Jeremías 6:10 - DIOSPA QHELQACHISQ

¹⁰ Chantá noqa Jeremías kuticherqani: Pimantaj uyarinawankupaj willamusajri? Paykuna joq'araman tukunku, manataj uyariyta munankuchu. Tata Diospa nisqanta mana munakunkuchu, nitaj chaywan misk'ichikunkuchu.

Qheshwa Biblia DC

¹⁰ Noqataj kuticherqani: Pitaj kutichiwanman kay parlasqayta willamojtiyri? Señor, paykunaqa joq'arasman tukunku, manataj uyariyta atinkuchu, palabrasniykimanta asiykukunku, mana paykunamanqa allinchu rijch'an.

DIOSPA QHELQACHISQAN DEUTEROCANONICAL

¹⁰ Chantá noqa Jeremías kuticherqani: Pimantaj uyarinawankupaj willamusajri? Paykuna joq'araman tukunku, manataj uyariyta munankuchu. Tata Diospa nisqanta mana munakunkuchu, nitaj chaywan misk'ichikunkuchu.

Jeremías 6:10 Referans Kwoze

Hechos 7:51

Esteban nillarqataj: Qankunarí Diosta mana kasukoj rumi sonqo, mana uyarej kankichej. Chayrayku qankunapis ñawpa tatanchejkuna jina Santo Espirituta mana uyariyta munankichejchu.

San Juan 7:7

Runakuna qankunata mana chejnikusunkichejchu. Noqatarí chejnikuwanku, imaraykuchus noqaqa ruwasqanku mana allinchu kasqanta sut'ita nipuni.

Jeremías 7:26

Chaywanpis qankunaqa manapuni kasuwarqankichejchu, manachayqa ñawpa tataykichejkunamantapis astawanraj rumi sonqo karqankichej.

Hebreos 11:7

Jinallataj Noeqa Diospi tukuy sonqo atinikorqa. Chayrayku mana jayk'aj rikusqan kananta Dios sut'inchajtin, Noeqa Diosta kasuspa, uj jatun barcota ruwarqa wasi ayllun ama wañunanpaj. Jinallataj Diospi atinikusqanrayku Noé yachayta qorqa chaypacha kawsaj runakuna juchachanapaj jina kasqankumanta. Chantá Diospi atinikusqannejta pay cheqan runapaj qhawasqa kanata jap'erqa.

Isaías 53:1

Pitaj willasqaykuta jap'ikorqari? Pimantaj Tata Dios atiyninta rikucherqari?

Éxodo 6:12

Moisestajrí kuticherqa: Ni israelitakunapis uyarishawankuchu. Imaynatataj faraón uyariwanqari? Noqaqa mana sumajta parlayta atinichu, nispa.

2 Timoteo 4:3

Chayta niyki, imaraykuchus aswan qhepanejman runakuna cheqan kaj yachachiyta mana uyariyta munanqankuchu. Manachayqa paykuna munasqankuman jina ashkha yachachejkunata mask'anqanku, imatachus uyariyta munasqankuta yachachinankupaj.

Colosenses 1:28

Chayrayku Cristomanta willayku tukuy runata yuyaychaspa, tukuy yachaywan yachachispa ima. Ajinata ruwayku tukuy runata Cristowan ujchasqa kawsakunapi yuyayninpiña kashajta rikhurichinaykupaj.

Romanos 7:22

Sonqoypeqa noqa Diospa kamachisqanta munakuni.

Hechos 7:60

Qonqoriykukuspataj, sinch'ita qhaparerqa: Tukuyta Kamachej Jesusníy, kay ruwasqankumanta ama paykunata juchachaychu, nispa. Chayta niytawantaj, wañorqa.

San Juan 9:40

Chantá Jesuswan kasharqanku, chay fariseokunamanta wakin chayta uyarispa, nerqanku: Ajinata nispa, niytachu munanki noqaykupis ñawsallataj kashasqaykuta? nispa.

San Lucas 20:19

Chayta uyarispa, kuraj sacerdotekuna, Diospa kamachisqanmanta yachachejkuna ima Jesusta chay kikinpi jap'iykuyta munarqanku, imaraykuchus reparakorqanku contrankuta chay rijch'anachinata nisqanta. Chaywanpis, mana payta jap'erqankuchu runakunata manchachikusqankurayku.

San Lucas 11:45

Chantá Diospa kamachisqanmanta yachachejkunamanta ujnin kuticherqa: Yachachej wiraqochi, chayta nispaqa, contraykutapis rimashallankitaj, nispa.

