Jeremías 7:6 - DIOSPA QHELQACHISQ

⁶ Amallataj chawpiykichejpi tiyakoj waj llajtayojkunata, nillataj wajcha wawakunata, warmisapata ima ñak'arichiychejchu. Jinallataj kay cheqapi mana juchayoj runakunata ama wañuchiychejchu. Amallataj waj dioskunata yupaychaychejchu, imaraykuchus imatachus ruwasqaykichejqa qankunallapajtaj mana allinchu kanqa.

DIOSPA QHELQACHISQAN DEUTEROCANONICAL

⁶ Amallataj chawpiykichejpi tiyakoj waj llajtayojkunata, nillataj wajcha wawakunata, warmisapata ima ñak'arichiychejchu. Jinallataj kay cheqapi mana juchayoj runakunata ama wañuchiychejchu. Amallataj waj dioskunata yupaychaychejchu, imaraykuchus imatachus ruwasqaykichejqa qankunallapajtaj mana allinchu kanqa.

Jeremías 7:6 Referans Kwoze

Jeremías 13:10

Millayta ruwaj runakunaqa kamachisqayta mana uyariyta munankuchu, manachayqa k'ullukuspa, sonqonkoj yuyasqanta ruwanku. Paykunaqa waj dioskunaj qhepankuta purinku paykunaj munayninkuta ruwanankupaj, chantá yupaychanankupaj ima. Ajinata ruwasqankurayku kay ismusqa chumpi jina mana imapaj walejchu kanku.

Deuteronomio 8:19

Sichus qankuna Tata Diosniykichejmanta qonqakapuspa, waj dioskunaman k'umuykuspa yupaychankichej chayqa, noqa sut'inta niykichej cheqapuni chinkachisqa kanaykichejta.

Deuteronomio 11:28

Manataj allinchu risonqachej, sichus qankuna waj dioskunata yupaychaspa, Tata Diosniykichejpa kamachisqanta mana kasunkichejchu, nitaj nisqanman jina purinkichejchu, chaypacha.

Jeremías 2:34

P'achaykeqa wajchakunaj, jinataj mana juchayojkunaj yawarninkuwan ch'allpaykusqa rikhurin. Qan ni imapi juchallikushajtapis paykunata tariparqankichu.

Santiago 1:27

Diospa ñawpaqenpi munasqanta ruwaspa purinaqa llimphu, mana ch'ichiyoj kanan tiyan. Chaytaj kay jina: Wajcha wawakunata khuyarina, warmisapakunata yanapana, chantá Diosman mana kutirikojkunaj millay ruwasqankuwan mana ch'ichichakuna ima.

Malaquías 3:5

Tukuy Atiyniyoj Tata Dios nin: Noqa qankunata juzgaj jamusaj. Chaypachataj noqamin testigo jina sayasaj kay jina kajkunaj contrankupi: Layqakuna, wasanchajkuna, llullakuspa tilojkuna, jornal pagota mana qopojkuna, pikunachus warmisapatawan ni piniyoj wajchakunatawan ñak'arichejkuna, waj llajtayojta ñak'arichejkuna, pikunachus mana jatun respetowan noqata qhawawanku ima, chaykunaj contrankupi sayaykusaj.

Jeremías 19:4

Chayta ruwasaj, imaraykuchus qankuna saqerpariwarqankichej, kay cheqatataj millachikunayman tukucherqankichej. Kaypi dioskunaman inciensota q'oshñicherqankichej, mayqenkunatachus mana tataykichejkuna, ni qankuna, nitaj Judamanta kuraj kamachejkuna rejserqankuchu, chaykunaman. Chantá kay cheqapi mana juchayoj runakunata wañuchillarqankichejtaj.

Isaías 59:7

Chakinkoqa mana allin ruwayllaman paykunata apan, paykunataj usqhayta rinku mana juchayojta wañuchinankupaj. Paykunaqa juchallispa puriyllapipuni yuyanku. Maymanchus risqankupeqa ñak'ariyta, waqanatawan apanku.

Deuteronomio 27:19

Levitakuna nillanqankutaj: Maldicisqa kachun pikunachus waj llajtayojkunaj contranpi, chayrí warmisapaj, chayrí wajcha wawakunaj contranta ima justiciata q'ewejkuna, nispa. Tukuy israelitakunataj nenqanku: Ajina kachun, nispa.

Deuteronomio 24:17

Ama waj llajtayojkunata, nitaj wajcha wawakunatapis mana allinta ruwaspa waqachinkichejchu. Amallataj warmisapamantapis p'achankuta prendata jina jap'inkichejchu.

San Mateo 27:25

Runakunataj kuticherqanku: Noqayku, chantá wawaykukuna ima kay runaj wañuchisqa kasqanmanta juchayoj kasqayku kachun, nispa.

