Jeremías 9:3 - DIOSPA QHELQACHISQ

³ 3 (2) Tata Diostaj nin: Paykuna llullakunapaj wakichisqapuni kashanku, imaynatachus runa arcota mat'iykun flechata kacharinanpaj, ajinata. Manapuni maychus kajta parlankuchu, manachayqa astawan astawan millay kajta ruwanku. Noqa Tata Diostataj mana rejsiwankuchu, nispa.

Qheshwa Biblia DC

³ Imatapis llullakuspa nirinapajqa churasqas kanku, imaynatachus flechasmanta wach'inasta kacharinku ajinata. Kay jallp'apeqa llullakuylla junt'a kashan, manataj cheqa kajqa kanchu, jinamanta astawan astawan mana allin kayman rishanku. Mana rejsiyta munawankuchu, nispa kikin Señor nin.

DIOSPA QHELQACHISQAN DEUTEROCANONICAL

³ 3 (2) Tata Diostaj nin: Paykuna llullakunapaj wakichisqapuni kashanku, imaynatachus runa arcota mat'iykun flechata kacharinanpaj, ajinata. Manapuni maychus kajta parlankuchu, manachayqa astawan astawan millay kajta ruwanku. Noqa Tata Diostataj mana rejsiwankuchu, nispa.

Jeremías 9:3 Referans Kwoze

Jeremías 9:8

8 (7) Qallunkoqa wañuchej flecha jina, siminkupis q'otiyanallamanta parlan. Runa masinkuman may misk'ita parlarinku, sonqonkupitajrí misk'anata churaspa, urmachinallapi yuyanku.

Romanos 3:13

Siminkoqa kicharisqa covacha jina. Nisqankuwan runata q'otiyanku, parlasqankutaj katarej venenon jina.

Jeremías 4:22

Tata Dios nin: Israel aylloyqa ancha wampu kanku, mana rejsikapuwanchu. Mana yuyayniyoj wawakuna kanku, mana allintachu unanchakunku. Juchallinankupajqa churasqa kanku, allin kajtatajrí mana ruwayta yachankuchu, nispa.

Jueces 2:10

Jinallataj watakuna pasasqanman jina Josuéj mitanmanta kaj israelitakunapis wañupullasqankutaj. Ajinamanta qhepa wiñajkunaqa mana Tata Diosta rejserqankuchu, nitaj yacharqankuchu imatachus Tata Dios ruwasqanta israelita ñawpa tatankunapaj.

Jeremías 31:34

Manaña pipis runa masinta yachachenqañachu, nitaj wawqentapis nenqañachu: Tata Diosta rejsiy, nispa, imaraykuchus juch'uymanta jatunkama tukuy rejsiwanqanku. Noqa millay ruwasqankuta pampachasaj, manañataj jayk'ajpis juchankumanta yuyarikusajchu. Noqa Tata Diosmin chayta nini.

1 Samuel 2:12

Elíj churinkunaqa millay puriyniyoj runakuna karqanku. Tata Diosta mana kasorqankuchu, nitaj manchachikorqankuchu.

Apocalipsis 12:11

Wawqe pananchejkunaqa Cordero cruzpi wañuspa yawar jich'asqanrayku, chantá Diosmanta willasqankurayku Supayta atiparqanku. Paykuna kawsayninkuta pisipaj qhawasqankurayku, wañuyta mana manchachikorqankuchu.

Judas 1:3

Munasqa wawqe panakuna, qankunaman maytapuni qhelqamuyta munarqani Dios imaynatachus qhespichiwasqanchejmanta. Chaywanpis kunanqa munaspa mana munaspa mayta niykichej: Sinch'ita kallpakuspa, allinta qhawaychej, imatachus Diosmanta yachachiwasqanchej ama q'ewisqa kananpaj. Chaytamin Dios uj kutillata wiñaypaj paypa ajllakusqankunaman qorqa.

2 Timoteo 3:13

Chaywanpis millayta ruwaj runakuna, q'otiyajkuna ima astawan astawan mana allinman tukonqanku. Wajkunata q'otiyanqanku chaypis, paykunapis q'otiyasqallataj kanqanku.

Filipenses 1:28

Contraykichejpi kajkunamanta ama manchachikuychejchu. Mana manchachikusqaykichejqa yachayta qon paykuna chinkayman rishasqankumanta, qankunataj qhespichisqa kasqaykichejmanta. Chaytaj Diosmanta.

Romanos 1:28

Jinapi Diosta mana cuentaman churayta munasqankuraykutaj, Dios paykunata saqerparerqa ch'ichi millay yuyasqankuman jina mana ruwanata ruwanankupaj.

Romanos 1:16

Noqaqa Jesuspa sumaj willayninmanta mana p'enqakunichu, imaraykuchus Jesuspa sumaj willayninnejta Dios yachayta qowanchej atiyniyoj kasqanta paypi tukuy atinikojkunata qhespichinanpaj, ñawpajta judiokunata, jinallataj mana judiokunatapis.

San Juan 17:3

Paykuna wiñay kawsayman yaykunku, maypachachus qanpi, chantá noqapi atinikunku, chaypachalla. Qanpi atinikunanku tiyan, imajtinchus qan uj k'ata cheqa kaj Dios kanki. Noqapipis atinikunallankutaj tiyan, imajtinchus noqaqa qanpa kachamusqayki Jesucristo kani.

