Joel 2:22 - DIOSPA QHELQACHISQ

²² K'ita animalkuna, ama manchachikuychejchu, imaraykuchus pasto watej q'omeryanqa. Sach'akunapis poqonqanku, jinataj higopis, uvapis atipasunaykichejpaj jina poqonqa.

Qheshwa Biblia DC

²² Campospi kaj animalespis, ama manchachikuychejchu, imaraykuchus watejmanta pastosqa q'omeryanqaña. Sach'aspis poqonqanku. Kallanqataj ashkha higos, jinataj uvaspis atipasonqachej.

DIOSPA QHELQACHISQAN DEUTEROCANONICAL

²² K'ita animalkuna, ama manchachikuychejchu, imaraykuchus pasto watej q'omeryanqa. Sach'akunapis poqonqanku, jinataj higopis, uvapis atipasunaykichejpaj jina poqonqa.

Joel 2:22 Referans Kwoze

Zacarías 8:12

Paykuna ukhupi allinpi kawsakuy tarpusqa kanqa. Uva sach'akunapis poqonqanku, chajrata tarpusqankupis ima munayta poqorenqa. Parapis paramullanqapuni. Noqataj kutimoj israelitakunaman kay tukuy imata paykunajta kananpaj qosaj.

Salmos 65:12

12 (13) Ch'innejpi pastoqa q'omeryarin, orqokunataj may k'achituta t'ikarinku.

Isaías 51:3

Cheqamanta noqa Tata Dios Sión llajtata sonqochasaj, jinallataj llajtaj laqayankutapis khuyakuywan qhawasaj. Ch'aki ch'in jallp'anta qhallallarichisaj, imaynatachus Edén huertata qhallallaricherqani, ajinata. Chaypi may kusikuy, Diosta jatunchay, tocanawan takiykuna ima kanqa.

Salmos 67:6

6 (7) Chajraqa sumajta poqon, Diosninchejtaj saminchawanchej.

1 Corintios 3:7

Chayrayku pichus sumaj willayta willaj, jinataj pichus yachachej mana chaykamachu kanku. Aswanqa Dioslla, pichus astawan astawan Cristopi atinikuyta yanapawanchej, chay.

Hageo 2:16

Iskay chunka carga granota oqhariyta yuyajqa chunkallata oqharerqa, icharí? Jinallatataj phishqa chunka p'uñu vinota ruwayta yuyajpis iskay chunka p'uñullata ruwarqa.

Jonás 4:11

Noqarí Nínive llajtamanta manachu astawanraj khuyakunay karqa? Chay llajtapi tiyan 120.000 wawakuna, pikunachus mana yachankuchu allin kajta, mana allin kajta. Jinallataj ashkha uywakunapis kallantaj, nispa.

Ezequiel 36:35

Nenqankutaj: Kay ch'inman tukuchisqa jallp'aqa Edén huertamanña rijch'akun. Kay llajtakunaqa thuñisqa, ch'inyachisqataj, ch'usaj pampaman tukuchisqa karqanku. Kunantajrí watej sumaj ruwasqaña kanku, runakunataj chaypi tiyakunkuña, nispa.

Ezequiel 36:30

Jinallatataj sach'aykichejta, chajraykichejtapis ashkhata poqochipusqaykichej, amaña jayk'ajpis ujtawan waj suyukunaj ñawpaqenpi yarqhaywan p'enqayta rikhurinaykichejpaj.

Ezequiel 36:8

Qankuna, Israelpa orqonkunarí, sumaj sach'akunata wiñarichinkichej, Israel aylluypajtaj tukuy imata sumajta poqochipunkichej, imaraykuchus aylluypa kutimpunan p'unchay qayllamushanña.

Salmos 36:6

6 (7) Justiciaykeqa jatuchaj orqokuna jina, kamachisqakunata orqhosqaykitaj ukhu mama qocha jinapuni. Qan, Tata Dios, tukuy runata, jinallataj animalkunatapis waqaychanki.

Génesis 4:12

Chajrata tarpojtiykipis, jallp'aqa manaña poqopusonqachu. Qantaj kay pachapi mana llajtayoj jina puriskiri kanki, nispa.

Salmos 65:13

13 (14) Q'omer pampaman uywakuna junt'arinku, vallekunapis trigo chajrawan junt'a kashan. Tukuyninku takinku, kusikuspataj qhaparikunku.