Jeremías 7:30 - DIOSPA QHELQACHISQ

³⁰ Tata Dios nillantaj: Judá suyupi tiyakojkuna mana walejtachu ñawpaqeypi ruwanku. Chay millachikuna lantikunata sutiywan sutichasqa Temploman churarqanku, chaywan Temployta ch'ichichaspa.

Qheshwa Biblia DC

³⁰ Señorqa nillantaj: Judamanta runasqa mana walejtachu rijch'ayniypi ruwanku: Chay millachikuna lantisninkuta noqapaj t'aqasqa chay yupaychanawanku wasiyman churarqanku, chaywantaj ch'ichicharqanku.

DIOSPA QHELQACHISQAN DEUTEROCANONICAL

³⁰ Tata Dios nillantaj: Judá suyupi tiyakojkuna mana walejtachu ñawpaqeypi ruwanku. Chay millachikuna lantikunata sutiywan sutichasqa Temploman churarqanku, chaywan Temployta ch'ichichaspa.

Jeremías 7:30 Referans Kwoze

Ezequiel 7:20

Valorniyoj jaluchunkumanta mayta runaykacharqanku, chaykunawantaj millay lantikunata ruwakorqanku. Chayrayku noqaqa k'acha jaluchunkuta q'opaman tukuchisaj.

Jeremías 32:34

Astawanpis noqapaj t'aqasqa Temployta ch'ichicharqanku millay lantinkuta chaypi sayachispa.

Daniel (hebreo) 9:27

Uj semanatawan chay kuraj kamachej ashkha runawan tratota ruwanqa. Chawpi semanapitajrí uywa ñak'asqa q'olachisqa jaywanata, ofrenda qonatapis sayachenqa. Chantá q'olachina altarpa ñawpaqenpi pay uj may millay imata ruwanqa, chaytaj ajina kallanqapuni chhika millay ruwachej runa chinkachisqa kanankama, imaynatachus nisqaña karqa, ajinata.

2 Crónicas 33:7

Jinallataj uj lantita ruwachispa, Tata Diospa Templonman churaykamorqa. Chay Templomanta Tata Diosqa Davidman, chantá churin Salomonman nisqa: Kay Templopi suteyqa wiñaypaj yupaychasqallapuni kanqa, imaraykuchus tukuynin Israel ayllumanta Jerusalenta ajllakuni.

2 Reyes 21:7

Asera sutiyoj diospa lantinta ruwaspa, Tata Diospa Templonpi sayacherqa. Chay wasimanta Tata Diosqa Davidman, chantá churin Salomonta nisqa: Kay Templopi sutiy wiñaypaj yupaychasqa kanqa, imaraykuchus tukuynin Israel jatun ayllukunamanta Jerusalén llajtata ajllakuni.

2 Reyes 21:4

Manasesqa Tata Diospa Templonpipis altarkunata ruwachillarqataj. Chay Templomanta Tata Dios nisqa: Noqaqa Jerusalén llajtapi yupaychasqa kasaj, nispa.

Jeremías 23:11

Tata Dios nillantaj: Pikunachus Diosmanta sut'inchaj kasqankuta nejkuna, sacerdotekunapis Diosta mana manchachikoj, millayta ruwajkuna ima kanku. Paykunata kikin Temploypi millayta ruwashajta taripaykuni.

2 Crónicas 33:15

Chay jawaqa chinkachillarqataj Tata Diospa Templonmanta waj dioskunata, jinataj lantikunatapis. Chinkachillarqataj Jerusalenpi Tata Diospa Temploj chimpa orqonejpi altarkunatapis. Chantá chaykunata llajtamanta jawaman wijch'umorqa.

2 Reyes 23:12

Jinallataj payqa Judá suyuta kuraj kamachejkuna Ajazpa wasin patapi ruwasqanku altarkunatapis phirillarqataj. Tata Diospa Templonpa iskaynin pationkunapi kuraj kamachej Manasés altarkunata ruwasqantapis ñut'uta kutarparichispa, Cedrón wayq'oman wijch'uchimorqa.

2 Reyes 21:3

Tatan Ezequías orqo patapi waj diosta yupaychana altarkunata thuñisqanta Manasés watej ruwachillarqataj. Baal sutiyoj diospaj altarkunata ruwarqa, jinallataj kuraj kamachej Ajab jina Aseraj lantinta ruwallarqataj. Ajinallataj janajpi kaj chhika ch'askakunaman qonqorikuspa, yupaycharqa.

2 Crónicas 33:3

Tatan Ezequías loma patapi chay lanti wasikunata thuñichisqa. Manasestajrí chaykunata watej ruwacherqa. Jinallatataj Baal lantikunapaj, Asera lantikunapajpis altarkunata ruwacherqa. Payqa janajpi kaj tukuy ch'askakunatapis yupaycharqa, chaykunaj ñawpaqenpipis k'umuykorqa.

Isaías 66:4

Noqapis paykunapaj ñak'arinata ajllasaj. Imatachus manchachikunku, chaytapuni paykunaman apachimusaj. Noqaqa wajyarqani, manataj pipis kasuwarqachu. Parlapayarqani, manataj pipis uyariwarqachu, manachayqa rikunayta millayta astawan ruwarqanku. Paykunaqa imatachus mana rikuyta munasqaytapuni ajllakorqanku.

Jeremías 16:18

Ñawpajtaqa uj jinatawanraj tukuy millay ruwasqaykichejmanta, jinataj juchaykichejmantapis qankunata jasut'isqaykichej, imaraykuchus millay mana kawsayniyoj lantikunata yupaychaspa, jallp'ayta ch'ichicharqankichej, chayaqeytataj millay ruwasqaykichejwan junt'acherqankichej, nispa.

Jeremías 32:35

Jinallataj Ben Jinón vallepipis Baalpaj altarkunata ruwarqanku chaypi churinkunata, ususinkunata ima uywa ñak'asqata jina Molocman q'olachinankupaj. Noqatajrí chay jina millayta ruwanankuta ni jayk'aj kamacherqanichu, nitaj yuyallarqanipischu. Jinata ruwaspa, chay kurajkunaqa Judá suyupi tiyakoj runakunata juchallicherqanku, nispa.

Daniel (hebreo) 11:31

Chaypachaqa paypa soldadonkuna Diospa Templonta millachikunaman tukuchenqanku, jinallataj sumaj jark'achasqa wasikunatapis. Diosman sapa p'unchay q'olachispa jaywanatapis sayachenqanku, cuentanmantataj millachikunata jaywanqanku.

Ezequiel 8:3

Chay runaman rijch'akojtaj makinta aysarimuspa, chujchaymanta jap'iwarqa. Chantá Diospa Espíritun jallp'amanta pataman oqhariwaspa, mosqoypi jina Jerusalenman apawarqa. Chaypitaj Temploj ukhu kaj pationpi wichaynejman qhawaj punkuman churaykuwarqa, maypichus Tata Diosta phiñachej lanti kasharqa, chayman.