San Mateo 27:4

Paykunatataj nerqa: Juchallini chay mana juchayojta wañuchisqa kananpaj jaywaykuspa, nispa. Paykunatajrí nerqanku: Chaymantaqa ni ima ruwanayku kanchu. Qan imanaypis ari, nispa.

Ezequiel 18:6

Payqa loma patapi lanti yupaychana jatun mikhuypi mana mikhunchu, nitaj Israelpa qhasi manakaj lantinkunapi atinikunchu. Runa masinpa warminwan mana puñuykunchu, nillataj warminwanpis puñuykunchu killa yawarninpi kashajtin.

Lamentaciones 4:13

Chay jina jasut'i Diosmanta sut'inchajkuna juchallikusqankurayku karqa, sacerdotekuna millay juchata ruwasqankurayku ima. Paykunaqa chay llajtapi mana juchayoj runakunata wañucherqanku.

Jeremías 26:23

Chaykunataj Uriasta Egiptopi jap'ispa, kuraj kamachej Joacinman apamusqanku. Paytaj kamachisqa Uriasta wañuchinankuta, ayantataj, maypichus wajcha runakunata p'ampaj kanku, chayman p'ampanankuta kamachillasqataj, nispa.

Jeremías 26:15

Jinapis kayta allinta yachaychej: Sichus wañuchiwankichej chayqa, qankuna, chantá kay llajtapi tiyakojkuna ima juchachasqa kankichej mana juchayojta wañuchisqaykichejrayku. Noqata Tata Diospuni kay tukuy imamanta sut'ita willanasuykichejpaj kachamuwarqa, nispa.

Jeremías 7:5

Chayrayku allinta puriyta qallariychej, maychus kajtataj ujkuna ujkunawan ruwaychej.

Jeremías 2:30

Qhasillata wawaykichejta jasut'erqani, ni chaywanpis wanarqankuchu. Qankuna kikiykichej phiña leonkuna jina noqamanta sut'inchajkunata wañucherqankichej.

Salmos 106:38

Mana juchayojkunata wañuchispa, Canaanmanta dioskunaman jaywarqanku. Chayrayku jallp'anku yawar jich'asqankuwan ch'ichichasqa karqa.

2 Reyes 24:4

Chayrayku Tata Diosqa Judá suyuta manapuni qhespichiyta munarqachu, Jerusalenpi ashkha mana juchayojkunata Manasés wañuchichisqanrayku.

2 Reyes 21:6

Chay jawa churintapis q'olachispa diosninkunaman jaywarqa. Sajra espiritukunata wajyanaman qokorqa, jinallataj suerteta qhawanaman, aysiriman, layqeriyoman ima qokullarqataj. Ajinata Tata Diospa rikunanta millaytapuni ruwasqanwan Diosta sinch'ita phiñacherqa.

Levítico 25:17

Ama pipis runa masiykichejta q'otiyankichejchu. Noqa Tata Diosniykichejta jatun respetowan maypaj qhawawaychej. Noqa Tata Diosmin Diosniykichejqa kani.

Jeremías 5:28

Paykunaqa sumaj wira llusq'olla karishanku. Chay millay ruwasqankoqa yupay mana atina. Mana piniyoj wajcha wawakunata mana qhawarinkuchu, nitaj wajcha runakunaman sayakunkuchu justiciata ruwanankupaj.

Jeremías 7:9

Chantá qankuna suwankichej, runatataj wañuchinkichej, khuchichakunkichej, qhasillata tilunkichej, Baal lantiman inciensota q'oshñichinkichej, mana rejsisqa lantikunatapis yupaychallankichejtaj.

Jeremías 35:15

Qhepan qhepanta noqamanta sut'inchajkunata kachamorqaykichej ninasuykichejpaj: Mana allin ruwasqaykichejta, millay kawsayniykichejta ima saqeychej. Ama waj dioskunaj qhepankuta ripuychejchu, nillataj paykunata yupaychaychejchu. Kay nisqaytachus kasuwankichej chayqa, qankunaman, jinataj ñawpa tataykichejmanpis qosqay jallp'api tiyakullankichejpuni, nispa. Chaywanpis qankunaqa manapuni kasuwarqankichejchu, nitaj nisqayta junt'arqankichejchu.

Ezequiel 22:7

Jerusalén llajta, qanpi tiyakojkunaqa tatankuta, mamankutapis pisipaj qhawanku. Karu llajtayoj runakunatapis ñak'arichinku. Wajcha wawakunamanta, warmisapakunamantataj ch'uskinku.

Levítico 19:33

Qankunawan tiyakoj waj llajtayojtaqa ama ñak'arichinkichejchu.

Proverbios 23:10

Ama ñawpa mojonkunata suchuchinkichu, nitaj wajcha wawakunaj jallp'ankumanpis yaykukapunkichu.