San Mateo 3:7

Ashkha fariseokuna, saduceokunawan ima Juan bautizasqanta rikoj jamullarqankutaj. Juantajrí paykunata rikuspa, nerqa: Katarikunaj miraynin, pitaj nisorqachej Diospa jamoj, k'araj phiñakuyninmanta ayqenaykichejtari?

Amós 7:10

Chaymanta qhepaman Betelmanta sacerdote Amasiasqa Israelta kuraj kamachej Jeroboanman uj willajta kachaspa, nicherqa: Amosqa Israel suyupi qanpa contraykita runakunata oqharichispa purishan. Noqanchejrí mana ajina parlajtaqa qhawallasunmanchu.

Ezequiel 33:9

Chaywanpis sichus qan mana allinta ruwaj runata k'aminki mana allin kawsayninmanta kutirikunanpaj, paytaj mana kasukunmanchu chayqa, juchanrayku wañonqa, qantajrí mana juchayojchu kanki.

Ezequiel 33:3

Chantá chay soldadoqa llajtaj contranpi soldadokunata jamojta rikuspa, trompetata waqachin llajta masinkunaman soldadokuna jamushasqankumanta yachayta qonanpaj.

Jeremías 4:4

Judá suyupi, Jerusalén llajtapipis runakuna, noqawan trato ruwasqaykichejta junt'aychej. Sumajta sonqoykichejta wakichiychej yachachisqayta jap'inaykichejpaj. Pajtataj millay ruwasqaykichejrayku phiñakuyniy nina jina k'ajarinman, jap'iykukojtintaj, ni pi thasnuyta atinmanchu, nispa.

Salmos 119:174

Tata Dios, qhespichinawaykita mayta munani, kamachisqaykiwantaj misk'irichikuni.

Salmos 119:77

Noqamanta khuyarikuway kawsanaypaj, imajtinchus kamachisqaykiwan misk'ichikuni.

Salmos 119:70

Paykunaj sonqonkoqa tunuyasqa, manataj imatapis sientenchu. Noqatajrí kamachisqaykimanta yachaspa kusikuni.

Salmos 119:35

Kamachisqaykita kasuspa purichiway, imaraykuchus kamachisqaykita kasuspa sonqo junt'asqa kani.

Salmos 119:24

Noqaqa kamachisqaykipi unanchaspa misk'irichikuni, imajtinchus kamachisqaykikunaqa yuyaychawanku.

Salmos 119:16

Kamachisqaykipi yuyaspa misk'irichikusaj, nisqaykimantapis mana qonqakusajchu.

Salmos 40:8

8 (9) Diosníy, munasqaykita ruwaspa kusikuni, yachachiwasqaykitaj sonqoypi kashan, nispa.

Salmos 1:2

Manachayqa Tata Diospa kamachisqanta munakuspa misk'irichikun, chay kamachisqanpitaj tuta p'unchay unanchan.

Deuteronomio 29:4

4 (3) Chaywanpis kunankama Tata Diosqa entiendej sonqota manaraj qosunkichejchu, nitaj reparanaykichejta munanchu imaraykuchus chaykunata ruwasqanta.

Jeremías 5:21

Wampukuna, mana yuyayniyoj Israel ayllu, kayta uyariychej: Ñawiyoj kankichej, manataj rikunkichejchu. Ninriyoj kankichej, manataj uyarinkichejchu.

Jeremías 9:26

26 (25) Kay suyukunata jasut'isaj: Egiptota, Judata, Edomta, Amonta, Moabtawan ima. Jinallataj ch'innejpi tukuy tiyakojkunata, pikunachus umankuta ruthuchikunku, chaykunatawan ima jasut'illasajtaj. Chayta ruwasaj, imaraykuchus chay suyukuna, jinataj israelitakunapis cheqapuni sonqonkupi mana circuncidasqachu kanku, nispa.

Isaías 42:20

Tukuy imata qhawashaspapis, mana imatapis reparankichu. Uyariyta atishaspapis, mana imatapis uyarinkichu.

Jeremías 7:13

Mashkha kutita parlapayarqaykichej, qankunatajrí mana kasuwayta munarqankichejchu, nitaj uyarillawaytapis munarqankichejchu.

Jeremías 35:13

Noqa Israelpa Tukuy Atiyniyoj Tata Diosnin kamachiyki, rispa Judapi, Jerusalenpiwan kaj runakunaman sutiypi nimunaykita: Recabitakunaj ruwasqankumanta yachaqakuspa, kamachisqayta kasuychej. Noqa Tata Diosmin chayta nini.

Ezequiel 3:7

Chaywanpis Israel aylloqa mana uyarisuyta munanqankuchu, imaraykuchus noqata mana kasuwayta munankuchu. Israel aylloqa tukuyninku mana kasukoj rumi sonqoyojkuna kanku.