Jeremías 9:10 - DIOSPA QHELQACHISQ

¹⁰ 10 (9) Chantá Jeremías nerqa: Orqokunarayku sonqo nanayta waqasaj, pastokunaraykutaj llakiy yarawita takisaj, imaraykuchus tukuy pastoqa ruphasqa kashan. Mana pipis chayninta purinñachu, manañataj wakakunaj waqasqanpis uyarikunñachu. P'isqokunapis, k'ita animalkunapis ayqekunkuña, nispa.

Qheshwa Biblia DC

¹⁰ Orqosnejpi waqaychej, ayqhoychejtaj, llakiy wayñusta pasto pampaspi takiychej, imaraykuchus ruphasqasña kashanku, nitaj pipis chaynintaqa purinñachu, manañataj wakaspa ulisqankupis uyarikunñachu, phawaj p'isqospis, sajra animalespis ayqekaporqanku.

DIOSPA QHELQACHISQAN DEUTEROCANONICAL

¹⁰ 10 (9) Chantá Jeremías nerqa: Orqokunarayku sonqo nanayta waqasaj, pastokunaraykutaj llakiy yarawita takisaj, imaraykuchus tukuy pastoqa ruphasqa kashan. Mana pipis chayninta purinñachu, manañataj wakakunaj waqasqanpis uyarikunñachu. P'isqokunapis, k'ita animalkunapis ayqekunkuña, nispa.

Jeremías 9:10 Referans Kwoze

Jeremías 12:4

Mayk'ajkamataj jallp'a ch'akillapuni kanqari? Mayk'ajkamataj campopi qhorapis qawisqa kanqari? Uywakuna, p'isqokunapis wañurapushanku, kay suyupi tiyakojkunaj millay ruwasqanrayku. Paykunaqa imatachus ruwasqankuta qan mana rikusqaykita ninku, nispa.

Oseas 4:3

Chayrayku kay suyu lutuchasqa jinamin, chaypi kajkunataj kallpa wañusqa kanku. K'ita animalkunapis, p'isqokunapis, chantá mama qochapi challwakunapis chinkarapushanku.

Ezequiel 33:28

Kay suyutataj ch'in pampaman, raqayman ima tukuchisaj. Imapichus atinikushanku, chaytapis chinkarparichisaj. Israelpa orqonkunapis ch'inpacha qhepakonqanku, manataj ima runapis chayninta purej kanqachu.

Ezequiel 29:11

Chay suyupi mana runakuna, nitaj uywakunapis purenqankuñachu. Tawa chunka wata junt'ata manapuni pi runapis chaypi tiyakonqañachu.

Ezequiel 14:15

Ichapis chay suyupi tiyakojkunata wañurachinanpaj phiña k'ita animalkunata kachaykuyman, chay suyutaj ch'inman tukunman, chantá k'ita animalkunata manchachikuspa, pipis chayninta mana pasayta atinmanchu.

Jeremías 12:10

Ashkha kamachejkuna uva huertayta t'ustiykunku, jallp'aytataj saruranku. Munasqa jallp'ayta ch'inman tukuchinku.

Jeremías 7:29

Jerusalenpi tiyakojkuna, chujchaykichejta k'utuspa, wijch'uychej. Llakiy yarawita ch'in lomakunapi takiychej, imaraykuchus Tata Dios may phiñasqa contraykichejpi kaspa, qankunata qhesachasunkichej, wijch'usunkichejtaj.

Lamentaciones 2:11

Waqasqaypi ñaweyqa tukukushanña, wijsay ukhupi ch'unchulaypis q'ewirakunku. Sonqoyqa llakiywan phatashanña, aylluypa llajtanta chay jina thuñisqata rikuspa, jinataj astawanqa ñuñoj wawakunata yarqhaywan ñanpi wañurashajta rikuspa.

Lamentaciones 1:16

Chayrayku noqa waqaykushani, ñawiypis waqaywan junt'a kashan. Mana piniypis sonqochanawanpaj kanñachu, nitaj pipis kallpachawajneyqa kanñachu. Wawaykunaqa thuñisqa llajtapi qhepakunku, awqayku atipaykuwasqaykurayku.

Jeremías 23:10

Kay suyoqa khuchichakuspa millayta ruwanawan junt'a kashan. Kawsayninkoqa millay puriylla, atiyninkutataj mana allin ruwanapaj apaykachanku. Chayrayku Tata Dios kay jallp'ata maldicerqa. Jallp'aqa ch'akiporqa, ch'innejpi kaj pastopis ch'akipullarqataj, nispa.

