Jeremías 6:7 - DIOSPA QHELQACHISQ

⁷ Jerusalenmanta millayta ruwana llojsimullanpuni, imaynatachus uj pujyumanta yaku llojsimullanpuni, ajinata. Chay llajtapi suwanamanta chantá mana allinta ruwanamanta parlasqalla uyarikun. Chaypi onqoykunawan k'irisqa runakunallata rikuni.

Qheshwa Biblia DC

⁷ Jerusalenmanta sajra kay llojsimun, uj pujyumanta yaku llojsimun ajinata. Chay llajtapeqa millay ruwaykunaslla, ch'ajwachinakuyllataj uyarikun, chaypi rikuni nanachisqasta, ayqhoyllatawan.

DIOSPA QHELQACHISQAN DEUTEROCANONICAL

⁷ Jerusalenmanta millayta ruwana llojsimullanpuni, imaynatachus uj pujyumanta yaku llojsimullanpuni, ajinata. Chay llajtapi suwanamanta chantá mana allinta ruwanamanta parlasqalla uyarikun. Chaypi onqoykunawan k'irisqa runakunallata rikuni.

Jeremías 6:7 Referans Kwoze

Ezequiel 7:23

Tata Dios nillarqapuni: Tukuy Israel suyuntinpi runa wañuchiy tiyan, Jerusalén llajtantinpitaj kallpaman atinikuspa millay ruwaykunawan junt'a kashan. Ezequiel, fierro cadenakunata wakichiy aylluykunata qhatatanapaj.

Ezequiel 7:11

Kallpaman atinikuspa ruwayqa astawan wiñarishan, millayta puriypis p'uturishallantaj. Chayrayku paykunamanta ni pipis qhepakonqachu, ni jatun llajtakuna nitaj may jina qhapaj kayninkupis.

Jeremías 20:8

Sapa kuti simiyta kicharispa, qhaparini: Ch'ajwa kanqa, thuñisqa kaytaj, nispa. Chayrayku sapa kuti turiyawanku, asiykukuwankutaj nisqaykita willarasqayrayku.

Isaías 57:20

Mana allinta ruwajkunarí sinch'i wayraj qhollchoqeyachisqan mama qocha jina kanku. Kayman jaqayman q'opata, t'urutapis wijch'un, nitaj tiyaykuyta atinchu.

Ezequiel 24:7

Kay llajtaqa yawar jich'asqanwan junt'a kashan. Chhanka patapi jich'asqa kashan, manataj pampapichu jallp'awan qhatasqa kananpajqa.

Proverbios 4:23

Tukuy imamanta astawanqa imatachus yuyasqaykiyta sumajta qhaway, imaraykuchus runaj tukuy ruwasqan chaymantamin jamun.

Isaías 59:6

Mik'u mik'oj llikhanmanta awasqa p'achaqa churakunapaj mana walejchu, nitaj ruwasqankoqa ni imapajpis allinchu. Millay kajta ruwaspa purinku, kallpapi atinikuspataj, mana allin kajllata ruwanku.

Jeremías 30:12

Tata Dios nillantaj: K'irisqa kasqaykichejqa mana jampiy atina, onqoyniykichejpajpis mana jampi kanchu.

Jeremías 30:13

Qankunaqa mana piniyoj jina kankichej. K'irisqa kasqaykichejta mana pipis jampiykoj kanchu, nillataj jampipis kanchu.

Jeremías 32:31

Noqa nillanipuni: Kay llajtaqa sayarichisqa kasqanmantapacha kunan p'unchaykama k'arajta phiñachillawan. Chayraykumin kay llajtata ñawpaqeymanta chinkarparichisaj.

Ezequiel 45:9

Tukuyta Kamachej Tata Dios kay jinata nin: Israelta kamachejkuna, kaykamalla kachun. Amaña mana allin kajta ruwaychejchu, nitaj kallpaman atinikuspa runakunata waqachiychejchu. Cheqan kajman jina kawsaychej, justiciatataj ruwaychej. Amaña runaykunamanta jallp'ankuta qhechuychejchu. Noqa Tukuyta Kamachej Tata Dios chayta nini.

Isaías 1:6

Chakiykichejmanta umaykichejkama k'irisqa kankichej, q'eyayasqa, punkisqa, aycha khallasqa ima. Ni pi jampiykusunkichejchu, nitaj mayt'usunkichejchu, nillataj aceitewan jawiykusunkichejchu k'irisqa kasqaykichej thañinanpaj.

Jeremías 8:22

Manachu ima jampipis Galaad llajtapi kanmanri? Manachu jaqaypi pipis jampiykurej kanmanri? Imaraykutaj kay aylluy mana qhaliyayta atinchuri? nispa.

Jeremías 30:15

Imaraykutaj k'irisqa kasqaykichejmanta qhaparqachankichejri? Chay nanayniykichejqa mana jampiy atina. Ashkha millay ruwasqaykichejmanta, mana yupay atina juchaykichejmanta ima ajinata ñak'arichiykichej.

Ezequiel 21:29

29 (34) Paykunaj mosqoypi jina rikusqankoqa qhasilla, llullataj. Chay espadaqa urmanqa millayta ruwajkunata wañuchinanpaj, juchachasqa kajkunaj kunkankuta qholurananpajtaj. Paykunata jasut'inaypaj p'unchayqa chayamunña, millayta ruwananku tukukunanpaj.

Sofonías 3:1

Ay, Jerusalenpi tiyakojkuna, mana kasukuyta munajkuna, juchawan junt'a kajkuna, runa masiykichejta ñak'arichejkuna.