Jeremías 6:6 - DIOSPA QHELQACHISQ

⁶ Tukuy Atiyniyoj Tata Dios kayta kamachin: Sach'akunata k'utuychej, chaywantaj patachata ruwaychej, Jerusalenman maqanakoj yaykunaykichejpaj. Kay llajta jasut'isqa kananpaj qhawasqaña, imaraykuchus millayta ruwaykunawan junt'a kashan.

Qheshwa Biblia DC

⁶ Tukuy Atiyniyoj Señorqa kay kamachita qon: Sach'asta k'utuychej, perqasmantaj jallp'ata qolluykuychej Jerusalenman maqanakoj yaykunapaj. Llajtaqa jasut'isqa kanampaj qhawasqaña, imaraykuchus millay ruwaykunawan junt'a kashan.

DIOSPA QHELQACHISQAN DEUTEROCANONICAL

⁶ Tukuy Atiyniyoj Tata Dios kayta kamachin: Sach'akunata k'utuychej, chaywantaj patachata ruwaychej, Jerusalenman maqanakoj yaykunaykichejpaj. Kay llajta jasut'isqa kananpaj qhawasqaña, imaraykuchus millayta ruwaykunawan junt'a kashan.

Jeremías 6:6 Referans Kwoze

Jeremías 32:24

Kunan Caldeamanta runakuna jallp'amanta moqota ruwankuña kay llajtaman phawaykamunankupaj. Jinataj maqanaku, yarqhay, onqoy ima kay llajtata jap'enqanku. Tata Dios, nisqayki imaynatachus junt'akushasqanta rikushanki.

San Lucas 19:43

Jamoj p'unchaykunapirí awqaykikunaqa jallp'a moqokunata contraykipi oqharenqanku. Atipasunankupaj muyuykusonqanku, tukuynejmantataj ñit'iykamusonqanku.

Isaías 37:33

Tata Diosqa Asiriaj kuraj kamachejninmantapis kay jinata nillantaj: Jerusalén llajtaman manapuni yaykonqachu, nitaj arconwan uj flechallatapis kachaykonqachu. Manataj escudontapis maqanakunanpaj jap'enqachu, manallataj llajtaj muyuyninpi perqata wicharinanpaj jallp'a moqokunata ruwanqachu.

Jeremías 22:17

Qanrí, Joacín, mana allinta ruwaspa qolqe jap'inallamanta wañushanki. Mana juchayojkunata wañuchinki, mana pagaspa runaykikunatapis ñak'arichinki, nispa.

Jeremías 32:31

Noqa nillanipuni: Kay llajtaqa sayarichisqa kasqanmantapacha kunan p'unchaykama k'arajta phiñachillawan. Chayraykumin kay llajtata ñawpaqeymanta chinkarparichisaj.

Jeremías 33:4

Noqa Israelpa Tata Diosnin kayta nini: Qankunaqa wasikunata urmacherqankichej jinataj Judata kuraj kamachejpa wasintapis urmachillarqankichejtaj, chaykunawan perqata sumajta phatuchanaykichejpaj. Ajinata ruwaspa, Babiloniamanta soldadokunata yaykumunankumanta espadawan jark'akuyta munarqankichej.

Ezequiel 4:2

Chaymanta soldadokunawan muyuykuchinki, maqanakupaj armakunatawan ima. Jinallataj muyuyninpi perqanta jark'achatawan ruwaray, jap'inapaj muyuykusqa llajta jina rikukunanpaj.

Ezequiel 5:5

Tukuyta Kamachej Tata Dios kaytawan niwarqa: Kaymin Jerusalén llajta. Noqa kay llajtataqa ashkha suyukunaj chawpinpi, chantá llajtakunaj chawpinkupi ima churarqani.

Daniel (hebreo) 11:15

Chantá wichaynejmanta kaj kuraj kamachej jamuspa, jark'achasqa llajtaj muyuyninpi jallp'a moqota oqharenqa, llajtatataj jap'enqa. Uraynejmanta kaj kuraj kamachejtaj mana imanaytapis atenqachu, nitaj aswan wapu kaj soldadonkunapis wichaynejmanta kaj kuraj kamachejta jark'ayta atenqankuchu.

Sofonías 3:1

Ay, Jerusalenpi tiyakojkuna, mana kasukuyta munajkuna, juchawan junt'a kajkuna, runa masiykichejta ñak'arichejkuna.

Jeremías 5:9

Manachu chay tukuymanta paykunata jasut'iymanri? Manachu chay jinata ruwaj suyuwan pagachikuymanri?

Jeremías 5:29

Manachu chay jina ruwasqankumanta paykunata jasut'isajri? Manachu ajina runakunaman chay ruwasqankuman jina kutichisajri? Noqa Tata Diosmin chayta nini.

Jeremías 20:8

Sapa kuti simiyta kicharispa, qhaparini: Ch'ajwa kanqa, thuñisqa kaytaj, nispa. Chayrayku sapa kuti turiyawanku, asiykukuwankutaj nisqaykita willarasqayrayku.

Jeremías 39:1

Judá suyuta kuraj kamachej Sedequías jisq'on wata chunka killataña kamachishajtin, Babiloniata kuraj kamachej Nabucodonosor tukuy soldadonkunawan Jerusalenpa contranta jamuspa, llajtata muyuykorqa.