Jeremías 8:2 - DIOSPA QHELQACHISQ

² Chantá paykuna israelitakunaj tullunkukunata intej, killaj chantá ch'askakunaj ñawpaqenpi wijch'onqanku, imaraykuchus israelitakuna janajpi imakunata munakuspa, munayninkuta ruwarqanku, qhaterqanku, tapukorqanku, yupaycharqankutaj. Chay tullukunata mana pipis p'ampanqachu, manachayqa wanu jina pampapi qhallisqa wijch'urayanqa.

Qheshwa Biblia DC

² Aysarparenqankutaj intej k'anchayninman, killajman, jinallataj ch'askakunajman ima. Chaykunata munakorqanku, tapukorqanku, yupaycharqankutaj. Manataj pipis paykunata oqharerqachu p'ampamunankupaj, wanu jina pampapi qhallisqa wijch'ukorqa.

DIOSPA QHELQACHISQAN DEUTEROCANONICAL

² Chantá paykuna israelitakunaj tullunkukunata intej, killaj chantá ch'askakunaj ñawpaqenpi wijch'onqanku, imaraykuchus israelitakuna janajpi imakunata munakuspa, munayninkuta ruwarqanku, qhaterqanku, tapukorqanku, yupaycharqankutaj. Chay tullukunata mana pipis p'ampanqachu, manachayqa wanu jina pampapi qhallisqa wijch'urayanqa.

Jeremías 8:2 Referans Kwoze

2 Reyes 23:5

Chantá Judá suyuta kuraj kamachejkuna, pikunachus orqopi inciensota q'oshñichinankupaj churasqanku, chay sacerdotekunata wijch'orqa. Orqo patapi altarkuna karqa Judá suyumanta tukuy llajtapi, Jerusalenpi, chantá muyuyninpi ima. Jinallataj Baalman, intiman, killaman, ch'askakunaman, janajpi kaj chhika ch'askakunaman ima inciensota q'oshñichej sacerdotekunatapis wijch'ullarqataj.

Hechos 7:42

Chayrayku Dios paykunamanta t'aqakuspa, saqerqa patapi kaj ch'askakunata yupaychanankuta, imaynatachus sut'inchajkunaj qhelqasqankupi nin, ajina: Israelitakuna, tawa chunka watata ch'innejpi kashaspa, noqamanchu uywakunata ñak'aspa jaywawarqankichej?

Jeremías 9:22

22 (21) Runakunaj ayankoqa wanu jina pampapi wijch'usqa kashan. Imaynatachus trigoj uman ruthoj qhepanpi t'akakojtin, mana pipis oqharej kanchu, ajina kanku. Ajinata Tata Dios nin.

Deuteronomio 4:19

Janajpi kaj intita, killata, ch'askakunata, imachus janajpi tiyan, chay tukuyta rikuspa, pajtataj chaykunaman qonqorikuspa, yupaychawajchej. Tata Diosniykichejqa tukuy chaykunata kay pachapi runakunapaj ruwarqa.

Sofonías 1:5

Chantá pikunachus wasi patapi kaj patioman wicharispa ch'askakunata yupaychajkunata chinkachisaj. Jinallataj pikunachus ujllapi noqaj sutiypi, jinataj Milcón diosninkoj sutinpipis qonqorikuspa tilojkunatapis chinkachillasajtaj.

Ezequiel 8:16

Chantá runaman rijch'akojqa Tata Diospa Templon ukhu pationman apaykuwarqa. Chaypitaj Temploman yaykuna punkumanta altarman rinapi, iskay chunka phishqayoj runakuna Tata Diospa Templonta wasanchakuspa, inti llojsimuy ladoman qhawarisqa pampaman k'umuykuspa intita yupaychasharqanku.

Jeremías 36:30

Kunanqa noqa Tata Dios Judata kuraj kamachej Joacinman kayta nini: Joacinpa qhepanpi mana mirayninmanta kajchu Davidpa kamachinan tiyanapi kamachinanpaj tiyaykonqa. Joacín wañupojtintaj, ayan p'unchay ruphaypi, tutantaj chiripi wijch'urayanqa.

Jeremías 22:19

Manachayqa burro wañusqata jina payta p'ampaqanku. Jerusalén llajtamanta qhatatatispa, jawaman wijch'urparenqanku, nispa.

Jeremías 19:13

Jerusalenpi wasikunata, chantá Judapi kuraj kamachejkunaj wasinkuta ima Tofet jina ch'ichipaj qhawasqa kanqanku. Ajinata ruwasaj, imaraykuchus chay wasi patapi tukuy ch'askakunaman inciensota q'oshñicherqanku, jinallataj waj dioskunaj sutinpi vinota jich'aspa jaywarqanku, nispa.

Jeremías 16:4

Paykunaqa millay onqoykunawan wañonqanku, manataj pipis paykunamanta waqanqachu, nitaj p'ampajkuna kanqachu. Pampapi wanu jina wijch'usqa qhepakonqanku. Maqanaku, yarqhay ima paykunata tukuchenqa, ayankutataj suwintukuna, k'ita animalkunawan mikhonqanku, nispa.

Salmos 83:10

10 (11) Paykuna Endorpi atipasqa karqanku, jallp'apaj wanuman tukuchisqa karqanku.

2 Reyes 21:3

Tatan Ezequías orqo patapi waj diosta yupaychana altarkunata thuñisqanta Manasés watej ruwachillarqataj. Baal sutiyoj diospaj altarkunata ruwarqa, jinallataj kuraj kamachej Ajab jina Aseraj lantinta ruwallarqataj. Ajinallataj janajpi kaj chhika ch'askakunaman qonqorikuspa, yupaycharqa.

