Joel 2:13 - DIOSPA QHELQACHISQ

¹³ Sinch'i llakisqa kasqaykichejmanta p'achaykichejta llik'inaykichejtaqa sonqoykichejta p'akikuychej, nispa. Tata Diosniykichejman kutirimpuychej, imaraykuchus Tata Diosqa may khuyakuyniyoj, jatun sonqoyojtaj. Jinallataj pay may pacienciayoj, tukuy munakuyniyojtaj. Jasut'inan kashajtinpis, payqa runaj juchanta pampachan.

Qheshwa Biblia DC

¹³ Qankuna, Señor Diosniykichejman kutirikampuychej! P'achasta llik'inaykichejtaqa, sonqoykichejta llik'iychej! Imaraykuchus, Señorqa sonqonta wawayachikojmin, khuyakojtaj. May pacienciayoj, tukuy munakuyniyojtaj Payqa. Jasut'isuyta yuyasqanta saqepuytapuni munan.

DIOSPA QHELQACHISQAN DEUTEROCANONICAL

¹³ Sinch'i llakisqa kasqaykichejmanta p'achaykichejta llik'inaykichejtaqa sonqoykichejta p'akikuychej, nispa. Tata Diosniykichejman kutirimpuychej, imaraykuchus Tata Diosqa may khuyakuyniyoj, jatun sonqoyojtaj. Jinallataj pay may pacienciayoj, tukuy munakuyniyojtaj. Jasut'inan kashajtinpis, payqa runaj juchanta pampachan.

Joel 2:13 Referans Kwoze

Salmos 86:15

Qanrí, Tukuyta Kamachej Dios, khuyakoj sonqoyoj kanki, mana usqhayta phiñarparikoj, may jina munakuyniyoj, cheqa kajtaj.

Salmos 34:18

18 (19) Tata Diosqa sonqo p'akisqa kajkunata qhespichinanpaj qayllallankupi kashan, pikunachus manaña ima suyanayoj kanku, chaykunata.

Isaías 57:15

Ajinata patapi kaj wiñaypaj kawsaj Tata Dios nini, May Llimphu Kaj sutiyoj Dios: Noqa patapi tiyakuni, may llimphu cheqapi. Jinallataj llamp'u sonqoyojwan, k'umuykojwan ima kashani, k'umuykoj sonqoyojkunata, sonqo p'akisqakunatapis kusichinaypaj.

Miqueas 7:18

Qan jina Dios mana waj dios kanchu, imaraykuchus qanqa juchaykuta pampachanki, qonqayman churanki puchoj aylluykej juchankuta. Qanqa munakuwasqaykuta rejsichiwayku, nitaj wiñaypajchu phiñakunki.

Salmos 86:5

Tukuyta Kamachej Dios, qan k'acha kanki, runaj juchanta qhespichiyta yachanki, qanta wajyakojkunapajtaj jatun munakuyniyoj kanki.

Salmos 103:8

Tata Diosqa k'acha khuyaj sonqoyoj, mana usqhayllata phiñakoj, may jina khuyakuyniyojtaj.

Jonás 4:2

Chantá Tata Dioswan parlarikuspa, kay jinata nerqa: Ay, Tata Dios, kaytamá nerqani llajtaypi kashaspallaraj. Chayrayku Tarsisman ayqerqani. Yachani ari, khuyakuyniyoj, jatun sonqoyoj, mana usqhayllata phiñakoj, chhikatapuni munakoj Dios ima kasqaykita. Yachallarqanitaj qan: Chay runakunata millayta ruwasqankumanta jasut'isaj, nishaspapis, mana jasut'inaykita.

Isaías 66:2

Noqa makiywan kay tukuy imata ruwarqani, ajinamantataj kay tukuy ima rikhurerqa. Ajinata noqa Tata Dios nini. Chantá nillanitaj: Pichus llamp'u sonqoyoj kajta noqa qhawasaj, pikunachus nisqayta uyarispa kharkatitinku, chaykunata.

2 Samuel 1:11

Chayta uyarispa, Davidwan, soldadonkunawan ima p'achankuta llik'irakorqanku, llakikusqankuta rikuchispa.

Romanos 2:4

Ajinata ruwaspa, qanqa Diospa qhapaj khuyakuyninta qhesachashanki, paciencianta, jatun munakuyninta ima. Manachu yachanki munakuynenqa Diosman kutirikunaykipaj qanta pusashasusqanta?

Salmos 51:17

17 (19) Manachayqa k'umuykoj sonqo kanayta munanki. Qanqa Diosníy, tukuy sonqo k'umuykojta, chantá qanman kutirikamusojta mana qhesachankichu.

2 Reyes 22:19

Chantá kay llajta jinataj chaypi tiyakojkuna maldicisqa kanankuta, chantá ch'inman tukuchisqa kanankuta nisqayrayku, sonqoykita wawayachispa ñawpaqeypi k'umuykorqanki, jinallataj p'achaykita llik'irakuspa waqarqanki. Chayta noqa uyariyki, nispa Tata Diosqa nisunki.

Efesios 2:4

Chaywanpis Diosqa khuyakuypi may jina qhapaj kaspa, may jinatapuni munakuwarqanchej.

Salmos 106:45

Paykunawan trato ruwasqanmanta yuyarikuspa, mana tukukoj khuyakuyniyoj kasqanrayku, paykunata qhespicherqa.

Job 1:20

Chayta uyariytawan, Jobqa manchay llakisqa sayarispa, p'achanta llik'irakorqa, chujchantapis raphakorqa. Chantá pampakama k'umuykukuspa, Diosta yupaycharqa.

