopi kaj ajinata.

DIOSPA QHELQACHISQAN DEUTEROCANONICAL

²³ Sionpi tiyakojkuna, mayta kusikuychej. Kusikuychej Tata Diosniykichejpi. Paymin maychus tiemponpi parachimusonqachej. Paymin ñawpaj kaj parata, qhepa kaj paratapis parachimusonqachej, ñawpaj tiempopi jina.

Joel 2:23 Referans Kwoze

Filipenses 4:4

Qankuna Tukuyta Kamachej Jesusman ujchasqa kasqaykichejmanta kusikuychejpuni. Ujtawanpis nillaykichejtaj: Kusikuychej, nispa.

Levítico 26:4

noqa jallp'aykichejman maychus tiemponpi parachimusaj. Jallp'aqa sumajta poqonqa, sach'akunapis poqollanqataj.

Oseas 6:3

Tata Diosta rejsinapaj kallpakunachej. Payqa noqanchejman jamonqapuni, imaynatachus inti sapa p'unchay llojsimunpuni, ajinata, chayrí imaynatachus paray tiempo chayamojtin paraqa jallp'ata qarpanpuni, ajinata.

Deuteronomio 11:14

Sichus ajinata ruwankichej chayqa, Tata Diosniykichej chay jallp'aman tiemponpi ñawpaj parata, qhepa paratapis parachimonqa. Ajina kasqanrayku qankunaqa trigota, vinota, aceitetapis ima munayta oqharinkichej.

Isaías 41:16

Chaykunata wayrachinki, wayrataj apakaponqa, sinch'i muyoj wayra kayman jaqayman t'akaranqa. Qantajrí Tata Diosniykimanta kusikunki. Israel, May Llimphu Kaj Diosniykirayku may kusisqa kanki.

Salmos 149:2

Israel aylloqa ruwajninmanta kusikuchun, Sión llajtataj kuraj kamachejninmanta kusikuchun.

Filipenses 3:1

Munasqa wawqe panakuna, kaytapis nillaykichejtaj: Tukuyta Kamachej Jesusman ujchasqa kasqaykichejrayku kusikuychej. Noqaqa imatachus qankunaman qhelqaspa nisusqayta kutin kutinta nispa, mana sayk'unichu, imaraykuchus chayqa qankunapaj allin.

Zacarías 10:1

Tata Diosmanta mañakuychej ñawpaj parata, lliuj lliujkunata ruwaj Tata Diostaj ashkhata parachimusonqachej. Campopipis tukuypaj qhorakunata wiñachipusonqachej.

Salmos 28:7

Tata Diosmin atiyniyoj jark'akuwajneyqa. Paypi tukuy sonqo atinikorqani, paytaj yanapawarqa. Chayrayku sonqoy kusisqa kashan, pachis nispataj, Tata Diosman takisaj.

Isaías 30:23

Chaypacha Tata Dios parachimonqa tarpuna tiempopi, chay tarpusqaykichejtaj sumajta poqonqa. Uywaykichejpis sumaj q'omer pampakunapi michisqa kanqanku.

Deuteronomio 32:2

Yachachisqayqa para jina jich'akamonqa. Yuyasqayqa chhillchi jina urmamonqa, qhora patapi chhulla jina kanqa, ch'iki patapitaj yaku sut'oj jina.

Deuteronomio 28:12

Tata Diosqa qhapaj kayninta phaskaspa, janaj pachamanta maychus kananpi jallp'aykiman parachimonqa, tukuy ruwasqaykitataj saminchanqa. Qanqa waj suyukunaman manuyta atinki, qantajrí ni pimanta manukunkichu.

Filipenses 3:3

Noqanchejmin cheqapuni circuncidasqa kanchej, mana paykunachu, imaraykuchus Santo Espíritoj yanapasqan kaspa, Diostapuni yupaychanchej. Jinallataj Cristojta kasqanchejmanta kusikunchej, manataj runa imatachus ruwasqanpi atinikunchejchu.

Zacarías 10:7

Efrainqa wapu soldado jina kanqa. Sonqon kusikonqa, imaynatachus runakuna vinota ujyaspa kusikunku, ajinata. Chayta rikuspataj, churinkunapis kusirikullanqankutaj. Arí, Tata Diosrayku sonqonku mayta kusikonqa.

