Joel 1:13 - DIOSPA QHELQACHISQ

¹³ Altarpi ruwanayoj sacerdotekuna, qhashqa p'achata churakuspa, sonqo nanayta waqaychej, imaraykuchus Templopi Tata Diosman jaywanapaj manaña kanchu ch'aki mikhuy, nitaj vinopis.

Qheshwa Biblia DC

¹³ Qankuna, altarpi sirvejkuna sacerdotes, qhasqa pachata churakuspa nanaywan waqaychej, imaraykuchus Diosniykichejpa templompi ofrendata qonapajqa, manaña kanchu ch'aki mikhuykuna, nitaj vinopis.

DIOSPA QHELQACHISQAN DEUTEROCANONICAL

¹³ Altarpi ruwanayoj sacerdotekuna, qhashqa p'achata churakuspa, sonqo nanayta waqaychej, imaraykuchus Templopi Tata Diosman jaywanapaj manaña kanchu ch'aki mikhuy, nitaj vinopis.

Joel 1:13 Referans Kwoze

Jeremías 4:8

Chayrayku qhashqa p'achawan p'achallikuychej. Nanaywan qhaparqachaspa waqaychej, imaraykuchus Tata Diospa k'araj phiñakuynenqa manaraj noqanchejmanta t'aqakunchu, nispa.

Joel 2:17

Templopi altar qayllapi Tata Diospaj ruwanayoj sacerdotekunapis waqaspa kay jinata mañachunku: Tata Diosniyku, kay tukuy runaj juchankuta pampachay ari. Ama saqeychu qanpata kajkunamanta pipis alqochakunanta. Amallataj saqeychu waj suyumanta runakuna suyuykita kamachinankuta. Amallataj saqeychu qanta mana manchachikojkuna ninankuta: Maypitaj kashan israelitakunaj Diosninkuri? nispa.

Ezequiel 7:18

Llakiyninkuta rikuchispa, qhashqa p'achata churakonqanku, manchariywantaj kharkatitirenqanku. Tukuyninkojta umanku raphasqa kanqa, uyankupis p'enqaywan pukayarenqanku.

Jeremías 9:10

10 (9) Chantá Jeremías nerqa: Orqokunarayku sonqo nanayta waqasaj, pastokunaraykutaj llakiy yarawita takisaj, imaraykuchus tukuy pastoqa ruphasqa kashan. Mana pipis chayninta purinñachu, manañataj wakakunaj waqasqanpis uyarikunñachu. P'isqokunapis, k'ita animalkunapis ayqekunkuña, nispa.

1 Reyes 21:27

Kuraj kamachej Ajabrí Diosmanta sut'inchajpa nisqanta jap'ikorqa. Chayrayku sinch'i llakisqa kasqanmanta yachayta qospa, p'achanta llik'ikorqa, qhashqa p'achata churakuspataj, mana imatapis mikhorqachu. Ajina qhashqa p'achayoj puñorqa, phutisqataj purerqa.

2 Corintios 11:23

Cristoj wata runanchu kanku? Noqaqa aswanraj. Ajinata nispaqa, manapis yuyayniypichu kashayman jina parlashani. Chaywanpis paykunaj ruwasqankumanta nisqaqa ruwasqayqa aswan ashkha. Noqaqa aswan ashkha kutita carcelpi wisq'asqa karqani, jinallataj mana yupay atina seq'osqa. Chantapis, aswan ashkha kutita wañuy patapi rikhurerqani.

2 Corintios 6:4

Aswanpis tukuy ima ruwasqaykupi rikuchiyta munayku Diospa sumaj kamachinkuna kasqaykuta. Ima ñak'ariypis qhatiriwajtiyku, noqayku sonqoykuta tiyaykuchispa ñak'ariyku pisichikuypi, llakiykunapi ima.

2 Corintios 3:6

Kikin Diosllataj mosoj tratomanta yachachejkuna kanaykupaj churawarqayku. Chay tratotaj mana qhelqasqa kamachisqaman jinachu, aswanpis Santo Espirituman jina, imaraykuchus qhelqasqa kamachisqakunaqa juchallejta wañuchin, Santo Espiritutajrí kawsachin.

