Job 1:1 - DIOSPA QHELQACHISQ

¹ Uz sutiyoj suyupi Job tiyakorqa. Payqa cheqanta ruwaspa purej runa karqa. Jinallataj Diosta munakoj karqa, chantá yupaychaj ima. Payqa mana pitapis mana allin kajta ruwaspa waqachejchu karqa.

Qheshwa Biblia DC

¹ Uz jallp'api uj runa Job sutiyoj tiyakorqa. Payqa sumaj cheqan karqa, Diostaqa tukuy imapi sumajta kasoj, sajramantataj karunchakoj.

DIOSPA QHELQACHISQAN DEUTEROCANONICAL

¹ Uz sutiyoj suyupi Job tiyakorqa. Payqa cheqanta ruwaspa purej runa karqa. Jinallataj Diosta munakoj karqa, chantá yupaychaj ima. Payqa mana pitapis mana allin kajta ruwaspa waqachejchu karqa.

Job 1:1 Referans Kwoze

Santiago 5:11

Noqanchejqa, pikunachus ñak'arishaspa pacienciawan sinch'ita sayanku, chaykunata mayta jatunchanchej. Qankuna uyarerqankichej Job imaynatachus ñak'arishaspa sinch'ita sayasqanmanta. Yachallankichejtaj Tukuyta Kamachej Diosqa qhepanejman payta mayta yanapasqanta, imaraykuchus Tukuyta Kamachej Diosqa jatun sonqoyoj, may khuyakuyniyojtaj.

Ezequiel 14:14

Sichus kay kinsa runakuna: Noé, Daniel, Job ima chay llajtapi kashankuman chayqa, noqa paykunallata wañunankumanta qhespichiyman cheqan runakuna kasqankurayku. Noqa Tukuyta Kamachej Tata Diosmin chayta nini.

Ezequiel 14:20

Sichus Noé, Daniel, Job ima chaypi tiyakushankuman chaypis, paykuna mana churinkukunata, ususinkukunata ima qhespichiyta atinkumanchu. Paykunalla cheqan runakuna kasqankurayku qhespichisqa kankuman. Noqa Tukuyta Kamachej Tata Diosmin kawsayniyrayku tiluspa nini, nispa.

Job 28:28

Chaymantataj runakunata nerqa: Tukuyta Kamachej Diosta may jatun respetowan qhawana, chaymin yachayniyoj kanaqa. Tukuy ch'ichi kajmanta t'aqakunataj, chaymin yuyayniyoj kanaqa, nispa.

Job 2:3

Chantá Tata Dios taporqa: Manachu kamachiy Jobta rikunki? Pay jinaqa jallp'a patapi mana pipis kanchu. Payqa noqaj kamachisqayta tukuy sonqo junt'an, cheqanta purisqanraykutaj mana imamanta k'amina, nitaj pitapis mana allinta ruwanchu. Qantajrí mana imallamanta payta ñak'arichinayta niwarqanki. Chaywanpis payqa kasuwaspallapuni purin, nispa.

Job 1:8

Chantá Tata Dios payta nerqa: Rikorqankichu kamachiy Jobta? Pay jinaqa mana pipis kanchu. Payqa noqaj kamachisqayta tukuy sonqo junt'an, cheqanta purisqanraykutaj mana imamanta k'amina, nitaj pitapis mana allinta ruwanchu, nispa.

Génesis 6:9

Noéj kawsasqan kay jina karqa: Noeqa cheqanta ruwaj runa karqa, paytaj Diosta kasuspallapuni purerqa. Chaypacha tiyakojkunamanta paylla Diospa munasqanta ruwaspa kawsarqa.

San Lucas 1:6

Qhari warmi Diospa ñawpaqenpi cheqan kawsayniyoj karqanku, Diospa nisqanman jina kawsakuspa, ni pejpa k'aminan.

Proverbios 8:13

Pikunachus Tata Diosta jatun respetowan qhawajkunaqa mana allin kajta chejnikunku. Chayrayku noqa chejnikuni jatunchakuyta, runaykachayta, millay puriyta, llullakuyta ima.

Génesis 22:12

Angeltaj nerqa: Ama wawata ñak'aychu, nitaj imanaychu. Yachaniña qanqa noqata may jatun respetowan qhawawasqaykita, imaraykuchus munasqa churiykita qonawaykipaj mana mich'akorqankichu, nispa.

