Jeremías 7:34 - DIOSPA QHELQACHISQ

³⁴ Chantá Judá suyupi, jinallataj Jerusalén llajtapipis raymikunata, tusuykunata, takiykunata, jinallataj casarakupi takiykunatapis ch'inyachisaj. Tukuy suyutaj ch'inman tukuchisqa kanqa, nispa.

Qheshwa Biblia DC

³⁴ Judá llajtapi jinallataj Jerusalén callespipis fiestaspi tusuykunata, takiykunata, jinallataj casarakupi takiykunatapis chinkachisaj. Tukuynin jallp'ataj ch'in pampaman tukuchisqa kanqa.

DIOSPA QHELQACHISQAN DEUTEROCANONICAL

³⁴ Chantá Judá suyupi, jinallataj Jerusalén llajtapipis raymikunata, tusuykunata, takiykunata, jinallataj casarakupi takiykunatapis ch'inyachisaj. Tukuy suyutaj ch'inman tukuchisqa kanqa, nispa.

Jeremías 7:34 Referans Kwoze

Apocalipsis 18:23

Manallataj qanpi lamparaj k'anchasqan rikukonqachu, nillataj casarakojkunaj kusikusqankupis uyarikonqañachu, imaraykuchus qhatojniykikunaqa ancha atiyniyoj karqanku, qantaj layqeriyoykiwan tukuy runata q'otiyaspa pantacherqanki.

Oseas 2:11

11 (13) Kusikuyninta chinkachisaj, nitaj mosoj killapi raymikuna, samarina p'unchaykuna, tukuy jatun raymikuna ima kanqachu.

Ezequiel 26:13

Ajinata noqa Tata Diosqa takisqaykita ch'inyachisaj, manataj arpaykej waqasqan uyarikonqañachu.

Jeremías 25:10

Qankuna ukhupi kusiy wayñu, raymi takiykunapis manaña uyarikonqachu, nitaj casarakojkunaj takirisqankupis. Jinallataj maranpi kutanapis mana uyarikonqachu. Lamparakunapis manaña rikukonqachu.

Jeremías 16:9

Noqa Israelpa Diosnin Tukuy Atiyniyoj Tata Dios kayta nini: Noqa kay suyupi raymi takiyninkuta ch'inyachisaj, jinallataj kusikuyninkuta chantá casarakupi takiyninkutapis. Chayqa chay p'unchaykunapi qankunaj rikunaykichej kanqa.

Isaías 1:7

Suyuykichejqa ch'inman tukun, llajtaykichejtataj ninawan ruphaykuchinku. Qankuna qhawashajtiykichej, waj llajtayojkuna poqochisqaykichejta apakapunku. Llajtaykichejqa ch'inpacha qhepakun.

Levítico 26:33

Qankunata maqanakuwan ñak'arichisqaykichej, waj suyukunamantaj ch'eqerachisqaykichej. Jallp'aykichejqa ch'inman tukonqa, llajtaykichejtaj ch'in raqayllaman.

Miqueas 7:13

Kunantajrí kay jallp'a ch'inman tukuchisqa kanqa kaypi tiyakojkunaj juchaykichejrayku. Ajina kanqa millayta ruwasqaykichejrayku.

Jeremías 4:27

Tata Dios nin: Tukuy jallp'a ch'inman tukuchisqa kanqa. Chaywanpis mana tukuynintapunichu tukuchisaj.

Isaías 3:26

Llajtapi kaj chhika runakuna mayta waqanqanku, llakiy p'achatataj churakonqanku. Chay llajtataj saqerpayasqa qhepakonqa, imaynatachus alqochasqa warmi pampapi k'umuykusqa qhepakun, ajina.

Jeremías 33:10

Tata Dios nillantaj: Qankuna ninkichej: Kay cheqaqa ch'in mana runayoj nitaj uywayoj kashan, nispa. Chaywanpis Jerusalenpa callenkunapi, jinataj Judáj llajtankunapipis, mayqenchus kunan ch'usajpacha kashanku, mana runayoj, nitaj uywayoj, chaypi kusiy takiykuna watej uyarikullanqataj

Isaías 6:11

Noqarí taporqani: Tukuyta Kamachej Dios, mayk'ajkamataj ajina kanqari? nispa. Paytaj niwarqa: Kayqa llajtankukuna chinkachisqa kanankama kanqa, mana uj runayoj nitaj wasiyoj ni piniyoj kanankama, campopis ch'inpacha qhepakunankama.

Salmos 78:63

Waynakunaqa ninawan ruphasqa wañorqanku, sipaskunapajtaj casarakupi takiy mana karqachu.

Jeremías 22:6

Tata Dios Judata kuraj kamachejpa ayllunmanta nillantaj: Galaad orqo jina qan noqapaj kanki, Líbanoj orqo puntan jinataj. Kunantajrí tiluspa kayta nini: Ch'inman, mana runayoj llajtaman tukuchisqayki.

Jeremías 27:17

Ama paykunata kasuychejchu. Astawanpis Babiloniamanta kuraj kamachejpa munayninta ruwaychej, chantá kawsankichej. Imaraykutaj kay llajta raqayllaman tukuchisqa kanmanri?

Jeremías 44:6

Chayrayku k'araj phiñakuyneyqa nina jina lawrarispa, Judapi llajtakunata, Jerusalenpi callekunata ima ruphaykorqa. Chaykunataj kunan p'unchaykama ch'inpacha raqaykunallaña qhepakunku, nispa.

Lamentaciones 5:14

Punkupi tiyakoj machu runakuna manaña kankuchu. Waynakunaj takisqankupis manaña uyarikunchu.

Job 3:7

Chay ch'isi ama pipis wijsallikunanchu karqa, nillataj chay ch'isi kusikuymanta qhaparina kanmanchu karqa.

Jeremías 4:26

Qhawarispa, sumaj poqoj jallp'akunapis ch'inman tukuchisqa kasqankuta rikorqani, tukuy llajtankunataj raqayllaña kasqankuta. Tata Diosmin k'araj phiñakuyninpi chay tukuyta ruwarqa.

Jeremías 33:11

Jinallataj casarakojkunaj kusiymanta takisqanku ima uyarikullanqataj. Chantá Tata Diospa Templonman pachis nispa jaywanata apamojkunaj takisqanku uyarikullanqataj. Kay jinata takenqanku: Tukuy Atiyniyoj Tata Diosman pachis niychej, imaraykuchus Tata Diosqa k'achamin, khuyakuynintaj wiñaypaj, nispa. Arí, noqa kay suyuta watejmanta kutichisaj, ñawpajta karqa, ajinallataj kananpaj. Noqa Tata Diosmin chayta nini.

Ezequiel 7:11

Kallpaman atinikuspa ruwayqa astawan wiñarishan, millayta puriypis p'uturishallantaj. Chayrayku paykunamanta ni pipis qhepakonqachu, ni jatun llajtakuna nitaj may jina qhapaj kayninkupis.

Oseas 2:13

13 (15) Payqa lantikunata yupaychaspa, inciensota q'oshñicherqa. Chantá jaluchukunawan, walqakunawan ima t'ikanchaykukuspa, waynankunaj qhepanta rerqa. Noqarí, mashkha kutitachus pay noqamanta qonqaspa, chayta ruwasqanman jina payta jasut'isaj. Noqa Tata Diosmin chayta nini.