Jeremías 6:8 - DIOSPA QHELQACHISQ

⁸ Jerusalenpi tiyakojkuna, wanaychej. Pajtataj qanmanta karunchakuyman, jallp'aykitataj ch'inman tukuchiyman, mana pipis chaypi tiyakunanpaj jina, nispa.

Qheshwa Biblia DC

⁸ Allinta reparakuy, Jerusalén, mana t'aqakusunayta, munaspaqa ch'in pampaman, mana uj runayojmantaj tukunaykipaj.

DIOSPA QHELQACHISQAN DEUTEROCANONICAL

⁸ Jerusalenpi tiyakojkuna, wanaychej. Pajtataj qanmanta karunchakuyman, jallp'aykitataj ch'inman tukuchiyman, mana pipis chaypi tiyakunanpaj jina, nispa.

Jeremías 6:8 Referans Kwoze

Oseas 9:12

Wawankuta uywanqanku chaypis, noqa qhechukapusaj ni uj puchuyojta. Ay, imarajchus kanqa, paykunamanta karunchakusqayrayku.

Ezequiel 23:18

Chay jinata tukuypa rikunanta phisu kawsayman qokorqa, p'enqayninta rikuchikuspa. Chayrayku noqapis Aholibamanta millachikullarqanitaj, imaynatachus ñañanmanta millachikorqani, ajinata.

Jeremías 17:23

Paykunatajrí mana uyariwarqankuchu, manachayqa k'ullukuspa, mana kasuwayta munarqankuchu, nitaj jasut'isqankuwan wanarqankuchu, nispa.

Sofonías 3:7

Jinapi noqa yuyarqani: Jerusalén llajtapi tiyakojkuna manchachikuwanqanku, k'amisqaytapis jap'ikonqanku. Jinamantataj mana paykunata jasut'isajchu, nitaj tiyakunanku wasikunata thuñirparichisajchu, nispa. Paykunatajrí usqhayllata tukuy imaymana millay ruwanaman qokorqanku.

Jeremías 32:33

Paykunaqa wasanchawarqanku, manataj kutirikamuwayta munarqankuchu. Noqa paykunata kutin kutinta yachachispa k'amerqani chaypis, mana kasuwarqankuchu, nitaj jasut'isqaywan wanaytapis munarqankuchu.

Salmos 50:17

K'amisqayta qanqa sajrapaj jap'inki, nitaj parlasqaytapis cuentaman churankichu.

Jeremías 31:19

Noqa qanmanta karunchakorqani. Chaywanpis juchallisqayta rejsikapuspa, watej qanman kutirikamuni. Qhasqoyta takakuspa, p'enqasqa k'umuykuni, wayna kashaspa juchallisqayrayku, nispa.

Jeremías 9:11

11 (10) Tata Dios nin: Jerusalén llajtata rumi qotuman tukuchisaj, k'ita alqokunaj tiyakunanman. Judá suyupi llajtakunata raqaykunaman tukuchisaj, manañataj pipis chaypi tiyakoj kanqachu, nispa.

Jeremías 7:34

Chantá Judá suyupi, jinallataj Jerusalén llajtapipis raymikunata, tusuykunata, takiykunata, jinallataj casarakupi takiykunatapis ch'inyachisaj. Tukuy suyutaj ch'inman tukuchisqa kanqa, nispa.

Jeremías 7:20

Chayrayku Tukuyta Kamachej Tata Dios kayta nin: Tukuy phiñakuyniyta kay suyoj contranpi jich'aykamusaj, jinallataj chaypi tiyakojkunaj contranpi, uywankukunaj contranpi, sach'akunaj contranpi, chantá chajra poqoykunaj contranpi ima. Chay phiñakuyniytaj nina jina mana thasnuy atina kanqa, nispa.

Jeremías 4:14

Tata Diostaj kutichenqa: Jerusalén, millay ruwasqaykimanta sonqoykita llimphuchakuy, jinamanta qhespichisqa kanaykipaj. Mayk'ajkamataj umaykipi chay millay yuyaykuna muyonqankuri?

Jeremías 2:15

Imaraykutaj waj runakuna leonkuna jina sinch'ita qhaparispa, israelitakunaman phinkiykunkuri? Jallp'ankuta ch'inpachata saqerparinku. Llajtankutapis ninawan ruphaykuchispa, mana runayojta saqerparinku.

Proverbios 4:13

Yachachisusqaymanta ch'ipakuy, amataj qonqayman churaychu. Chay nisqayman jina ruway, imaraykuchus chaymin kawsanaykeqa.

Salmos 94:12

Tata Dios, kusikuyniyojmin k'amisqaykiwan cheqan ñanman churasqayki runaqa, pimanchus kamachisqaykita yachachinki, chay runa.

Salmos 2:10

Kay pachapi tukuy kuraj kamachejkuna, yachayniyoj kaychej, k'amisqaytapis jap'ikuychej.

Deuteronomio 32:29

Sichus paykuna yuyayniyoj kankuman chayqa, reparakunkuman imapichus tukukunankuta.

Levítico 26:34

Chaypacha jallp'aykichej samarenqa, qankuna awqaykichejkunaj llajtankupi kawsanaykichejkama. Ajinamanta jallp'aqa mana samarisqanmanta chaypacha samarenqa.

Jeremías 7:28

Chayrayku paykunaman niy: Qankunamin Diosniykichej Tata Diosta mana uyarej suyu kankichej, nitaj k'amisqanta kasunkichejchu. Cheqanta parlanaqa simiykichejpi manaña kanchu, nispa.

Proverbios 19:20

Yuyaychasqata uyariy, k'amisqatapis jap'ikuy, chay jinapi yachayniyojman tukunki.

Oseas 2:5

5 (7) Mamanku khuchichakorqa. Paykunata paqarichikojqa uyanpi mana yawarniyoj jina nerqa: Rispa, mask'amusaj ñawpa qhariykunata. Paykuna mikhunata qowanqanku, linomanta, millmamanta ruwasqa p'achata ima. Sumaj q'apashaj jawinawantaj jawiykuwanqanku, chantá mayta kusichiwanqanku, nispa.