Jeremías 8:6 - DIOSPA QHELQACHISQ

⁶ Uyarisqayman jina mana pitapis cheqanta parlajta uyarinichu. Mana pipis millayta ruwasqanmanta Diosman kutirikuspa, ninchu: Imatataj ruwakuniri? nispaqa. Sapa ujninku ñanninkuta imata jina t'ijurinku, maqanakuman phawaspa t'ijurej caballokuna jina.

Qheshwa Biblia DC

⁶ Uyarishasqayman jinaqa mana pitapis, juchanmanta Diosman kutirikusqanta uyarinichu, manataj sut'ita ninchu, imata ruwasqaniri?, nispaqa. Tukuyninku ñanninta sinch'ita juyñarinku, maqanakupi jakiman kacharisqa caballos jina.

DIOSPA QHELQACHISQAN DEUTEROCANONICAL

⁶ Uyarisqayman jina mana pitapis cheqanta parlajta uyarinichu. Mana pipis millayta ruwasqanmanta Diosman kutirikuspa, ninchu: Imatataj ruwakuniri? nispaqa. Sapa ujninku ñanninkuta imata jina t'ijurinku, maqanakuman phawaspa t'ijurej caballokuna jina.

Jeremías 8:6 Referans Kwoze

Salmos 14:2

Janaj pachamantapacha Tata Diosqa runakunata qhawamun, Diosta mask'aj yuyayniyoj runata ujllatapis tariyta munaspa.

Ezequiel 18:28

Allinta qhawarikuspa, sichus tukuy millay ruwasqanmanta t'aqakun chayqa, pay kawsanqapuni, manataj wañonqachu.

2 Pedro 3:9

Chantá Tukuyta Kamachej Jesucristoqa kutimusaj nisqanta mana qonqanchu, imaynatachus wakin qonqapusqanta yuyanku, ajinata. Manachayqa Dios tukuy qankunawan pacienciakun, manataj munanchu pipis chinkananta. Aswanpis Dios munan tukuy runakuna payman kutirikunankuta.

Malaquías 3:16

Chaypacha Tata Diosta may jatun respetowan qhawajkuna parlanakorqanku, Tata Diostaj imatachus nisqankuta sumajta uyarerqa. Chantá paykuna Tata Diospa ñawpaqenpi qhelqarqanku, pikunachus Diosta may jatun respetowan qhawarqanku, paymantataj yuyarikorqanku, chaykunaj sutinkunata ama qonqasqa kanankupaj.

Miqueas 7:2

Kay pachapi manaña kanchu khuyakuyniyoj runakuna, nitaj ujllapis kanchu cheqanta ruwajkuna. Tukuyninku runa masinkuta wañuchinanpaj awaytanku, ujkuna ujkunataj urmanankupaj tojllata churanakunku.

Apocalipsis 9:20

Chaywanpis, pikunachus chay manchay ñak'ariykunawan mana wañorqankuchu, chaykuna millayta ruwasqankumanta Diosman mana kutirikorqankuchu. Manachayqa paykuna supaykunata yupaychallarqankupuni, jinallataj qorimanta, qolqe metalmanta, broncemanta, rumimanta, k'ullumanta ruwasqa lantikunata ima. Chay lantikuna mana qhawayta atinkuchu, nitaj uyariyta, nillataj puriytapis.

Hageo 1:7

Noqa Tukuy Atiyniyoj Tata Diosmin ujtawan niykichej: Imaynatachus purishasqaykichejta allinta reparakuychej.

Hageo 1:5

Noqa Tukuy Atiyniyoj Tata Diosmin niykichej: Imaynatachus purishasqaykichejta allinta reparakuychej.

Ezequiel 22:30

Chay runakuna ukhupi noqa uj runallatapis mask'arqani, pillapis kay suyoj allinninta mask'aspa, ñawpaqeypi noqamanta mañapunanpaj ajinamanta ama paykunata chinkachinaypaj. Chaywanpis mana ujllatapis tarerqanichu.

Jeremías 5:1

Tata Dios nin: Jerusalén llajtaj callenkunata purimuspa, allinta qhawaychej, plazakunapitaj mask'aychej. Ichapis pillatapis cheqanta ruwajta tariwajchej, tukuy ruwasqanpi mana llullakojta ima. Sichus ujllatapis tariwajchej chayqa, Jerusalenpi tiyakojkunaj juchankuta pampachasaj.

Isaías 59:16

Chaypacha Tata Dios t'ukorqa mana ujllapis ñak'arichisqa runata yanaparej kasqanmanta. Chayrayku pay kikin atiyninwan paykunata kacharicherqa, justiciantaj payta sumajta sayacherqa.

Isaías 30:18

Chaywanpis Tata Dios qankunaman khuyakuyninta, munakuyninta ima rikuchinasuykichejpaj suyashasunkichej, imaraykuchus payqa cheqanta ruwaj Diosmin. Pay yanapananta tukuy suyakojkunaqa may kusikuyniyojmin kanqanku.

Job 10:2

Diosta nisaj: Ay Diosníy, ama juchachawaychu ari, imamantachus juchachawasqaykita niway ari.

Jeremías 23:25

Noqa chay sut'inchajkunaj llullakusqankuta uyarini, pikunachus sutiypi parlashasqankuta ninku, chaykunajta. Paykuna ninku: Tata Dios mosqochaspa parlawan, nispa.

Job 34:31

Diosta nerqankichu: Juchallini, manaña ujtawan juchallisajñachu? nispa.

Job 34:32

Nerqankitajchu: Imata ruwaspachus pantaykusqayta rikuchiway. Sichus mana allinta ruwarqani chayqa, manaña ujtawan ruwasajchu? nispa.

Isaías 57:17

Israel millay ruwayta munapayasqanrayku noqa phiñakorqani. Chayrayku payta sinch'ita jasut'erqani, phiñakuyniypitaj payta saqerparerqani. Jinapis pay mana kasuwaspa, sonqonpa munasqanta ruwallarqapuni.

Jeremías 3:5

Qanqa nishawankiraj: Phiñasqallapunichu kanki? Wiñaypajchu noqapaj phiñasqa kanki? nispa. Chayta nishawaspapis, qanqa atisqaykita millay kajta ruwashallankipuni, nispa.

Daniel (hebreo) 9:11

Tukuy israelitakuna yachachisqaykita mana kasorqaykuchu. Kamachisqaykita kasunaykutaqa, qanmanta karunchakorqayku. Jinapi contraykipi juchallikusqaykurayku kamachiyki Moisés kamachisqankunapi tiluspa kananta nerqa, chay maldicisqa kaywan, jasut'iykunawan ima pataykuman urmaykuwayku.

Sofonías 3:7

Jinapi noqa yuyarqani: Jerusalén llajtapi tiyakojkuna manchachikuwanqanku, k'amisqaytapis jap'ikonqanku. Jinamantataj mana paykunata jasut'isajchu, nitaj tiyakunanku wasikunata thuñirparichisajchu, nispa. Paykunatajrí usqhayllata tukuy imaymana millay ruwanaman qokorqanku.