Jeremías 5:24

Mana unancharerqankichejchu, nitaj nerqankichejchu: Diosninchej Tata Diosta kasunachej. Payqa maychus tiemponpi paratapis apachimuwanchej, ñawpaj parata, qhepa paratapis, poqoyta oqharinapajtaj tiempota wakichipuwanchej, nispa.

Salmos 104:34

Tukuy yuyasqay Tata Diospa sonqonta kusichichun, imaraykuchus payllapi kusikuyta tarini.

Jeremías 3:3

Chayraykumin paraqa mana kanchu, qhepa kaj para, jinataj q'omer tiempo parapis. Qanqa mana p'enqarikunkichu, chayrayku phisu warmimantapis aswan millayraj kanki.

Isaías 61:10

Noqaqa Tata Diospa ruwasqanpi mayta kusikuni. Diosniy yanapawasqanmanta sinch'itapuni kusikuni, imaraykuchus payqa qhespichiwan, cheqan kayninwantaj qhataykuwan. Imaynatachus casarakoj wayna sumajta p'achallikun, casarakoj sipastaj jaluchunwan sumajta k'achanchakun, ajinata noqapis Tata Diospa ruwasqanpi kusikuni.

Isaías 30:21

Chantaqa lloq'eman chayrí pañaman rejtiykichejpis, kayta nishajta uyarinkichej: Kaymin cheqan ñanqa. Mana pantaykuspa chayninta riychej, nispa nejta.

Proverbios 16:15

Kuraj kamachejpa kusikuyninpi kawsay tiyan, paypa k'acha kaynintaj para qallariy jina.

Salmos 32:11

Cheqan runakuna, Tata Diospi kusikuychej. K'acha runakuna, kusikuychej, kusiymantataj qhapariychej.

Job 33:23

wakin kuti uj k'acha ángel jamun, waranqamanta uj payrayku parlarinanpaj, cheqan runa kasqanmanta.

Zacarías 9:9

Sión llajta, sinch'ita kusikuy. Jerusalén llajta, kusiymanta takiy. Kuraj kamachejniykeqa cheqan, atiyniyojtaj jamusonqa. Llamp'u sonqo kaspa, payqa burropi lloq'asqa jamusonqa, china burroj uñan, maltun burritopi.

Amós 4:7

Poqoyta oqharinapaj kinsa killaraj kashajtin, mana parachimorqanichu. Uj llajtaman parachimorqani, ujmantaj mana. Wakin chajrakunapaj paracherqani, wakintaj paramanta jina ch'akiporqanku.

Lamentaciones 4:2

Sión llajtapi tiyakojkunaqa maypaj qhawasqa kaj kanku, sumaj kaj qorimantapis aswan munasqa. Kunantajrí manka llut'aj ruwasqan t'uru manka jinalla qhawasqa kanku.

Zacarías 9:13

Judata flechana arcoyta jina mat'iniña, Efraintataj arcoyman flechata jina churaniña. Sión llajtaytapis espadaman tukuchillasajtaj. Mirayniykitataj Greciaj mirayninpa contranpi oqharichisaj.

Hechos 14:17

Chaywanpis pay sut'ita rejsichikorqa k'acha Dios kasqanta allin imakunata ruwaspa. Payqa parata apachimusunkichej, chajraykichejta tiemponpi poqochin, mikhuna patapitaj uywakusunkichej, sonqoykichejtataj kusiywan junt'achin, icharí?

Salmos 84:6

6 (7) Waqana valleta pasashaspa, yaku juturiyojman tukuchinku, para qochakunaman yakuta junt'aykuchejtin.

1 Reyes 8:36

janaj pachamanta uyarimuspa, kamachiykikunaj juchankuta pampachay. Chantá paykunata yachachiy allinta purinankuta. Paratapis parachimuy, aylluykiman chayaqenkupaj qorqanki, chay jallp'aman.

Job 37:13

Diosqa parachimun runakunata jasut'inanpaj, wakin kutitaj khuyakuyninta rikuchinanpaj.

Salmos 147:8

Payqa janajta phuyuwan qhataykun, jinallataj jallp'apaj parata wakichin, orqokunapipis qhorata wiñachin.

Ezequiel 34:26

Noqaqa ovejaykunata ajllakusqay orqoj muyuyninman churaykusaj, jinataj paykunata saminchasaj. Tiemponpi parachimusaj, chay parataj paykunapaj may allin kanqa.