Joel 2:20 - DIOSPA QHELQACHISQ

²⁰ Jinallataj wichaynejmanta jamoj phinki phinki khurukunata qankunamanta karunchachisaj, paykunatataj ch'innejman wijch'usaj. Ñawpajpi kajkunata Wañusqa Qochapi jeq'eqachisaj, qhepapi kajkunatataj mama qochapi p'ultiykuchisaj. Wañusqa phinki phinkikunaqa asnaykonqanku, imaraykuchus noqa Tata Diosqa t'ukuna imakunata ruwasaj, nispa.

Qheshwa Biblia DC

²⁰ Wichaymanta jamoj langostastaqa karunchachisaj qankunamanta. Ch'in pampamantaj qharqosaj. Ñaupajpi kajkunata Wañusqa Qochapi jeq'eqachisaj, qhepapi kajkunatataj Mediterráneo nisqa qochapi. Cuerposninkutaj ismuykonqa, asnaykonqataj. Jatuchej imasta ruwasaj!, nin Señorqa.

DIOSPA QHELQACHISQAN DEUTEROCANONICAL

²⁰ Jinallataj wichaynejmanta jamoj phinki phinki khurukunata qankunamanta karunchachisaj, paykunatataj ch'innejman wijch'usaj. Ñawpajpi kajkunata Wañusqa Qochapi jeq'eqachisaj, qhepapi kajkunatataj mama qochapi p'ultiykuchisaj. Wañusqa phinki phinkikunaqa asnaykonqanku, imaraykuchus noqa Tata Diosqa t'ukuna imakunata ruwasaj, nispa.

Joel 2:20 Referans Kwoze

Zacarías 14:8

Chaypacha Jerusalenmanta ch'uwa jutoj yaku purirenqa, chay yakutaj q'oñi tiempopipis, chiri tiempopipis mana ch'akenqachu. Khuskannenqa Wañusqa Qocha nisqaman renqa, khuskannintaj mama qochaman.

Amós 4:10

Imaynatachus Egiptoman millay onqoykunata kachaykamorqani, ajinallatataj onqoykunata kachaykamorqaykichej. Saqerqani waynaykichejkuna maqanakupi wañuchisqa kanankuta, saqellarqanitaj awqaykichej caballoykichejkunata qhechusunaykichejta. Wañojniykichejpa asnasqankuta jaraykichejpi muskhicherqaykichej. Chaywanpis qankuna manapuni noqaman kutirikamuwarqankichejchu. Noqa Tata Diosmin chayta nini.

Isaías 34:3

Chay wañusqakunaqa pachanpi wijch'urayanqanku, ayankutaj millayta asnanqanku, orqokunapitaj yawar mayu purirenqa.

Deuteronomio 11:24

Maymanchá chakiykichej saruykonqa, chay jallp'a qankunajta kanqa. Suyuykichejpa mojonnenqa ch'innejmantapacha Libanokama, Éufrates mayumantataj Jatun Mama Qochakama kanqa.

Ezequiel 47:18

Inti llojsimuynejman mojonqa kay jina kanqa: Jaurán jap'iynejta chantá Damasco jap'iy chawpinta llojsenqa. Galaad jap'iyta, Israel jap'iytawan Jordán mayu t'aqanqa, inti llojsimuynejpi Wañusqa Qochakama.

Éxodo 10:19

Chantá Tata Dios inti yaykuynejmantañataj wayrata wayrachimorqa. Chaytaj phinki phinkikunata aparpaspa, Puka Mama Qochaman wijch'uykamorqa. Jinamanta Egiptopi phinki phinkikunamanta mana ni ujpis puchorqachu.

2 Reyes 8:13

Jazaeltajrí nerqa: Noqaqa imataj kasqaniri? Noqaqa uj alqo jinalla kani. Imaynata noqa chay jinata ruwaymanri? nispa. Eliseotaj nerqa: Ñapis Tata Diosqa niwanña, qanqa Siria suyuta kamachinaykita, nispa.

Éxodo 8:14

14 (10) Egipto llajtayojkunaqa wañusqa k'aylankulakunata qotu qotuta tantarqanku. Wañusqa k'aylankulaj asnasqantaj tukuynejpi karqa.

Salmos 126:3

Arí, Tata Dios noqaykurayku t'ukunapaj jina ruwarqa, chaymantataj noqayku mayta kusikorqayku.

Malaquías 3:11

Chaypacha mana saqesajchu ni ima khuru chajraykichejta tukuykunanta, jinallataj uva sach'aykichejpis manchay poqoyniyoj kanqa. Noqa Tukuy Atiyniyoj Tata Dios ajinata nini.