Números 14:18

Noqa Tata Diosqa mana usqhayllata phiñakojchu kani. Noqaj khuyakuyneyqa may jinamin. Noqaqa millayta ruwajta, mana kasukojtapis qhespichini chaypis, juchayojta mana qhawakullanichu. Aswanpis tatanku mamanku juchallisqankumanta, wawankuta, allchhinkuta, allchhinkoj wawankutapis jasut'ispa ñak'arichini, nispa.

Nehemías 9:17

Mana kasukuyta munarqankuchu, nitaj yuyarikorqankuchu t'ukuna imakunata paykunata khuyaspa ruwasqaykimanta. Aswanpis may rumi sonqo kasqankurayku, Egiptopi wata runa kayman kutiripunankupaj uj kamachejta churakorqanku. Chaywanpis qanqa juchata pampachayta yachaj Diosmin kanki, llamp'u sonqo, khuyakuyniyoj, munakuyniyojtaj. Chayrayku paykunataqa mana saqerparerqankichu.

1 Timoteo 4:8

Ukhunchejta kuyuchinaqa ukhunchej qhalilla kananpaj yanapan. Chaywanpis Diosta kasuspa purinapaj yachakunaqa aswan sumajraj, imaraykuchus chayqa kay kawsaypaj, jinataj jamoj kawsaypajpis allinninchejpaj kashan.

Nahúm 1:3

Tata Diosqa mana usqhayllatachu phiñakun. Chaywanpis payqa may atiyniyoj, chayraykutaj juchallejkunata jasut'enqapuni. Tata Dios sinch'i para wayrapi purin, phuyupis chakin urapi jallp'a jinalla.

Ezequiel 9:4

Paymantaj nerqa: Jerusalén llajtaj ukhunta purispa, mask'ay, pikunachus tukuy ima millay ruwakusqanmanta llakikuspa waqashanku, chay runakunata. Tarispataj, uj señalta sapa ujpa mat'inkuman churaykuy, nispa.

2 Reyes 6:30

Chantá kuraj kamachej chay warmej nisqanta uyariytawan, p'achanta llik'irakorqa. Perqa patanejta pasashajtintaj, runakuna rikorqanku kuraj kamachejqa ukhunpi qhashqa p'acha churaykusqa kashasqanta.

2 Reyes 5:7

Chantá Israel suyuta kuraj kamachej cartata ñawiriytawankama, p'achanta llik'irakuspa, nerqa: Noqa Dioschu kasqani, runata wañuchinaypaj, kawsachinaypajpis, noqa chay runata qhaliyachinaypaj kachamunawanpajri? Qankuna allinta reparaychej: Kay runaqa maqanakuta mask'ashan, nispa.

1 Reyes 21:27

Kuraj kamachej Ajabrí Diosmanta sut'inchajpa nisqanta jap'ikorqa. Chayrayku sinch'i llakisqa kasqanmanta yachayta qospa, p'achanta llik'ikorqa, qhashqa p'achata churakuspataj, mana imatapis mikhorqachu. Ajina qhashqa p'achayoj puñorqa, phutisqataj purerqa.

Génesis 37:34

Jinapi Jacob p'achanta llik'irakuspa, qhashqa p'achata churaykukorqa. Jinaspataj, unayta churinmanta llakikuspa, waqarqa.

Génesis 37:29

Chaymanta mana unayninmanchu Rubenqa pujyuman kutispa, Joseta manaña rikorqachu. Chayrayku llakikuspa, p'achanta llik'ikorqa.

Isaías 58:5

Qankunaqa runaj rikunallanta k'umuykunkichej. T'utura qhora jina k'umuykuspa, qhashqa p'achata churakunkichej, ushpha patapitaj winkunkichej. Chaytachu qankuna ayuno kasqanta ninkichej? Noqa Tata Diospaj allin kasqantachu yuyankichej?

2 Reyes 22:11

Kuraj kamachej Josiasqa chay tarisqanku qhelqasqa imatachus nisqanta uyarispa, p'achanta llik'irakorqa.

Jeremías 41:5

pusaj chunka runakuna Sichemmanta, Silomanta, Samariamantawan chayamorqanku. Paykuna sunkhanku q'arasqa, p'achanku llik'isqa, chantá ukhunkupis khuchurasqa jamorqanku. Chayta paykuna kikinku khuchurakusqanku. Jinallatataj chajra poqoykunata jaywanankupaj, inciensota ima Tata Diospa Templonpi q'oshñichinankupaj apamusharqanku.

Jeremías 42:10

Sichus qankuna kay suyupi qhepakunkichej chayqa, noqa qankunata yanapasqaykichej, manataj chinkachisqaykichejchu. Sach'ata jina mallkisqaykichej, manataj t'irasqaykichejchu. Mayta llakikuni kay ñak'ariykunata qankunaman kachaykamusqaymanta.

Oseas 14:1

Israel, Tata Diosniykiman kutirikuy juchallispa urmasqaykimanta.

2 Crónicas 6:27

qan janaj pachamantapacha uyariy, tukuy israelitakunaj juchankuta pampachay, cheqan ñantataj puriyta yachachiy. Jinallataj chayaqeta jina qosqayki jallp'amanpis parachimuy.

Jeremías 36:7

Uyarispa, ichapis Tata Diosmanta mañakunkuman, millay ruwasqankumantataj kutirikunkuman, imaraykuchus Tata Diospa k'araj phiñakuynenqa manchachikunapaj jinamin, nispa.

Jonás 3:9

Ichapis Dios imatachus nisqanta manaña ruwanmanchu, k'araj phiñakuynintaj tiyaykunman, jinamanta mana wañunanchejpaj, nispa.