1 Corintios 9:13

Manachu yachankichej Templopi imachus ruwanapi ruwaysikojkunaqa Diosman jaywasqamanta mikhusqankuta? Jinallataj altarpi jaywajkunapis manachu altarpi kaj ofrendamanta wakinta jap'illankutaj?

1 Corintios 4:1

Qankunaqa Cristoj kamachinkunata jinalla qhawanawayku tiyan, imaraykuchus noqayku Diospa wakichisqanmanta chay pakasqa yachayta yachachinaykupaj kamachisqa kayku.

Isaías 61:6

Qankunataj Tata Diospa sacerdotenkuna nisqa kankichej, Diospa kamachinkuna nisqataj. Qankunaqa waj suyukunaj qhapaj kapuyninkumanta mikhunkichej, qhapaj kayninkuwantaj kusikunkichej.

2 Samuel 12:16

Chaypacha Davidqa wawanrayku Tata Diosmanta mañapuspa, ayunarqa, sapa ch'isitaj q'ara pampapi puñorqa.

Números 29:6

Chay jawaqa, kamachisqa kasqanman jina, sapa killa q'olachispa jaywanata, jinallataj sapa p'unchay q'olachispa jaywanata, ch'aki mikhuy jaywanantinta, chantá ch'ajchunapaj vino jaywanantinta ima Diosman jaywallankichejpuni. Chay jaywanaqa Tata Diospaj ima munayta q'apashaj q'olachisqa jaywana kanqa.

Apocalipsis 11:3

Noqatajrí iskay testigokunata kachamusaj, qhashqa p'achawan p'achallisqata. Paykunataj 1.260 p'unchayta sut'inchanqanku.

Isaías 22:12

Chay p'unchaypi Tukuy Atiyniyoj Tata Dios wajyasorqachej mayta llakikuspa waqanaykichejpaj, llakikusqaykichejta rikuchispa umaykichejta ruthukunaykichejpaj, qhashqa p'achata churakunaykichejpaj ima, chay millay ruwasqaykichejmanta.

Ezequiel 21:12

12 (17) Qantajrí, runaj churin, sonqo nanayta qhapariy, waqaytaj, imaraykuchus kayqa aylluyta wañurachinapaj wakichisqa kashan, tukuy Israelta kuraj kamachejkunapaj ima. Paykunaqa aylluywan khuska juchachasqa kanku wañuchisqa kanankupaj. Chayrayku llakiy nanaywan qhasqoykita takakuy.

Oseas 9:5

Jatun raymi p'unchaypi, Tata Diospaj raymipi imatataj ruwankichejri?

Joel 2:14

Ichapis Tata Dios manaña nisqanman jina qankunata jasut'isonqachejchu. Aswanpis khuyarikuspa, chajrata poqochipusonqachej, vinotawan qosonqachej, Tata Diosniykichejman jaywanaykichejpaj.

Números 28:4

Ujnin kajta tutamanta jaywawankichej, ujnin kajtataj ch'isiyaykuyta.

Números 28:7

Sapa uj corderota, uj litro sumaj vinotawan jaywanqanku. Chay vinota Dioswan Tinkukuna Toldopi Tata Diospa sutinpi ch'ajchonqanku.

Números 28:14

Sapa torillota jaywaspa, iskay litro vinotawan jaywankichej, uj litro khuskanniyojtataj sapa carnerotawan jaywallankichejtaj. Sapa corderowantaj uj litrotakama jaywankichej. Chaykunamin sapa killa qallariyta q'olachispa Tata Diosman jaywanaykichej kashan.

Ezequiel 27:31

Qannejta umankutapis t'ojluchikonqanku, qhashqa p'achatapis churakonqanku. Sonqo nanaytataj jatunmanta qhaparispa, waqanqanku.

Joel 2:12

Chayrayku Tata Dios nin: Noqaman tukuy sonqo kutirikamuwaychej ayunaspa, waqaspa, llakikuspa ima.