Sofonías 1:17

Tata Dios nin: Noqa runakunata llakiyman churasaj, paykunataj ñawsapis kankuman jina purenqanku, imaraykuchus contraypi juchallikorqanku. Yawarninkoqa jallp'a jina qhallisqa kanqa, aychankutaj wanu jina qollusqa kanqa.

Eclesiastés 6:3

Runaqa pachaj wawayojpis kachun, chayrí unaytapis kawsachun. Chaywanpis sichus allin kajta tarisqanwan mana sonqo junt'asqachu karqa, nitaj allin p'ampasqachu karqa chayqa, noqa nini uj sullusqa wawaraj chay runamanta nisqaqa aswan allin kasqanta.

2 Reyes 21:5

Jinallataj Tata Diospa Templonpa iskaynin pationpipis janajpi tukuy ch'askakunapaj altarkunata ruwachillarqataj.

2 Reyes 17:16

Tata Diosninkoj tukuy kamachisqanta mana kasuspa, qorita unuyacherqanku. Chantá waka uñaman rijch'akoj iskay lantikunata ruwakorqanku. Asera nisqa lantikunatapis ruwakullarqankutaj. Chay jawaqa Baalta, chantá janajpi tukuy ch'askakunatawan yupaychallarqankutaj.

Deuteronomio 17:3

Jinallataj qonqorikuspa waj dioskunata yupaychanman, chantá intiman, killaman, ch'askakunamanpis qonqorikuspa yupaychanman, Tata Dios chayta mana kamachejtinpis.

Salmos 53:5

5 (6) Aswan qhepamanrí ni imata manchachikunapaj kashajtinpis, paykuna manchachikuspa kharkatitenqanku. Diosqa qanta maqayta munasojkunaj tullunkuta qhalliranqa. Paykuna p'enqaypi rikhurenqanku, imajtinchus Tata Dios paykunata qhesachan.

Jeremías 14:16

Pikunamanchus llullakuspa parlashanku, chay runakunapis maqanakupi chantá yarqhaywan wañonqanku, jinallataj warminku, churinku, ususinku ima. Ayankutaj Jerusalenpa callenkunapi wijch'urasqa kanqanku, manataj pipis paykunata p'ampaykoj kanqachu. Ajinamanta millay ruwasqankuman jina ñak'arichisqa kanqanku, nispa.

Jeremías 16:11

Qantaj paykunaman kutichinki: Tata Dios kay jinata nin: Kay tukuy ima qhatirisunkichej, imaraykuchus ñawpa tataykichej saqerpariwarqanku, waj dioskunaj qhepankutataj riporqanku. Chantá chaykunata yupaychaspa, sirverqanku. Noqata saqerpariwaspataj, kamachisqayta mana junt'arqankuchu.

Jeremías 31:40

Chantá tukuynin valle, maypichus wañusqakunata p'ampanku, ushphatataj wijch'unku, chayninta rillanqapuni. Chantá Cedrón wayq'o chaymanta inti llojsimuynejman, chay patapi tukuy pampapis, Caballo Yaykuna punku nisqa k'uchukama chayanqa. Chay tukuy cheqaqa noqapaj t'aqasqa kanqa, Jerusalentaj manaña jayk'ajpis urmachisqachu, nitaj thuñisqachu kanqa, nispa.

Ezequiel 6:5

Chantá israelitakunaj ayankuta lantiykichejpa ñawpaqenman wijch'usaj, tullunkutataj altarkunaykichejpa muyuyninman qhallisaj.

Ezequiel 29:5

Chantataj challwaykikunatawan khuskata ch'innejman wijch'usqayki. Qanqa pampapi choqarayanki, manataj pipis p'ampaykusunanpaj oqharisonqachu. Campopi kaj k'ita animalkunaman, phawajkunaman ima mikhuykusunankupaj jaywaykusqayki.

Salmos 83:11

11 (12) Kurajninkukunata wañuchiy, imaynatachus Orebta, Zeebta wañucherqanki, ajinata. Ruway ari tukuy kamachejninkukunata, imaynatachus Zebata, chantá Salmunata ima ruwarqanki, ajinata.

Jeremías 9:20

20 (19) Warmikuna, Tata Diospa nisqanta uyariychej, parlasqanta allintapuni uyariychej. Ususiykichejman waqayta yachachiychej, jinallataj warmi masiykichejmanpis.

Jeremías 9:21

21 (20) Wañoyqa wasinchejkunaman yaykuykamun, kamachina wasimanpis. Callekunapi wawakunata wañuchin, plazakunapitaj waynakunata.

Jeremías 16:6

Kay jallp'api atiyniyoj kajkuna, jinallataj mana kasu ruwana kajkunapis wañuchisqa kanqanku, manataj pipis paykunata p'ampaj kanqachu, nitaj waqanqankuchu. Kawsaqenkunaqa chaymanta llakisqa kasqankuta mana rikuchenqankuchu, ukhunkuta q'allurakuspa, chayrí chujchankuta ruthurakuspa ima.

Jeremías 25:33

Pikunatachus Tata Dios chay p'unchaypi wañuchenqa, chaykunaqa kay pachaj ujnin kantumanta ujnin kantukama mast'alla kanqanku. Mana pipis paykunamantaqa waqanqachu, nitaj pipis ayankuta p'ampaykamunankupaj oqharenqachu. Wanu jina pampapi wijch'usqa kanqanku.

Ezequiel 39:5

Qanqa ch'in pampapi wañusqa wijch'urayanki, imaraykuchus noqa chayta parlaniña. Noqa Tukuyta Kamachej Tata Dios chayta nini.