Joel 2:18 - DIOSPA QHELQACHISQ

¹⁸ Chaypacha Tata Dios ayllunman munakuyninta rikuchenqa, suyunpi kajkunamantataj khuyakonqa.

Qheshwa Biblia DC

^18-19 Chaypacha Señorqa ayllunman rikucherqa munakuyninta. Jallp'ampi kaj runasninta khuyakuspataj, nerqa: Apachimusqaykichej trigota, vinota, aceiteta ima, sajsasqas kanaykichejkama, manataj ujtawan saqesajchu mana creejkuna qankunamanta burlata ruwakunankuta.

DIOSPA QHELQACHISQAN DEUTEROCANONICAL

¹⁸ Chaypacha Tata Dios ayllunman munakuyninta rikuchenqa, suyunpi kajkunamantataj khuyakonqa.

Joel 2:18 Referans Kwoze

Zacarías 8:2

Noqa Tukuy Atiyniyoj Tata Dios ajinata nini: Sionmanta anchatapuni celosakuni, payta munakusqayrayku.

Zacarías 1:14

Chaymanta Tata Diospa angelnin kamachiwarqa kayta willanayta: Tukuy Atiyniyoj Tata Dios kay jinata nin: Noqa Jerusalentawan, Sión orqotawan sinch'ita munakuni.

Salmos 103:13

Imaynatachus uj tata wawanmanta khuyakun, ajinallatataj Tata Diospis payta may jatun respetowan qhawajkunata khuyakun.

Santiago 5:11

Noqanchejqa, pikunachus ñak'arishaspa pacienciawan sinch'ita sayanku, chaykunata mayta jatunchanchej. Qankuna uyarerqankichej Job imaynatachus ñak'arishaspa sinch'ita sayasqanmanta. Yachallankichejtaj Tukuyta Kamachej Diosqa qhepanejman payta mayta yanapasqanta, imaraykuchus Tukuyta Kamachej Diosqa jatun sonqoyoj, may khuyakuyniyojtaj.

Lamentaciones 3:22

Tata Diospa khuyakuynenqa mana jayk'ajpis tukukunchu, munakuyninpis mana tukukuyniyojchu.

Isaías 63:15

Tata Dios, qan janaj pachamanta qhawarimuy, may llimphu kamachinayki tiyanamanta allinta qhawarimuy. Maytaj kunan chay sinch'i munakuyniyki, kallpaykitajri? Khuyakuyniyki tukukapunchu, sonqoykipis noqaykurayku manañachu wawayan?

Isaías 63:9

Israelitakuna llakisqa kashajtinku, Tata Diospis llakisqallataj karqa. Mana pi angeltapis kachamorqachu paykunata kacharichinanpaj. Manachayqa paymin munakuyninwan, khuyakuyninwantaj pagota pagaspa, paykunata kacharicherqa. Paykunata marq'arikuspa, apaykacharqa, imaynatachus unaymantapacha ruwarqa, ajinata.

San Lucas 15:20

Sayariytawantaj, waynaqa tatanpaman kutipusqa. Karullapiraj kashajtintaj, tatanqa wawanta rikuspa, mayta khuyarikusqa. Chantá usqhayta taripamuspa, wawanta ojllaykusqa, much'aykusqataj.

Jeremías 31:20

Noqapaj Efrainqa munasqa waway, aswan munasqa kaj churiy. Payta kutin kutinta k'amini chaypis, manapuni paymantaqa qonqapunichu. Sonqoypis wawayan, maytataj paymanta khuyakuni. Ajinata noqa Tata Dios nini.

Isaías 60:10

Waj llajtayojkuna perqaykita ruwapusonqanku, kuraj kamachejninkupis munasqaykita ruwanqanku. Noqa phiñakuspa ñak'aricherqayki chaypis, kunanqa khuyakoj kasqayrayku qanmanta khuyakusqayki.

Isaías 42:13

Tata Diosqa kallpasapa runa jina rikhurimonqa. Maqanakupi soldado jina phiñakonqa, manchayta qhaparispataj, awqanta atipanqa.

Salmos 103:17

Tata Diospa khuyakuyninrí wiñay wiñaypaj payta may jatun respetowan qhawajkunapaj. Justicianpis tukuy tiempo runakunapaj mana tukukuyniyoj

Jueces 10:16

Chantá israelitakunaqa chay waj dioskunata saqespa, Tata Diosta yupaycharqanku. Tata Diospis manaña munarqachu israelitakuna astawan ñak'arinallankutapuni, imaraykuchus sinch'ita llakikorqa ñak'arishasqankumanta.

Deuteronomio 32:43

Waj suyukuna, Diospa ayllunwan khuska kusikuychej, imaraykuchus Diosqa kamachinkunata wañuchisqankumanta pagachikonqa. Awqankunawan pagachikuspa, payqa suyunpata, ayllunpatawan ima juchankuta pampachanqa, nispa.

Deuteronomio 32:36

Chaypacha Tata Diosqa pisi kallpayojta, rikuspa ayllunman kutikonqa. Tata Diosqa kamachinkunamanta khuyakonqa, manaña kallpayoj, nitaj pisi kallpayoj qhepakusqankuta rikuspa.

Deuteronomio 32:16

Waj dioskunata yupaychaspa, Diosta celosacherqanku. Millay ch'ichita ruwaspataj, phiñakuyninta k'ajaricherqanku.

Isaías 37:32

Jerusalenmanta puchojkuna kanqanku, Sión orqomantataj llojsejkuna kallanqankutaj. Tukuy Atiyniyoj Tata Dios may jatun munakuyninnejta chayta ruwanqa.

2 Reyes 19:31

Jerusalenpi mana tukuychu wañonqanku. Sión orqopipis kawsajkuna kanqankuraj. Ajinata Tukuy Atiyniyoj Tata Dios ruwanqa, may jinata munakusqanrayku.