Marcos 8:38

Sichus pipis noqamanta chantá nisqaymantawan kay khuchichakoj juchasapakunaj ñawpaqenkupi p'enqakun chayqa, noqa Runaj Churinpis chay runamanta p'enqakullasajtaj, maypachachus Tata Diosniypa jatun kayninpa lliphipiyninpi, ajllasqa angelninkunawan kutimusaj, chaypacha, nispa.

Jeremías 22:16

Payqa wajchakunaman, ñak'arichisqa kajkunaman ima sayakorqa. Chayrayku payta tukuy imapi allin rerqa. Chaypi yachakun noqata sumajta kasuspa purisqanta. Noqa Tata Diosmin chayta nini.

Jeremías 9:5

5 (4) Sapa ujpis runa masinmanta alqochakun, manataj pipis cheqanta parlaj kanchu. Llullakunallaman yachaykukunku. Millayllatapuni ruwanku nitaj chaymanta kutiriyta atinkumanchu.

Jeremías 7:26

Chaywanpis qankunaqa manapuni kasuwarqankichejchu, manachayqa ñawpa tataykichejkunamantapis astawanraj rumi sonqo karqankichej.

1 Corintios 15:34

Chayrayku qankuna yuyayniykichejman kutiriychej, amañataj juchalliychejchu, imaraykuchus qankunamanta wakin mana maychus kajta Diosmanta yachankichejchu. Chayta nishaykichej qankuna p'enqakunaykichejpaj.

Levítico 19:11

Ama suwakunkichejchu. Amallataj llullakuychejchu, nillataj ujkuna ujkunawan q'otiyanakuychejchu.

Isaías 1:3

Bueyqa dueñonta rejsin, burropis maypichus dueñon qarananta rejsillantaj. Israel aylluymanta kajkunarí mana rejsikapuwankuchu, nitaj paykunata waqaychasqaytapis reparankuchu, nispa.

Isaías 3:5

Runakuna paykunapura sarunakonqanku, purajmantataj maqanakonqanku. Waynakunapis machu runakunaj contranta oqharikonqanku, mana kasu ruwana runakunataj maypaj qhawasqa runakunawan jap'inakonqanku.

Isaías 6:5

Chantá nerqani: Ay, imanasajtaj? Kunanqa wañusajchari, imaraykuchus mana allin parlaj runa kaspapis, jinataj mana allin parlayniyoj runakunaj chawpinkupi tiyakushaspa, ñawiywan Tukuy Atiyniyoj Tata Diosta rikuni, nispa.

Jeremías 5:4

Noqatajrí sonqoypi nerqani: Wajcha runakunalla wampu ajina kanku, imaraykuchus Tata Diospa munayninta mana yachankuchu, nitaj Diosninkoj kamachisqantapis rejsinkuchu.

Jeremías 5:5

Chayrayku noqa kurajninkukunaman risaj, paykunamantaj parlamusaj, imaraykuchus paykuna imachus Tata Diospa munaynin kasqanta yachankupuni. Diospa kamachisqantapis rejsillankutaj, nispa. Chaywanpis, paykunapis ujllata Diospa contranpi oqharikusqanku, manataj kamachisqanta kasuyta munasqankuchu.

Daniel (hebreo) 11:27

Chay iskaynin kuraj kamachejkuna paykunapura mana allin kajta ruwanakuyta yuyashaspa, khuska mikhunankupaj tiyaykonqanku. Chaypitaj llullata purajmanta ninakonqanku. Chaywanpis mana mayqenninkoj yuyasqanku junt'akonqachu, imaraykuchus manaraj tiempo chayamunchu.

Génesis 39:16

Chantá chay warmeqa Josejpa p'achanta qosan chayamunankama jallch'arqa.

Jueces 14:17

Warmintajrí raymi tukukunankama waqallarqapuni. Anchatapuni Sansonta mat'iykojtin, chay raymej qanchis kaj p'unchayninpi Sansonqa watuchikuta warminman sut'incharqa. Sansonpa warmintaj llajta masinkuman chayta willamorqa.

Proverbios 12:5

Cheqan runakunaqa cheqanta ruwanallapi yuyanku, mana allinta ruwajkunarí runata ch'awkiyanallapi yuyanku.

Isaías 9:18

18 (17) Tukuy millay ruwayqa nina jina lawrarin. Imaynatachus nina q'olaykun khishkakunata, qhorakunata ima, ajinata lawrarin, imaynatatajchus sach'akunata q'olaykun, q'oshñipis chaymanta manchayta llojsimun, ajinata.

Jeremías 6:28

Paykuna contraykipi oqharikojkuna, k'ullutaj kanku, jinataj cuento q'epi runakuna kanku. Tukuyninku millayta ruwaspa purejkuna kanku. Paykuna bronce, fierro jinataj kanku.

Jeremías 12:6

Kikin wawqeykillamantataj wasanchasunku, qhepaykimantataj phiñasqa rimakusunku. Ama paykunapi atinikuychu, misk'ita parlashasojtinkupis, nispa.

Ezequiel 8:13

Chaymanta nillawarqataj: Chaywanpis chaymanta astawan millaykunataraj ruwajta rikunki, nispa.

Hechos 24:9

Chantá Tértulo chayta nejtin, chaypi kaj judiokunapis nillarqankutaj ajinapuni kasqanta.