Jeremías 7:22 - DIOSPA QHELQACHISQ

²² Maypachachus qankunaj ñawpa tataykichejkunata Egiptomanta orqhomorqani chaypacha, mana paykunaman kamacherqanichu uywa ñak'asqa q'olachinata qonawankuta, nillataj waj jaywanakunata jaywanawankuta munarqanichu.

Qheshwa Biblia DC

²² Maypachachus qankunaj ñaupa tatasniykichejta Egiptomanta orqhomorqani chaypachaqa, mana imatapis nerqanichu, nitaj kamacherqanichu uywa wañuchisqasta q'olachinamanta, nillataj uywata wañuchispa jaywanamantapis.

DIOSPA QHELQACHISQAN DEUTEROCANONICAL

²² Maypachachus qankunaj ñawpa tataykichejkunata Egiptomanta orqhomorqani chaypacha, mana paykunaman kamacherqanichu uywa ñak'asqa q'olachinata qonawankuta, nillataj waj jaywanakunata jaywanawankuta munarqanichu.

Jeremías 7:22 Referans Kwoze

Oseas 6:6

Noqa munakunawaykichejta munani, manataj uywa ñak'asqata jaywanallawaykichejtachu. Diosniykichejta jina rejsikapunawaykichejta munani, manataj uywa ñak'asqata q'olachispa jaywanallawaykichejtachu.

1 Samuel 15:22

Chantá Samuel kuticherqa: Imataj astawan Tata Diospa sonqonta kusichinri? Uywata ñak'aspa q'olachinachu, chayrí kamachisqanta kasunachu? Cheqamanta aswan allin payta kasuna, uywata ñak'aspa q'olachinamanta nisqaqa. Jinataj nisqanta uyarina aswan allin, corderoj wiranta jaywanamanta nisqaqa.

San Mateo 9:13

Qankunarí rispa, yachaqamuychej imatachus Diospa Qhelqachisqanpi pay niyta munasqanta: Noqaqa ujkunata khuyanaykichejta munani, mana uywa wañuchisqa q'olachinatachu, nispa. Noqarí mana cheqan runa kasqankuta yuyakojkunatachu wajyaj jamuni, manachayqa juchasapa kasqankuta reparakojkunata, nispa.

Salmos 40:6

6 (7) Qanqa uywa ñak'asqa q'olachinata mana munankichu, nitaj ch'aki mikhuy jaywanatapis. Mana uywa ñak'asqa q'olachisqata mañakorqankichu, nitaj jucha pampachanapaj uywa ñak'asqa jaywanatapis. Aswanpis ninriyta uyarinaypaj kichariwarqanki.

Marcos 12:33

Chantá Diosta tukuy sonqonchejwan munakuna, tukuy yuyayninchejwan, tukuy kallpanchejwan ima, jinallataj runa masinchejtapis noqanchejta jina munakunanchej tiyan. Chaymin aswan uywa ñak'asqa q'olachinamanta, Diosman waj jaywanata jaywanamanta ima nisqaqa, nispa.

Deuteronomio 17:3

Jinallataj qonqorikuspa waj dioskunata yupaychanman, chantá intiman, killaman, ch'askakunamanpis qonqorikuspa yupaychanman, Tata Dios chayta mana kamachejtinpis.

Jeremías 32:30

Qallariymantapacha Israel ayllu, chantá Judá ayllupis ñawpaqeypi millayta ruwarqanku. Israelitakunaqa paykunaj ruwasqanku lantikunata yupaychaspa, phiñachillawajpuni kanku. Noqa Tata Diosmin chayta nini.