Jeremías 9:25 - DIOSPA QHELQACHISQ

²⁵ 25 (24) Tata Dios nillantaj: Uj p'unchay jamushan, chay p'unchaypitaj noqaqa circuncidasqa kajta, mana circuncidasqa kajta, tukuytapuni jasut'isaj.

Qheshwa Biblia DC

²⁵ Señorqa nillantaj: Uj p'unchay jamushan, tukuy ayllus aychaman jinalla circuncidakojkunata jasut'isaj.

DIOSPA QHELQACHISQAN DEUTEROCANONICAL

²⁵ 25 (24) Tata Dios nillantaj: Uj p'unchay jamushan, chay p'unchaypitaj noqaqa circuncidasqa kajta, mana circuncidasqa kajta, tukuytapuni jasut'isaj.

Jeremías 9:25 Referans Kwoze

Amós 3:2

Tukuy kay pachapi ayllukunamanta qankunallata ajllakorqaykichej. Chayrayku tukuy juchaykichejmanta cuentata mañasqaykichej.

Ezequiel 28:10

Waj llajtayojkunaj makinpi wañunki, imaynatachus Diosta mana rejsej runakuna wañunku, jinata. Chayta noqa Tukuyta Kamachej Tata Dios nini.

Romanos 2:28

Chantá pitaj cheqapuni judiori? Mana pejpatachus tatan maman judío kanku chayllachu, nillataj ukhun circuncidasqa kajllachu.

Romanos 2:29

Cheqapuni judioqa sonqon ukhumantapacha judío. Cheqapuni circuncidasqa kajtaj Santo Espiritunejta sonqonpi circuncidasqa kaj, manataj qhelqasqa kamachisqanejtachu. Chay jina judiotaqa Diosmin allinpaj qhawan, amapis runa allinpaj qhawachunchu.

Levítico 26:41

Noqapis contraykichejpi oqharikuspa, awqaykichejpa llajtankuman wijch'usqaykichej. Ichapis ajinamanta sonqoykichej llamp'uyajtin, juchallisqaykichejta rejsikapuwajchej.

1 Samuel 14:6

Chantá Jonatanqa armanta apaykachapoj kamachinta nerqa: Jaku, Diosta mana manchachikoj runakunaman rinachej. Ichapis Tata Diosqa noqanchejnejta imatapis ruwanman. Paypajqa ashkha runawanpis, chayrí pisiwanpis atipaykuyta yanapanawanchej atikullan, nispa.

1 Samuel 17:26

Chaypacha David qayllanpi kajkunata tapurerqa: Jaqay filisteo runata wañuchejman imatataj qonqankuri? Imatataj qonqanku Israelta k'umuykachachejta chinkachejmanri? Pitaj kasqa chay mana diosniyoj runa, kawsaj Diospa soldadonkunaj contrankupi sayaykunanpajri? nispa.

Jeremías 4:4

Judá suyupi, Jerusalén llajtapipis runakuna, noqawan trato ruwasqaykichejta junt'aychej. Sumajta sonqoykichejta wakichiychej yachachisqayta jap'inaykichejpaj. Pajtataj millay ruwasqaykichejrayku phiñakuyniy nina jina k'ajarinman, jap'iykukojtintaj, ni pi thasnuyta atinmanchu, nispa.

Ezequiel 31:18

Chantá Tukuyta Kamachej Tata Dios watejmanta Egiptota nerqa: Edén huertapi kaj sach'akunamanta ni mayqen sach'apis qanwan ninakorqachu, chay jina k'acha qhallallashaj jatun kayniykiwan. Chaywanpis Edenpi kaj tukuy sach'akunawan khuska ukhu pachaman urmachisqa kanki. Noqa cheqa kaj Diosta mana rejsejkunawan wijch'urayanki, maqanakupi wañuchisqakunawan khuska. Chay sach'aqa faraonmin, tukuy runankuna ima. Noqa Tukuyta Kamachej Tata Dios ajinata nini.

Levítico 19:27

Chujchaykichejtaqa ama muyullata k'utukunkichejchu, nillataj sunkhaykichejpata puntantapis k'uturakunkichejchu.

Jeremías 25:23

Jinallataj Dedanman, Temaman, Buzmanpis, pikunachus chujchankuta ruthukunku, chay ayllumanpis ujyachillarqanitaj.

Jeremías 49:32

Camellonkukunata, tukuy uywankukunatapis apakapuychej. Noqamin paykunata tukuynejman ch'eqerachisaj kay pachaj k'uchunkama. Tukuynejmanta jatun ñak'ariyta paykunaman kachaykusaj. Noqa Tata Diosmin chayta nini.

Ezequiel 44:7

Qankuna Temployta ch'ichichankichej, sonqonkupi, aychankupipis mana circuncidasqa waj llajtayoj runakunata wasiyman pusaykuspa. Paykunata saqenkichej mikhunayta jina, wirata yawartawan jaywanawankuta. Tukuy chay millayta ruwaspa, tratoyta p'akinkichej.