Génesis 17:1

Abram jisq'on chunka jisq'onniyoj watayoj kashajtin, Tata Dios payman rikhurispa, nerqa: Noqa Tukuy Atiyniyoj Dios kani. Chayrayku qan munasqayman jina cheqanta puriy.

Lamentaciones 4:21

Uz suyupi tiyakoj Edom, kunanqa kusikuy ari. Chaywanpis aswan qhepaman qanmanpis chay jaya ujyana chayamullasonqataj. Chaywan qanqa machasqa, mana p'achayoj q'alalla rikhurinki.

Proverbios 16:6

Munakuywan, cheqa kaywan ima juchata pampachakun. Pichus Tata Diosta may jatun respetowan qhawajqa mana allinta ruwanamanta karunchakun.

2 Reyes 20:3

Tata Dios, noqamanta yuyarikuy, imaynatachus cheqanta, allin sonqowantaj ñawpaqeykipi purisqaymanta, munayniykiman jina ruwaspa, nispa. Chantá Ezequías manchay llakisqa waqarikorqa.

1 Pedro 3:11

Chantá mana allin kajta ruwayta saqespa, allin kajta ruwachun. Wajkunawan allinpi kawsakuyta mask'achun, allillanpipuni kawsakunanpajtaj sonqonta churachun.

Jeremías 25:20

Chantá Egiptopi tiyaj waj suyumanta runakunamanpis ujyacherqani. Jinallatataj Uz suyupi tukuy kuraj kamachejkunaman, chantá Filistea suyupi Ascalón llajtaman, Gazaman, Ecronman, Asdod llajtamanta puchojkunamanpis ujyachillarqanitaj.

1 Crónicas 1:42

Eserpa churinkunarí karqanku: Bilán, Zaván, Yacán ima. Disanpa churinkunataj karqanku: Uz, Arán ima.

1 Crónicas 1:17

Sempa churinkunataj karqanku: Elam, Asur, Arfaxad, Lud, Aram ima. Arampa churinkunataj karqanku: Uz, Jul, Geter, Mesec ima.

Éxodo 18:21

Chantapis israelitakuna ukhumanta allin yuyayniyojkunata, Diosta may jatun respetowan qhawayta yachajkunata, mana llullakojkunata, lluk'ichikuyta chejnejkunata ajllay. Chaykunamanta churay wakinta waranqa runata, wakintaj pachajta, wakintaj phishqa chunkata, wakintaj chunka runata kamachinankupaj.

Génesis 36:28

Disanpa churinkuna karqanku Uzwan, Aranwan ima.

Génesis 10:23

Arampa churinkunataj karqanku Uz, Jul, Geter, chantá Mas ima.

Génesis 42:18

Kinsa p'unchaymantataj José paykunata nerqa: Noqaqa Diosta manchachikuni. Sichus kawsayta munankichej chayqa, kayta ruwaychej:

Deuteronomio 18:13

Qankunarí Tata Diospa munasqanman jina ruwaspa purinkichej.

Job 4:6

Qanqa Diospa sumaj kamachin kanki, cheqanta purej runa. Chantá imaraykutaj Diosmanta mana tukuy sonqo jap'ikunkichuri?

Job 9:21

Noqaqa mana juchayojchu kani, chaywanpis chayqa mana imananchu. Noqarí kawsaspa sayk'uniña.

Proverbios 3:7

Ama may yachayniyoj kasqaykita yuyakuychu. Astawanpis Tata Diosta may jatun respetowan qhawaspa, mana allin kajta ruwanamanta t'aqakuy.

Proverbios 14:2

Cheqanta kawsajqa Tata Diosta may jatunpaj qhawan. Mana allinta kawsajrí Tata Diosta pisipaj qhawan.

Proverbios 14:16

Yachayniyojqa manchachikuspa, mana allinta ruwanamanta t'aqakun. Wampurí payllapi atinikuspa, mana allinta qhawarikuspa imatapis ruwarparillan.

Proverbios 16:17

Cheqanta ruwaj runakunaqa mana allinta ruwanamanta t'aqakunku, jinallatataj imaynatachus purisqanta qhawakojqa pay kikin kawsayninta waqaychakun.

Proverbios 20:7

Cheqan runaqa llimphuta kawsaspallapuni purin. Churinkunapis pay jina kawsaspa, may kusikuyniyoj kanqanku.