Jeremías 14:6

K'ita burrokunapis ch'in orqokunapi k'ita alqokuna jina ansaqespa sayanku. Ñawinkupis ayphuyan, mikhunankupaj pasto mana kasqanrayku, nispa.

Jeremías 8:18

Chantá Jeremías nerqa: Jatun llakiy ñit'iykuwan, chaypajtaj mana jampi kanchu. Sonqoypis phatashawanña.

Jeremías 2:6

Judapi tiyakojkunaqa manaña noqamanta tapukunkuchu: Maypitaj kashan Tata Dios, pichus Egipto suyumanta orqhomuspa, ch'inkunanejta, may wayq'orara ch'in jallp'anejta orqhomuwarqanchej, chay Diosrí? Pay pusamuwarqanchej mana yakuyoj jallp'anejta, mana pejpa purisqan, nitaj tiyakusqan, may manchachikuna jallp'anejta, nispa.

Isaías 49:19

Llajtaykeqa thuñisqa, phirisqa karqa, ch'inpachataj. Kunantajrí ashkha kasqaykichejrayku jallp'a aylluykipaj k'ullku kanqa. Ñak'arichisojkunataj karupi kanqanku.

Isaías 41:15

Noqa rastrillo jina kanaykipaj ruwasqayki, mosojta, sumaj kiruyojtataj. Qanqa orqokunata trillaspa, ñut'uta kutanki, lomakunatapis q'opaman jina tukuchinki.

Jeremías 50:3

Wichaynejmanta uj suyoqa Babiloniaj contranta jamushan, jallp'ankutataj ch'inman tukuchenqanku. Manaña runakuna, nitaj animalkunapis chaypi kawsanqankuñachu. Chay suyumanta tukuy ayqespa riponqanku, nispa.

Ezequiel 27:2

Runaj churin, Tiro llajtapaj yarawita kay jinata takipuy:

Joel 1:13

Altarpi ruwanayoj sacerdotekuna, qhashqa p'achata churakuspa, sonqo nanayta waqaychej, imaraykuchus Templopi Tata Diosman jaywanapaj manaña kanchu ch'aki mikhuy, nitaj vinopis.

Joel 1:19

Tata Dios, qanman qhaparikamuyki, imaraykuchus ninaqa monteta, tukuy qhoratapis ruphaykun.

Amós 5:1

Israelitakuna, qankunaj contraykichejpi llakiy yarawita takisqayta uyariychej.

Amós 5:16

Ajinatamin nin Tukuy Atiyniyoj Tata Dios: Tukuy plazakunapi waqay kanqa, tukuy callekunapitaj nanaywan qhapariy kanqa. Campo runakunata wajyanqanku paykunawan khuska waqanankupaj, pagomanta waqajkunatataj waqanankupaj mink'allanqankutaj.

Miqueas 2:4

Chay p'unchaypi awqaykichejkuna kusipayaspa, kay jina yarawita takipusonqanku: Cheqapuni ni imayoj rikhurinku. Tata Diospata kajkunaqa wajpa makinman chayanku, ni pej jark'akusqan. Tukuy suyunkuta soldadonchejkuna jap'ikapunku, jallp'ankutapis rak'inaykukunchej, nispa.

Jeremías 2:15

Imaraykutaj waj runakuna leonkuna jina sinch'ita qhaparispa, israelitakunaman phinkiykunkuri? Jallp'ankuta ch'inpachata saqerparinku. Llajtankutapis ninawan ruphaykuchispa, mana runayojta saqerparinku.

Jeremías 12:11

Ch'inllata, q'ara pampatataj saqerparinku. Chantá noqa chay suyuta llakiymanta waqashajta rikuni. Tukuynin suyu phirisqa kashan, chaymantaqa mana pipis llakikunchu.

Lamentaciones 5:18

Sión orqoqa ch'inpacha raqaylla kashan, atojkunallaña kayman jaqayman purishanku.

Ezequiel 6:6

Maypichus paykuna tiyakunku, chay llajtakuna thuñisqallataj kanqanku. Tukuy altarninkukuna phirisqapuni kanqanku. Lantinkukunapis, intiman rijch'akoj lantinkukuna ima phirisqallataj kanqanku. Inciensota q'oshñichinanku altarkunapis thuñichisqallataj kanqanku. Tukuy ima ruwasqankupis chinkachisqa kanqa.

Miqueas 3:12

Chayrayku juchaykichejrayku, Sión orqopi Jerusalén llajta barbechoman tukonqa, raqayllamantaj. Maypichus Diospa Templon kashan, chay orqotapis ch'umilla p'ampaykonqa.